Lenkawl

Nimin khan Serchhip District-ah COVID-19 hri kai mi 73 zet hmuhchhuah niin an zinga 58 te chu Sialsir khua an ni.

Serchhip District chhungah nimin (Dec. 30, 2021) atanga hman tan turin thla hnih huam turin zan lam Curfew Order tihchhuah leh a ni.

Chhiahtlang Chhim Veng Branch YMA te chuan an huamchhunga hmeithai pakhat chenna In tur sak hnatlang an nei mek.

Nizan hmasa zanlai vel-a Serchhip Bazar-a Police duty te beitu mi pahnih te chu Serchhip Police ten manin thubuai siam sak an ni.

Lunglei Zotlang Tourist Lodge Building-a RT-PCR Laboratory chu nimin khan Health Minister Dr. R. Lalthangliana chuan hman theih turin a hawng.

Chief Minister Zoramthanga chuan nimin zing khan Industrial Growth Centre, Luangmual-a hmalakna awm tura ruahmante a hmunah a enfiah.

HOTEL/HOMESTAY/TOURIST DORMITORIES/GUESTHOUSES/LODGES/ACCOMMODATION UNITS/RESTAURANTS/THINGPUI DAWR/KAWNGKAM HOTEL CHUNGCHANGA TOURISM DEPARTMENT HRIATTIRNA

Nimin khan Serchhip District-ah hri kai mi 7 hmuhchhuah niin mi 2 enkawl dam an ni thung.

Tun thla ni 25 thleng khan Serchhip District-a COVID-19 hri kai hmuhchhuah zingah hmun thuma thena hmun khat vel zet chu kum 18 hnuailam an ni a, hri kai hmuhchhuah tawh zinga a tam zawk te chu hri danna la lo an ni.

Serchhip District chhunga Thinglian khua chuan nimin khan ‘Kum 2021 chhunga Thinglian khua Buh leh thlai thar lawmna Kutpui’ an hmang a, he hun hi bialtu MLA leh Assembly Deputy Speaker Er. Lalrinawma chuan khuallian niin a hmanpui a ni.

Kuhvarah-ah YMA in hma la

Krismas hman zawh a nih hnuah Mizoram-a hri kai hmuhchhuah an pung chho leh hret hret a, nimin tlai thleng khan hri kai enkawllai mi 1369 an la awm a ni.

Mizoram atanga District hnufual chawikan ngaia thlan Mamit District chu nimin khan Central Prabhari Officer leh Department of Land Resources, Watershed Management Division-a Joint Secretary, Umakant chuan tlawhin District thuneitute nen inkawmna neih a ni.

Chanchin thar thenkhat :

(Dec. 29, 2021)

Serchhip Chanchinthar thenkhat :

(Dec. 29, 2021) 

Vawiin tlai thleng khan Serchhip District-ah COVID-19 hri kai enkawllai mi 123 an awm mek.

Kristian he hunpui Krismas 2021 chu Serchhip-ah boruak muanawm tak hnuaiah hman a ni a, pawikhawihna thleng a awm hriat a ni lo.

Serchhip Chanchin thar thenkhat :
(24th Dec., 2021)

Chanchin thar thenkhat :

(24th Dec., 2021)

 Chanchin thar thenkhat :

(23rd Dec., 2021)

Serchhip thuthar thenkhat :

(December 23rd, 2021)

Serchhip thuthar thenkhat :
(December 22nd, 2021)

Chanchin thar thenkhat :

(22nd Dec., 2021)

ZEDA hotu ten Governor an kawm :

Serchhip thuthar thenkhat :
(December 21, 2021)

Serchhip SP in YMA hruaitute a kawm :

(December 20, 2021)

Nawrh khapna tihchhuah a ni

(December 20, 2021)

MJA ten Member thar an lawmlut

Serchhip District Table Tennis Association (SDTTA) buatsaih ‘Serchhip District Table Tennis Championship 2021’ chu nimin khan New Serchhip TT Hall-ah khelh tan a ni.

Mizoram-a National Health Mission (HNM) hnuaia thawktute chuan nimin atang khan sawrkar-a an thilphut tih hlawhtlin ngiata nawrhna huaihawtin Pisa an kai duh lova, Serchhip District-a NHM hnuaia thawktute pawhin he nawrhna hi zawmin hnathawh kawng hrang hrangah harsatna a thleng dawn niin a lang.

Thingsai khua a chhungkaw 20 ten eirawng-bawlna Gas Double chungchanga harsatna an tawh chu tunhnai khan Serchhip-a District Commission chuan ngaihtuahin thutlukna a siam.

Keifang kum 100 tlinna lawm

YMA General Conference vawi 73-na chu niminpiah, Dec. 16, 2021 khan R. Dengthuama Indoor Stadium, Aizawl-ah neih niin Central YMA hruaitu tur thlanna neih a ni.

Aizawl District Bawrhsap Pisa chu nimin zing khawvar hma khan kangin sawrkar bungrua leh lehkha pawimawh chi hrang hrang tam tham tak a kangral a, Aizawl Bawrhsap Pisapui kang chhui chiang turin Magisterial Inquiry lak a ni dawn a ni.

Mizoram Pradesh Congress Committee (MPCC) President nihna chu nimin khan Lal Thanhawla chuan President thar Lalsawta hnenah a hlan ta.

Nimin chawhma dar 11:00 khan VL. Thleng-liana (19), Serchhip IOC Veng-a Roluahpuia tupa chu COVID-19 vangin ZMC-ah a boral.

Nimin khan Serchhip District-ah COVID-19 hri kai mi mi 28 hmuh belh niin hri kai mi 27 te enkawl dam an ni thung.

Serchhip District Consumers Association ten kumin-a ‘Minister's Proficiency Award’ an dawn lawmna leh Serchhip District Consumers Meet chu nimin khan Serchhip DC Conference Hall-ah neih a ni.

Mizoram aiawha Basketball khel tur Mipa leh Hmeichhia te chuan Mizoram chhuahsanin Mipa Team-ah hian Serchhip mi pakhat a tel a ni.

MURA in Governor kawm

Niminpiah khan Mizoram-ah Sample 3199 enfiah leh niin heng atang hian COVID-19 hri kai mi 234 hmuhchhuah an ni a, Sample enfiah atanga za zela 7.31 te chuan hri an kai a ni.

Mizoram Sawrkar leh Tata Trusts tangkawpa Football zirna tur Academy 60 din chungchang leh a kaihhnawih dangte chu nimin khan Sports Minister hovin State Level Monitoring Committee chuan an sawiho.

Railways Minister Ashwini Vaishnaw chuan Bairabi atanga Sairang thleng Rel kawng phah hna kal mek chu thawh zawh hun tur tak sawi theih ni lo mahse a chak thei ang bera thawh a ni ang, a ti.

Parking House Support Scheme (PAHOSS) hnuaia Aizawl khawpui chhunga Parking House sak zawh 11 te chu nimin khan Chief Minister Zoramthanga, Deputy Chief Minister Tawnluia leh AMC Mayor Lalrinenga Sailo te chuan an hawng.

Agriculture Minister C. Lalrinsanga chuan NABARD-in Mizoram-ah a bik takin Lo neih leh ranvulh a eizawngtute leh thingtlang a cheng mipuite tana thil tha tak an tih chu mipui leh Sawrkar in an hlawkpui thu a sawi.

Home Minister Lalchamliana chuan sawrkar hnathawk zingah Social Media hmanga sawrkar Policy sawisel an awm thin chu pawi a tih thu a sawi.

Nimin khan Serchhip District-ah COVID-19 hri kai mi 6 hmuhchhuah niin hri kai enkawl dam an awm lo.

North Vanlaiphai Games & Sports Association (GSA) buatsaih David Lalrintluanga Memorial Volleyball Tournament chu nimin khan Assembly Deputy Speaker Er. Lalrinawma chuan a hawng.

Mizo Zirlai Pawl (MZP) Hqrs. Serchhip chuan kumin a pawl 10, High School Leaving Certificate (HSLC) leh pawl 12, Higher Secondary School Leaving Certificate (HSSLC) Exam-a Serchhip District-a zirlai tithate chawimawina hun an hmang.

Pradhan Mantri Awas Yojana-Urban (PMAY-U) hnuaia Serchhip District chhunga In sak tanpuina dawngtu zingah hma la la lo te chungchang ngaihtuahin nimin khan Serchhip-ah District Screening Committee chu an thukhawm.

Serchhip khawpui chhunga Kohhran hrang hrang aiawhte leh VLTF bakah Incident Commander te chu nimin khan thukhawmin Krismas leh Kumthar vuakvet-a CAB zawm that theih dan tur an sawiho a. Ruai siam chung-changah DC Office lam atangin Kohhran hrang hrangte ngenna siam tura tih a ni.

KCC-a hmalakna thlirho

Thawhtanni khan Mizoram-ah COVID-19 hri kai hmuhchhuah an pung leh hret a, Mizoram pum-a Sample enfiah 4274 atangin hri kai 320 hmuhchhuah niin Sample enfiah atanga chhut erawh chuan za zela 7.49 chauhin hri an kai a ni.

Keifang Football Field-a Phullem phah thar chu nimin khan bialtu MLA leh P&E Minister R. Lalzirliana chuan a hawng.

Chief Minister Zoramthanga chuan nimin-a Mizoram College Teachers' Association (MCTA) in Annual General Conference 42-na Taxation Department Auditorium-a an hman chu khuallian niin a hmanpui.

Parliament Thlasik thutkhawm neih mekah Mizoram Rajya Sabha MP K.Vanlalvena chuan Myanmar Refugee te chungchang a sawi chhuak.

Mizoram District zingah Serchhip District chu Aizawl tihloh ah COVID-19 hri kai enkawllai tamna ber a ni mek a, tunhniah hri kai hmuhchhuah an tam avang leh kan hma lawka hunpui lo thleng turah hri leng a darh lohna tur ngaihtuahin nimin khan Serchhip District Disaster Management Authority (DDMA) thutkhawm chu neih a ni.

Nizan thleng khan Serchhip District-ah COVID-19 hri kai enkawllai mi 323 an awm mek.

Serchhip District-ah COVID-19 vaccine la thei atanga chhutin za zela 89.49 te chuan Vaccine Dose 1-na la tawhin zaa 79.89 ten an Vaccine lak tur an la zo tawh bawk a ni.

Winter Festival sawifiah

Pathianni khan Mizoram-ah Sample 443 enfiah niin COVID-19 hri kai 81 hmuhchhuah an ni a, Sample enfiah zawng zawng atanga chhutin za zela 18.30 zetin hri an kai a ni.

ZPM Thalaite chuan pawisafai sem chu mipuite rilru leh sûkthlêk tichhetu a nih avângin an duh lo tih an sawi.

Rural Development Department changtu Minister Lalruatkima chuan MGNREGS hnuaia inhlawhna chu Krismas hmain kan hmuh theih a beisei thu a sawi.

Kolasib District Inter-State Border Management Board thutkhawm vawi khatna chu nimin khan Kolasib DC Dr. H. Lalthlangliana hovin a Pisa-ah neih a ni.

Chief Minister Zoramthanga chuan Mizoram-a Myanmar raltlante tan theihtawp a chhuah zel tur thu a sawi.

Nimin khan Serchhip District-ah hri kai mi 13 hmuhchhuah thar leh an ni.

Mizoram Synod Inkhawmpui vawi 98-na chu nimin khan zawhfel a ni ta.

MLB thlirlawkna hun nei

Serchhip District Tennis Association (SDTA) buatsaih ‘Years End Tournament’ chu Inrinni khan khelh zawh a ni.

Serchhip District chhunga Neihloh khua in COVID-19 hri leng avangin harsatna an tawk mek.

Inrinni khan Serchhip-ah National Lok Adalat thutkhawm neih niin thubuai 41 ngaihtuah a ni.

Mizoram-a COVID-19 hri kai hmuhchhuah chu 1,38,212 tling tawhin an zinga 1,34,950 te chu enkawl dam an ni tawh.

Mizoram Chief Secretary Dr. Renu Sharma chuan Inrinni khan Hnahthial District tlawhin District leh khawtlang hruaitute nen inkawmna an nei.

New Delhi-a zin Minister Dr. R. Lalthangliana chuan Inrinni khan sawrkar mi pawimawh hrang hrangte kawmin Mizoram mamawh hrang hrang a thlen.

Kumin chhungin Mizoram Building & Other Construction Workers’ Welfare Board (MBOCWWB) chuan an member 114 boral (natural death) chhungte hnenah Death Benefit Rs. 1,14,00,000 a pe tawh a. Covid-19 package mi 356 hnenah Rs. 75,56,000 a pe tawh bawk.

EDS hnuaiah intihsikna hawng

Nimin khan Serchhip District-ah COVID-19 hri kai mi 24 hmuh belh awmin mi 26 te enkawl dam an ni thung.

Serchhip District NGO Coordination Committee hruaitute chuan Serchhip District Hospital building thar saka tur atana Town chhunga NGO leh VC hrang hrang ten Bukpui-a P&E Department ram leh ITI hmun tur inkar ram an lo pawm tawh thu chu sawrkar thuneitute hnenah karleh lam khian thlen nawn leh an tum thu an sawi.

Tuikum bialtu MLA leh Assembly Deputy Speaker Er. Lalrinawma chuan nimin khan a bial chhunga Sialhau khua tlawhin Tui pump-na hmun leh hmun pawimawh dangte a tlawh.

Federation of Mizoram Samagra Shiksha (FEMSE) Hqrs. hruaitute chuan nimin khan Serchhip rawn tlawhin FEMSE Sub-Hqrs. Serchhip hruaitute nen inkawmna an nei.

Mizoram-ah COVID-19 hri kai hmuhchhuah tlahniam ve zel mah se a hniam zawng hian a kal chak lutuk lova, niminpiah khan Sample 2342 enfiah leh niin hri kai mi 328 hmuhchhuah an ni a, Sample enfiah atanga chhut chuan za zela 14.01 zetin hri an kai a ni.

Commerce & Industries Minister Dr. R. Lalthangliana chuan ‘Proposal for Special Economic Package’ chungchangah sawrkar laipui a mi pawimawh hrang hrangte a kawm.

Mizo Zirlai Pawl (MZP) chuan Aizawl-a an Office, MZP Pisa pui chu kumin atan kharna hun hmangin Zirtirtu leh zirlai tithate chawimawina an hlan nghal bawk.

State Level Sub-Committee on Fire Prevention chu nimin khan thukhawmin kumthar lama kangmei venna kawnga hmalak dan tur an sawiho.

Nimin khan Serchhip District-ah COVID-19 hri kai mi 45 zet hmuhchhuah belh leh niin hri kai mi 29 enkawl dam an ni thung.

Tunhnaia Serchhip District Hospital-a thil thleng, mi 3 boralna chungchangah Mizoram sawrkar-a Health & Family Welfare Board Vice Chairman Dr. Thiamsanga MLA leh Health Secretary bakah Mizoram Govt. Doctor Association (MGDA) hruaitute chuan nimin khan Serchhip-a tlawmngai pawl leh thuthar thehdarhtute an kawm.

National Health Mission Employees Union Mizoram (NEUM) te chuan an thilphut hrang hrang tih hlawhtlin ngiatin nawrh huaihawt an tintuah mek.

Lehkhabu thar tlangzarh

Niminpiah khan Mizoram-ah Sample 3051 enfiah niin COVID-19 hri kai mi 320 hmuhchhuah an ni a, Sample enfiah atanga chhutin za zela 10.49 te chuan hri an kai a ni.

Tunhnaia Mizoram sawrkarin Bill a pek theihloh avanga NEEPCO in Mizoram-a kawlphetha Supply tihtawp a tum chu chinfel a ni.

Nikum December ni 9 zan-a Dr. Laltanpuia (43) Kulikawn vithlumtu a nupui Mary Zothansangi chu Court-in damchhung lung In tang tur leh cheng nuai 1 chawi turin a hrem.

Chief Minister Zoramthanga chuan nimin khan Northeast Frontier Railway-a General Manager Anshul Gupta leh Official dang te chu kawmin Mizoram-a an hmalakna chungchang thu pawimawh tak tak an sawiho.

Mizoram State Cooperative Marketing and Consumers Federation Limited (MIZOFED) chuan nimin khan an kum 40 tlinna, Ruby Jubilee lawmin Cooperation Department changtu Minister C. Lalrinsanga chuan a hmanpui a ni.

Serchhip District-a COVID-19 hri kai hmuh tawh zawng zawng chu 5456 an tling tawh.

Kumin chhungin Serchhip DC Office atangin State pawn atanga hnamdang Mizoram-a rawn lut te hnenah Inner Line Permit (ILP) thar 459 pekchhuah ni tawhin ILP 209 te chu tihnun thar a ni bawk.

Tunhnaia Serchhip damdawi In-a thil thleng chungchangah Magisterial Inquiry la turin Serchhip DC, District Magistrate Kumar Abhishek IAS chu ruat niin ni 30 chhunga report thehlut tura tih a ni a. MGDA hruaitute chuan Serchhip rawn tlawh mekin Vawiin ah Health Department hotute pawhin Serchhip hi an rawn tlawh bawk ang.

National Mathematics Day-2021 lo thleng tur pualin nimin khan Govt. Serchhip College-ah ‘One Day National Seminar on Mathematics Popularisation’ buatsaih a ni a, Mizoram Science, Technology & Innovation Council (MISTIC)-a Member Secretary leh Chief Scientific Officer Er. H. Lalsawmliana chuan khuallian niin a hmanpui a ni.

Tribal Art & Craft Festival

Niminpiah khan Mizoram-ah Sample 3252 enfiah leh niin heng atang hian COVID-19 hri kai 273 hmuhchhuah an ni a, Sample enfiah atanga za zela 8.39 ten hri kaiin Mizoram-ah hri kai hmuhchhuah an tlem ve zel a ni.

Mizo Zirlai Pawl (MZP) President Lalnunmawia Pautu chuan zirna chu an ngaih pawimawh hmasak ber a ni tih a sawi.

Chief Minister Zoramthanga chuan SEDP atanga zirtirtu ruai turin ruahmanna siam a nih tur thu a sawi.

Cheng nuai 270 senga Ni zung chakna hmanga tui lakna tur, Mausang Solar Water Pump System chu nimin khan RD Minister Lalruatkima chuan Vaphai-ah a hawng.

Serchhip District a raicheh a thi leh naute pianghlim boral chungchang chui dawn

Serchhip District-a COVID-19 hri kai hmuh tawh chu 5400 aiin an tam tawh.

Serchhip District-ah COVID-19 vanga thi mi 17 chhungte hnenah ex-gratia pek an ni tawh.

Tunhnaia Serchhip damdawi In-a thil thleng chungchang chhui tura Serchhip Thalai Pawl ten Serchhip DC hnena ngenna an siam chu bawhzui mek a ni.

Bamboo Link Road sawiho

Mizoram-ah COVID-19 hri kai hmuhchhuah tlahniam ve zelin hri kai enkawllai pawh sang thum aiin an tlem tawh a, niminpiah khan Sample 3897 enfiah niin heng atang hian hri kai 330 hmuh an ni a, Sample enfiah atanga chhutin za zela 8.47 te chuan hri an kai a ni.

COVID-19 hri len vanga inkharkhip hnuah naupang Mit hahin Mit tha lo, thil hla hmuh fiah theih lohna a siam tam avangin zirlai naupang khawsak lama harsa deuh tan a thlawna Tarmit pek theih dan ruahman a ni.

SEDP sum cheng nuai 115 senga Mualpheng to Maite 11 kVA electric hrui zam thar chu nimin khan P&E Minister R. Lalzirliana chuan Maite khua ah a hawng.

Rural Development Minister Lalruatkima chuan nimin khan cheng nuai 369.89 senga sak Khawbung Mini Sports Complex chu a hawng.

Home Minister Lalchamliana chuan ramri chungchangah Mizoram sawrkar chu 1875 BEFR Notification-ah a dinngheh thu sawiin, Assam lam chu 1933 Notification-ah an ding thung tih sawiin, Mizoram sawrkar chuan a duh angin a tanhmun tur te tichiangin document te pawh a nei tha thawkhat tawh tih a sawi bawk.

Mizoram Chief Minister Zoramthanga chuan tunhnaia Delhi a zinnaah Assam nena ramri buai chungchang te, Bamboo Link Road chungchangte leh Assam Rifles sawnchhuah bakah Myanmar raltlan tanpui dan tur chungchang te leh Mizoram mamawh hrang hrang thlenin sawrkar laipui hruaitute a sawipui thu a sawi.

Serchhip Thalai Pawl (STP) te chuan tunhnaia Serchhip damdawi In-a thil thleng chungchang chu a tul anga chhui chianga hma lak sak turin nimin khan Health Minister leh Serchhip District Bawrhsap hnenah ngenna thlenin hemi chungchang hi bialtu MLA pawh an hriattir nghal bawk.

Nimin khan Serchhip District-ah COVID-19 hri kai mi 38 hmuhchhuah niin hri kai mi 31 enkawl dam an ni bawk.

Sawrkar hmalakna duhlo

Pathianni khan Mizoram-ah Sample 1563 enfiah leh niin heng atang hian hri kai mi 92 hmuh an ni a, Sample enfiah atanga za zela 5.89 te chuan hri an kai a ni.

Mizoram Larsap Dr. Hari Babu Kambhampati chuan nimin khan Mizoram-a Oil Marketing Company hotute leh an aiawhte chu Raj Bhavan-ah a kawm.

Commerce & Industry Department changtu Minister Dr. R. Lalthangliana chuan nimin zing khan Mizoram Merchant Association (MIMA) Office building thar, Aizawl New Market-a mi chu a hawng.

Mizoram Information Service Association (MISA) chuan nimin khan Annual Conference hmangin I&PR Minister Lalruatkima chuan khuallian niin a hmanpui a ni.

Serchhip District-ah COVID-19 hri kai enkawllai an tlem zel avangin Serchhip District-a khawtlang in an din hri kai te enkawlna hmun, Community Covid Care Centre (4C) tam zawk chu khar a ni tawh.

Serchhip District Cricket Association in an buatsaih ‘Lalrinthangi (Marini) Memorial Cricket Tournament-2021’ chu Inrinni khan khelh tan a ni.

Serchhip District-ah COVID-19 hri kai thar tlem ve zelin hri kai enkawl dam pawh an pung ve mek bawk.

Joint NGO atangin inhnukdawk

Mizoram-ah COVID-19 hri kai hmuhchhuah an tlahniam ve zel a, nimin tlai thleng khan Mizoram-ah hri kai enkawllai 3009 an la awm a ni.

Sawrkar laipui-a mi pawimawh te dawr-a Delhi-a zin Chief Minister Zoramthanga chuan Inrinni khan Mizoram a rawn thleng leh ta.

India ram-a rorelna sang Parliament-a Public Accounts Committee chuan kum 100 tlingin Inrinni leh nimin khan a lawmna neih a ni a, Mizoram atang pawhin Assembly Speaker Lalrinliana Sailo leh sawrkar mi pawimawh dangte chu sawm an nih angin an tel a ni.

Mizoram CSS Hindi Teacher Association chuan High Court Order in anmahni laklet lehna tur thu a chhuah hnuah Mizoram sawrkar chuan CSS Hindi Teacher te a lalet duh lo tih sawiin, sawrkar chu Court Order Re-correct lova anmahni Re-engaged mai turin an ngen tih an sawi.

Mizoram State Boxing Championship vawi 42-na chu nimin khan Serchhip Boxing Hall-ah khelh zawh niin a pumpui-ah Serchhip District Boxing Association chuan Medal 20 la in an champion a ni.

Mizoram pum huap Catholic Thalai Inkhawmpui, Diocese Catholic Thalai Pawl (DCTP) in-khawmpui vawi 19-na chu nimin khan Serchhip P&E Veng-a Our Lady of Assumption Parish ah neih a ni.

Nimin khan Serchhip District-ah COVID-19 hri kai mi 29 hmuh belh niin hri kai mi 20 te enkawl dam an ni thung.

Mizoram Aero-Sport Association (MASA) hnuaia Paragliding Pilot Training hmawr bawkna, Paragliding Pilot Proficiency (P3) Training Serchhip-a neih chu nimin khan zawhfel niin he training kharna leh Certificate semna chu District Bawrhsap Kumar Abhishek IAS hovin neih a ni.

Mizoram MP in Parliament-ah ASF sawichhuak

Mizoram-ah COVID-19 hri kai hmuhchhuah la awm belh zelin niminpiah khan Sample enfiah 3480 atangin hri kai mi 315 hmuhchhuah an ni a, Sample enfiah zawng zawng atanga za zela 9.05 te chuan hri an kai a ni.

MNF Sr. Vice President Tawnluia chuan, “MNF-in zalenna a sual a, Mizoram-in zalenna kan sual,” a ti.

Mizoram Governor Dr. Hari Babu Kambhampati chuan nimin khan Chakma Autonomous District Council (CADC) hmunpui Chawngte (Kamalanagar) a tlawh a. Amah lawmna hun buatsaih ah Governor chuan hmasawnna kawngah ramchhung hmun dang nen khaikhina ADC huamchhunga mite an hnufual bik thin chu pawi a tih thu a sawi.

Serchhip District-a COVID-19 hri kai en-kawl dam chu mi sang nga aiin an tam ta a, hri kai hmuhchhuah atanga za zela 94.57 te chu enkawl dam an ni tawh bawk.

Serchhip District-a Govt. Bungtlang H/S chuan kumin (2021)-a HSLC (pawl 10) Exam-a result tha tak an neih lawmna leh zirlai tithate chawimawina hun nimin khan an School-ah an nei a, he hun hi Bialtu MLA leh Home Minister Lalchamliana chuan Khuallian niin a hmanpui a ni.

Serchhip District Bawrhsap leh District Disaster Management Authority-a Chairman Kumar Abhishek chuan COVID-19 hrileng darh zau zel tur ven nan mipuite chu inthlahdah lo turin a ngen.

Raltlan te tawng zirtir tum

Mizoram-ah COVID-19 hri kai hmuhchhuah an tlem hret hret a, niminpiah khan Sample 3281 enfiah atangin hri kai mi 275 hmuhchhuah niin Sample enfiah atanga za zela 8.38 te chuan hri an kai a, hri kai enkawllai pawh an tlem zel bawk.

Mizoram Chief Minister Zoramthanga chuan niminpiah khan Housing and Urban Affairs leh Petroleum and Natural Gas changtu Union Minister Hardeep Singh Puri chu hmuin Mizoram thil pawimawh a sawipui.

India rama Civil mite chawimawina sang, Padma Shri Award dawngtu Lalbiakthanga Pachuau (Prominent Journalist) chu nimin khan MJA General Hqrs. chuan Aizawl Press Club-ah lawmpuina leh chawimawina hun an buatsaih a. He hunah hian MJA General Hqrs. President Zonunsanga Khiangte chuan Lalbiakthanga Pachuau chu chhan hrang hrang vangin chawimawina dawn phu a ni tih a sawi a. Journalist zingah hetiang chawimawina sang dawn awmchhun niin, a hnung zuitu kan awm leh angem tih pawh hriat loh a nih avangin MJA chuan a ngaihlu hle tih a sawi bawk.

State-Level Expert Team on COVID-19 Management-a Member Dr. PC. Lalramenga chuan COVID-19 hrik chhuak thar ‘Omicron’ chu tun dinhmunah a hlauhawm leh hlauhawm loh sawi theih a la ni lo tih a sawi.

Serchhip Dawngzawl-a awm 60th Battalion Border Security Force (BSF) te chuan nimin Dec. 1, 2021 khan an Battalion hmun-ah an din champha vawi 57-na an lawm.

MJA Mamit District member te chuan Ser-chhip District a Agriculture Department leh Horticulture Department hmalakna an tlawh te hlawk thlak an tih thu an sawi.

Serchhip District Bawrhsap Kumar Abhishek IAS chuan nimin khan Chhingchhip a Sainik School chu tlawhin he School Biology Laboratory chu a hawng.

Bialtu MLA in hnathawh en

Mizoram-ah ni khat-a COVID-19 hri kai hmuhchhuah tlahniam hret hret zelin hri kai enkawllai pawh an tlem tawh viau a, niminpiah khan Sample 4319 enfiah niin hri kai mi 365 hmuh niin Sample enfiah atanga za zela 8.45 te chuan hri an kai a ni.

Rural Development Minisster Lalruatkima chuan nimin khan sawrkar laipui-a a Department enkawl kaihhnawih Ministry-a mi pawimawh hrang hrangte New Delhi-a an Office-ah hmuin Mizoram Sawrkar hnuaia mamawh hrang hrangte a thlen.

Nimin December 1, 2021 khan khawvel pumah ‘World AIDS Day’ hman a ni a, Aizawl-ah chuan Mizoram State AIDS Control Society (MSACS) bultumin nimin zing khan ‘World AIDS Day Rally’ neih niin Health Minister Dr. R. Lalthangliana chuan a hmanpui a ni.

Health Minister Dr. R. Lalthangliana chuan nimin khan Aizawl Civil Hospital Emergency (Casualty) Ward tihchangtlun leh cheithat chu a hawng.

Mizo Zirlai Pawl (MZP) leh Chakma Autonomous District Council (CADC) area-a pawl hrang hrangte nimin-a Borapansuri-a thukhawm chuan Dan lova Borapansury leh a chhehvela Foreigner rawn luh tum te a tul anga dodalna kawngah thawhho nise an ti.

Mizoram sawrkar chuan tun thla ni 15 thlenga hman turin COVID-19 chungchang avanga inkaihhruaina tur a tichhuak leh ta.

Mizoram State Boxing Championship vawi 42-na chu nimin khan Serchhip Boxing Hall-ah khelh tan a ni a, Law & Judicial Minister TJ. Lalnuntluanga chuan he intihsiakna hi a hawng a ni.

MP in Home Minister a hmu

Serchhip District-ah ni 10 chhung zet Vawk hri leng, African Swine Fever (ASF) avanga Vawk thi a awm tawhlo.

Nimin khan Serchhip District-ah COVID-19 hri kai mi 16 hmuhchhuah belh leh an ni a, hri kai mi 47 te enkawl dam an ni thung.

Serchhip District tlawha rawn zin Mamit District MJA te chuan nimin khan Serchhip leh a chhehvel-a Agriculture Department leh Horticulture Department te hmalakna an tlawh.

Niminpiah Thawhlehni khan Mizoram-ah Sample 5065 enfiah niin heng atang hian COVID-19 hri kai mi 437 hmuhchhuah an ni a, Sample enfiah atanga za zela 8.63 te chuan hri an kai a ni.

Myanmar atanga Mizoram-a raltlan rawn lut te chungchanga inrawnkhawmna chu nimin khan Chief Minister’s Conference Hall-ah neih a ni.

New Delhi-a cham mek Chief Minister Zoramthanga chuan nimin khan Union Finance Minister Nirmala Sitharaman-i chu Parliament Building-a a pisa-ah hmuin Mizoram mamawh hrang hrang a sawipui.

Alliance India ten World AIDS Day 2021 puala HIV/AIDS dona kawnga sulsutu leh hmahruaitu te tawnhriat, hmalak dan leh hna thawh dan te sawihona hun nimin-a an buatsaih chu Health Minister Dr. R. Lalthangliana chuan a hmanpui.

Chief Minister Zoramthanga chuan nimin khan India Prime Minister Narendra Modi chu Parliament Building-a a Office-ah hmuin Mizoram mamawh hrang hrang a thlen a, Prime Minister chuan heng a thu thlen te hi ngai pawimawhin a tul anga bawhzui a nih tur thu a sawi a ni.

Agriculture Minister C. Lalrinsanga chuan nimin khan Thenzawl Dragon Fruit Growers & Marketing Society member chhungkaw 59 leh mimal 3 ten Dragon Fruit an chinna hmun tlawhin an mamawhte chu theihtawpin a ngaihtuah sak dawn tih a hrilh.

Zoram Drivers’ Union (ZDU) chuan nimin atang khan Mizoram-ah Fimkhurna Hapta, ‘Drivers' Week’ an hmang leh tan a, thla thar Dec. 3 thleng khian hman a ni ang.

Serchhip District-a COVID-19 hri kai hmuh tawh zawng zawng chu 5198 an tling tawh a, hri kai zinga za zela 95.07 te chu enkawl dam an ni tawh.

Serchhip District-a COVID-19 Vaccine la thei kum 18 chunglam te chu Vaccine Dose 1-na pek kim thawkhat an ni tawh a, Serchhip District pumah COVID-19 Vaccine la duhlo mi 2218 zet an awm thung.

Kumin August ni 27-a Kolasib Diakkawn a unau mipa pathum leh mi dang pakhat te Tuizem chhunga chesuala an thihna chungchang chhui chiang tura din Magisterial Inquiry Team chuan nimin khan an report chu ziakin Kolasib District Magistrate Dr. H. Lalthlangliana hnenah an hlan a, vanduaina tawk-a boral te chu boruak tlakchham avanga thawchham-a boral an ni tih an sawi.

DIPR in lawmpuina hun hmang

Pathianni khan Mizoram-ah COVID-19 hri kai mi 94 hmuh niin hri kai hmuhchhuah hi tlem mah se Sample enfiah 875 atanga chhut chuan za zela 10.74 zetin hri an kai a ni.

Transport Minister TJ. Lalnuntluanga chuan nimin khan Aizawl a Mizo Hnam Run-ah thu sawiin Nov. 22-27, 2021 chhunga Delhi-a mi pawimawh hrang hrang a hmuh chungchang a sawilang.

October ni 2, 2021 atanga tan ‘Mizoram Khawpui Fai Intihsiakna 2021’ endikna chu kalpui tan a ni dawn ta.

Bamboo Development Agency-in Bamboo Technology Park, Sairang-a Bamboo Processing Factory an din chu nimin khan Commerce & Industry Department changtu Minister Dr. R. Lalthangliana chuan a hawng.

Chhuitu tur la chiang lo

Mizoram Aero Sports Association (MASA) hmalakna a kumin February 9 atanga Paragliding Training neih chu tunkar hian zawhfel beisei a ni.

Serchhip District-ah COVID-19 hri kai en-kawllai mi za thum aiin an tlem tawh.

Puantahtu ten mumal taka puantahna Company an din theih nana thil pawimawh inhrilh-hriatna chu Zirtawpni leh Inrinni khan Thenzawl khua ah neih a ni.

COVID-19 hri leng avanga nikum lamah Kohhran hrang hrang kumdang anga Krismas lawmna an neih theihloh hnuah kumin ah inkhawm theih te a nih tawh avangin Kohhran hrang hrang ten Krismas leh Kumthar lawmna atana ruai theh leh theh loh chungchang chu tualchhung Kohhran kut-ah an dah hlawm a, hetihlai hian sawrkar in kaihhruaina ala siam loh avangin Kohhran thenkhat chuan inbuatsaihna ah harsatna an tawh thu an sawi thung.

Parliament Thlasik thutkhawm chu Vawiin hian neih tan a ni dawn a, hemi atan hian nimin khan All Party Meeting chu New Delhi-ah neih niin Mizoram MP pahnih te pawh an tel a ni.

Mizoram-ah COVID-19 hri kai hmuhchhuah thar an tlem ve zel a, Zirtawpni-a Sample enfiah atangin hri kai 359 hmuhchhuah an awm laiin Inrinni-a Sample enfiah 3140 atangin hri kai 358 hmuh leh an ni a, Sample enfiah atanga za zela 11.40 te chuan hri an kai a ni.

Kum 2006 atanga kumin 2021 thlengin Anthurium Festival hmanna atan Govt. of India, Ministry of Tourism atangin cheng nuai 255 hmuh a ni tawh a, kumin Anthurium Festival (Virtual) hmanna sum senso sanna ber chu documentary siamna leh Cable TV channel/DD Mizoram a thehdarhna man (broadcast fee) niin, hemi atan hian Rs. 4,40,000/- hman a ni.

Vairengte khawtlang chuan tunhnaiah Mizoram sawrkar in ramri ah nasa taka hma a laksak avang leh kawng pawh KM 46 chuang lai a laihsak avangin sawrkar chungh an lawm hle tih an sawi.

Agriculture Minister C. Lalrinsanga chuan Agriculture leh a kaihhnawih kawng hrang hranga Mizoram mamawh te phuhru tura nasa zawka hma lakpui turin IFAD mithiamte chu a sawm a, Mizoram Sawrkar chu IFAD tana a inhawn thu leh heng kan mamawhte tihhlawhtlin a nih theih nana chak lehzuala thawpui turin a sawm bawk.

State pahnih CM te inkawm

DAN ANGA FA LAK (LEGAL ADOPTION)

- Liansangpuii

Protection Officer (Non-Institutional Care)

 District Child Protection Unit, Serchhip

Serchhip-a Fire & Emergency Services te chuan nizan hmasa khan Serchhip khawpui chhung hmun hrang hrangah kangmei tichhuak lo tura inzirtirna an nei.

Serchhip SP Stephen Lalrinawma chuan thuchhuah siamin New Serchhip Area chhunga Parking Area tur a siam thar.

Serchhip District-ah COVID-19 hri kai en-kawllai an tlem ve zel a, nimin tlai thleng khan hri kai enkawllai mi 308 an la awm mek.

Computerization of Registration, National Generic Document Registration System (NGDRS) chu Serchhip District-a kalpui turin nimin khan Revenue Department changtu Minister Lalruatkima chuan a hawng a, he ruahmanna hnuaiah hian mipui ten ram an neih te Computer Software hmangin chhinchhiaha vawnthat a ni dawn a ni.

Mizoram-ah COVID-19 hri kai hmuhchhuah thar tlahniam zelin niminpiah khan Mizoram-ah Sample 4034 enfiah niin heng atang hian hri kai mi 444 hmuh leh an ni a, Sample enfiah atanga za zela 11.01 te chuan hri an kai a ni.

Commerce & Industries Department changtu Minister Dr R. Lalthangliana chuan nimin khan Zuangtui Industrial Estate-ah Bamboo Processing Factory leh Common Facility Centre a hawng.

Electoral Roll Special Summary Revision neih meka Serchhip District tana Observer tura ruat Zarzosanga, Revenue Department leh RD Department-a Secretary ni bawk chuan nimin khan Serchhip District rawn tlawhin Electoral Roll ennawn hna thawh mek te a rawn enfiah.