Posts

Showing posts from 2021

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Sialsir khua ah hri kai 58 hmuin Hmun khuahkhirh bik-ah puan nghal a ni

Nimin khan Serchhip District-ah COVID-19 hri kai mi 73 zet hmuhchhuah niin an zinga 58 te chu Sialsir khua an ni.

Zan lam Curfew Order chhuah leh a ni

Serchhip District chhungah nimin (Dec. 30, 2021) atanga hman tan turin thla hnih huam turin zan lam Curfew Order tihchhuah leh a ni.

YMA ten chenna tur In sak sak

Chhiahtlang Chhim Veng Branch YMA te chuan an huamchhunga hmeithai pakhat chenna In tur sak hnatlang an nei mek.

ZDU Serchhip in hruaitu thlanna an nei

Zoram Drivers’ Union (ZDU) Sub-Hqrs. Serchhip chuan nimin khan Serchhip Hmar Veng YMA Hall-ah Annual Assembly neiin kumthar 2022-a an pawl hruaitu tur thlanna an nei a. President-ah S. Lalpianga (Tuikhuah Veng), Vice President-ah Lalthlanthanga Chawngthu (Tuikhuah Veng), Secretary-ah LR. Bawlliana (Bazar Veng), Asst. Secretary-ah H. Malsawma (Kanan Veng), Treasurer-ah H. Raltawna (Vengchung) leh Fin. Secretary-ah C. Lalpianthanga (Tuikhuah Veng) te thlan an ni.

Kumin-a Pisa kai tawp ni

Nimin December 30, 2021 kha kumin atana Mizoram sawrkar hnuaia Pisa hrang hrangte inhawn tawp ni a ni a, sawrkar Pisa te inhawng tha viau tawh mah se pawimawh bik zual tih loh ah chuan mipuite atangin dawrtu an awm meuh lo thung a ni. Mizoram sawrkar hnuaia Pisa hrang hrangte hi kumhlui thlahna leh kumthar lawmna vuakvet-a khar a nih hnuah karleh Thawhlehni, January 4, 2022 khian kumthar atan hawn leh tan tur a ni ang.

Police duty lai kutthlaktu a puh te man an ni

Nizan hmasa zanlai vel-a Serchhip Bazar-a Police duty te beitu mi pahnih te chu Serchhip Police ten manin thubuai siam sak an ni.

Lunglei-ah RT-PCR Laboratory hawn a ni ta

Lunglei Zotlang Tourist Lodge Building-a RT-PCR Laboratory chu nimin khan Health Minister Dr. R. Lalthangliana chuan hman theih turin a hawng.

CM in Industrial Growth Centre tlawh

Chief Minister Zoramthanga chuan nimin zing khan Industrial Growth Centre, Luangmual-a hmalakna awm tura ruahmante a hmunah a enfiah.
HOTEL/HOMESTAY/TOURIST DORMITORIES/GUESTHOUSES/LODGES/ACCOMMODATION UNITS/RESTAURANTS/THINGPUI DAWR/KAWNGKAM HOTEL CHUNGCHANGA  TOURISM DEPARTMENT HRIATTIRNA

Serchhip District Hospital a hmun ngai a sa turin Sawrkar in ruahmanna siamin hma a la mek

Image
Mizoram sawrkar chuan tuna Serchhip District Hospital awm mekna ah District Hospital sa turin ruahmanna a siam a, hemi atan hian DPR pawh siam ni tawhin bawhzui mek a ni a. Damdawi In sakna tura NGO Coordination Committee leh Town chhung VC te rawtna siam chu sawrkar hnenah thlen leh ala ni lo thung.

Pension in CMO chhuak dawn

Serchhip CMO Dr. Laldawngliana Sailo chu pension-a a chhuah dawn tak avangin Vawiin hian Aizawl lamah a chhuk dawn a, a aiawh tur hian Asst. Director leh State Programme Officer (EPI) nilai, Dr. Lalzawmi chu ruat a ni.

Kumhlui thlah intihhlimna nei

Image
Serchhip Livestock Farmers Cooperative Society leh Mizoram Aero-Sport Association (MASA) buatsaih Serchhip Bawngchawm tlang a Kumhlui thlahna atana intihhlimna chu nimin khan neih tan a ni a, Serchhip District Bawrh-sap Kumar Abhishek IAS chuan a hawng a ni.

Hri kai 7 hmuh belh leh

Nimin khan Serchhip District-ah hri kai mi 7 hmuhchhuah niin mi 2 enkawl dam an ni thung.

Restricted Area-ah puang

Chhiahtlang Village Council huamchhungah COVID-19 hri kai hmuhchhuah an pun zel avang leh hri leng darh zel tur venna atan Contract Tracing mumal leh chak taka kalpui a ngaih avangin Serchhip District Bawrhsap chuan Chhiahtlang Village Council huamchhunga Vengchung leh Chhim Veng chu nimin, Dec. 29, 2021 tlai dar 5:00 atangin thu leh awm hma chu Restricted Area atan a puang a. Restricted area chhunga cheng zawng zawngte chu mahni In ah inkharkhip vek tur niin lirthei tlantlang reng reng chawlh emaw din emaw khap tlat a ni. Hetihlai hian December 16, 2021 atanga Restricted Area-a lo puan tawh Chhingchhip Mualpui chu nimin tlai dar 5:00 atang khan Restricted Area-a puan a nihna hlih leh a ni thung.

Hri kai zingah kum 18 hnuailam an tam

Tun thla ni 25 thleng khan Serchhip District-a COVID-19 hri kai hmuhchhuah zingah hmun thuma thena hmun khat vel zet chu kum 18 hnuailam an ni a, hri kai hmuhchhuah tawh zinga a tam zawk te chu hri danna la lo an ni.

Kum 2021 chhunga Thinglian khua Buh leh thlai thar lawmna Kutpui hman a ni

Serchhip District chhunga Thinglian khua chuan nimin khan ‘Kum 2021 chhunga Thinglian khua Buh leh thlai thar lawmna Kutpui’ an hmang a, he hun hi bialtu MLA leh Assembly Deputy Speaker Er. Lalrinawma chuan khuallian niin a hmanpui a ni.

Chanchin lawrkhawm :

Kuhvarah-ah YMA in hma la

Hri kai enkawllai mi 1369 an la awm mek

Krismas hman zawh a nih hnuah Mizoram-a hri kai hmuhchhuah an pung chho leh hret hret a, nimin tlai thleng khan hri kai enkawllai mi 1369 an la awm a ni.

Central Prabhari Officer in Mamit a tlawh

Mizoram atanga District hnufual chawikan ngaia thlan Mamit District chu nimin khan Central Prabhari Officer leh Department of Land Resources, Watershed Management Division-a Joint Secretary, Umakant chuan tlawhin District thuneitute nen inkawmna neih a ni.

Chanchin thar thenkhat :

Chanchin thar thenkhat : (Dec. 29, 2021)

Serchhip Chanchinthar thenkhat :

Serchhip Chanchinthar thenkhat : (Dec. 29, 2021) 

Serchhip Bazar-ah dawr pakhat a kang

Image
Nizan zanlai pelh hnu khan Serchhip Bazar a Puanthuina dawr pakhat ah kangmei chhuakin kangmei nasa zawk a chhuah hmain thelh theih a ni.

Serchhip District-ah Hri kai enkawllai 123 la awm mek

Vawiin tlai thleng khan Serchhip District-ah COVID-19 hri kai enkawllai mi 123 an awm mek.

Boruak muanawm tak hnuaiah Krismas hmang

Kristian he hunpui Krismas 2021 chu Serchhip-ah boruak muanawm tak hnuaiah hman a ni a, pawikhawihna thleng a awm hriat a ni lo.

Serchhip Chanchin thar thenkhat :

Serchhip Chanchin thar thenkhat : (24th Dec., 2021)

Chanchin thar thenkhat :

Chanchin thar thenkhat : (24th Dec., 2021)

Chanchin thar thenkhat :

  Chanchin thar thenkhat : (23rd Dec., 2021)

Serchhip thuthar thenkhat :

Serchhip thuthar thenkhat : (December 23rd, 2021)

Serchhip thuthar thenkhat :

Serchhip thuthar thenkhat : (December 22nd, 2021)

Chanchin thar thenkhat :

Chanchin thar thenkhat : (22nd Dec., 2021)

Chanchin thar thenkhat :

ZEDA hotu ten Governor an kawm :

Serchhip thuthar thenkhat :

Serchhip thuthar thenkhat : (December 21, 2021) Serchhip SP in YMA hruaitute a kawm :

Chanchin thar thenkhat :

(December 20, 2021) Nawrh khapna tihchhuah a ni

Serchhip thuthar thenkhat :

(December 20, 2021) MJA ten Member thar an lawmlut

PHE in Krismas thilpek hlan

Serchhip PHE Staff Welfare te chuan nimin khan Serchhip-a damdawi In leh Home hrang hrangah Krismas thilpek an hlan a, tun tumah hian District Hospital leh Mercy Hospital Poor Fund-ah Rs. 5000/- ve ve pe in Zoar Deprived Children Home, Old Age Home, Adult Rehabilitation Centre leh Unity Orphanage Home-ah te Rs. 2500/- theuh an pe bawk a ni.

Serchhip District Table Tennis Championship khelh tan a ni

Serchhip District Table Tennis Association (SDTTA) buatsaih ‘Serchhip District Table Tennis Championship 2021’ chu nimin khan New Serchhip TT Hall-ah khelh tan a ni.

NHM hnuaia thawktu te nuarin Pisa an kai duhlo Serchhip-ah pawh nawrhna hi lo zawm a ni

Mizoram-a National Health Mission (HNM) hnuaia thawktute chuan nimin atang khan sawrkar-a an thilphut tih hlawhtlin ngiata nawrhna huaihawtin Pisa an kai duh lova, Serchhip District-a NHM hnuaia thawktute pawhin he nawrhna hi zawmin hnathawh kawng hrang hrangah harsatna a thleng dawn niin a lang.

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan niminpiah khan kum 2022-3023 chhunga hruaitu tur thlanna neiin President-ah K. Saitluanga (DIPRO), Vice President-ah Lalremruata Ralte (AOC Veng), Secretary-ah C. Zodinthara (Leisang Veng), Asst. Secretary-ah R. Lalmuansanga (Chhim Veng), Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

DC in ngenna tichhuak

Serchhip District Bawrhsap leh District Disaster Management Authority-a Chairman, Kumar Abhishek IAS chuan thuchhuah siamin tunhnaiah Serchhip District chu Mizoram chhunga District zawng zawngah COVID-19 positivity rate sang ber dawttu kan ni mek tih tarlangin, hei vang hian kum 2021 Krismas leh Kumthar vuakvetah mipui te chu Sawrkar SOP dinglai tha taka zawm tur leh loh theih loha punkhawmna ah Covid Appropriate Behaviour zawm tha lehzual turin a hriattir a. Mipui kan him tlan zawk nan leh COVID-19 hri a darh zel loh nan Krismas leh Kumthar lawmna ruai buatsaih lo hram tura a ngen bakah tul lova punkhawmna buatsaih lo tura ngenin a hriattir bawk a ni.

Hri kai 5714 an tling tawh

National Health Mission (NHM) hnuaia thawk, COVID-19 report buaipuitu ten nawrh an huaihawt avangin nimin lama Serchhip District COVID-19 dinhmun kimchang hriat theih a ni lova. Niminpiah khan Serchhip District-a TrueNat Laboratory atangin hri kai mi pathum hmuh niin Chanmari Veng mi 2 leh P&E Veng mi pakhat an ni a, Rapid Antigen Test hmangin hri kai mi 31 zet hmuhchhuah an ni bawk. Niminpiah khan Serchhip District-ah hri kai mi 34 te enkawl dam niin niminpiah thlenga hri kai hmuhchhuah chu 5714 an tling tawh a, an zinga 5366 te chu enkawl dam ni tawhin enkawl-lai 330 an la awm a, mi 18 an boral tawh a ni.

Thingsai khua a Gas double tum te harsatna ngaihtuah

Thingsai khua a chhungkaw 20 ten eirawng-bawlna Gas Double chungchanga harsatna an tawh chu tunhnai khan Serchhip-a District Commission chuan ngaihtuahin thutlukna a siam.

Chanchin thar thenkhat :

Keifang kum 100 tlinna lawm

YMA General Conference vawi 73-na neih a ni

YMA General Conference vawi 73-na chu niminpiah, Dec. 16, 2021 khan R. Dengthuama Indoor Stadium, Aizawl-ah neih niin Central YMA hruaitu tur thlanna neih a ni.

Aizawl District Bawrhsap Pisapui kangin Magisterial Inquiry lak a ni dawn

Aizawl District Bawrhsap Pisa chu nimin zing khawvar hma khan kangin sawrkar bungrua leh lehkha pawimawh chi hrang hrang tam tham tak a kangral a, Aizawl Bawrhsap Pisapui kang chhui chiang turin Magisterial Inquiry lak a ni dawn a ni.

MPCC President thar-ah Lalsawta puan a ni

Mizoram Pradesh Congress Committee (MPCC) President nihna chu nimin khan Lal Thanhawla chuan President thar Lalsawta hnenah a hlan ta.

Central Team in Serchhip District-a COVID-19 hri leng dinhmun an rawn zirchiang

Image
Mizoram District thenkhat ah COVID-19 dinhmun ala ziaawm theihloh avanga Union Health Ministry in hri leng dona kawnga Mizoram sawrkar hmalak dan enpui tur leh puibawm tura a rawn tirh National Centre for Disease Control (NCDC), New Delhi-a Joint Director pahnih te chuan nimin khan Serchhhip District an rawn tlawh.

COVID hri kai boral

Nimin chawhma dar 11:00 khan VL. Thleng-liana (19), Serchhip IOC Veng-a Roluahpuia tupa chu COVID-19 vangin ZMC-ah a boral.

Hri kai 28 hmuh belh leh

Nimin khan Serchhip District-ah COVID-19 hri kai mi mi 28 hmuh belh niin hri kai mi 27 te enkawl dam an ni thung.

Serchhip District Consumers Meet leh Minister's Proficiency Award lawmna neih a ni

Serchhip District Consumers Association ten kumin-a ‘Minister's Proficiency Award’ an dawn lawmna leh Serchhip District Consumers Meet chu nimin khan Serchhip DC Conference Hall-ah neih a ni.

Mizoram Basketball Team ah Serchhip tlangval fehchhuak mek

Mizoram aiawha Basketball khel tur Mipa leh Hmeichhia te chuan Mizoram chhuahsanin Mipa Team-ah hian Serchhip mi pakhat a tel a ni.

Chanchin thar thenkhat :

MURA in Governor kawm

Mizoram-ah hri kai hmuhchhuah tlahniam ve zel

Niminpiah khan Mizoram-ah Sample 3199 enfiah leh niin heng atang hian COVID-19 hri kai mi 234 hmuhchhuah an ni a, Sample enfiah atanga za zela 7.31 te chuan hri an kai a ni.

MSSC-Tata Trusts Football Academy 60 din dawn

Mizoram Sawrkar leh Tata Trusts tangkawpa Football zirna tur Academy 60 din chungchang leh a kaihhnawih dangte chu nimin khan Sports Minister hovin State Level Monitoring Committee chuan an sawiho.

Mizoram Rel kawng Parliament-ah sawilang

Railways Minister Ashwini Vaishnaw chuan Bairabi atanga Sairang thleng Rel kawng phah hna kal mek chu thawh zawh hun tur tak sawi theih ni lo mahse a chak thei ang bera thawh a ni ang, a ti.

PAHOSS hnuaia Aizawl khawpui chhunga Parking House sak zawh 11 te hawn a ni

Parking House Support Scheme (PAHOSS) hnuaia Aizawl khawpui chhunga Parking House sak zawh 11 te chu nimin khan Chief Minister Zoramthanga, Deputy Chief Minister Tawnluia leh AMC Mayor Lalrinenga Sailo te chuan an hawng.

Mizoram-a NABARD hma-lakna chhawr tangkai

Agriculture Minister C. Lalrinsanga chuan NABARD-in Mizoram-ah a bik takin Lo neih leh ranvulh a eizawngtute leh thingtlang a cheng mipuite tana thil tha tak an tih chu mipui leh Sawrkar in an hlawkpui thu a sawi.

Sawrkar hnathawk in sawrkar policy sawisel pawi ti

Home Minister Lalchamliana chuan sawrkar hnathawk zingah Social Media hmanga sawrkar Policy sawisel an awm thin chu pawi a tih thu a sawi.

Vanduaina tawkte zangnadawmna dilna ngaihtuah

Image
The Mizoram Victims of Crime Compensation (Amendment) Scheme 2016 hnuaia Serchhip District atanga pawikhawihna thleng tuartu ten zangnadawmna an dil te ngaihtuah in nimin khan thutkhawm neih a ni.

Hri kai mi 6 hmuh belh

Nimin khan Serchhip District-ah COVID-19 hri kai mi 6 hmuhchhuah niin hri kai enkawl dam an awm lo.

Bialtu MLA in tanpuina pe

Serchhip bialtu MLA Lalduhoma chuan nimin khan a bial chhunga hri vanga harsatna tawk mek Neihloh khua tlawhin Neihloh VLTF hnenah PPE Kit (20), Oxymeter-te, BP check-na leh pawisa fai Rs. 30,000/- a pe a, Serchhip DC hnenah Neihloh khuaa COVID-19 hri a darh avanga an khaw tana tanpuina awm thei ang ang tihsak turin a ngen nghal bawk.

ASF vangin Vawk thi leh

Chawlhkar khat zet a liam hnuah Serchhip District-ah African Swine Fever (ASF) vanga Vawk thi a awm leh a, nimin khan Sialsir khua ah ASF vang hian Vawk thi pakhat awm lehin hemi nen hian Serchhip District-ah ASF vanga Vawk thi chu 3892 a tling tawh a ni. Serchhip District-ah hian Dec. 4 khan ASF vanga Vawk thi awmin hemi hnu hian ni 10 zet ASF vanga Vawk thi a awm loh hnuah nimin khan Vawk thi hi a awm leh ta a ni.

Hri kai boral awm belh

Serchhip District-a COVID-19 hri kai te zinga mi Zothangmawii (21) w/o Laltlansanga, Serchhip P&E Veng chu COVID-19 vangin ZMC-ah a boral a. Thudawn danin Zothangmawii hian Nov. 12, 2021 khan COVID-19 hri a kai tih hmuhchhuah niin Nursing School CCC ah dahluh nghal a ni a, a dinhmun a that loh avangin DCHC-ah dah leh nghal niin Nov. 14 khan ZMC-ah refer leh a ni a, nimin khan a boral zui ta a ni.

School Games neih tan a ni

Mizoram Secondary School Games vawi 48-na chu nimin khan Lunglei-a Thuamluia Mual-ah neih tan niin Lunglei HPC Vice Chairman Lawmawma Tochhawng MLA chuan a hawng a, Mizoram District 11 atangin infiammi leh Official mi 330 telin COVID-19 avangin CAB zawm chungin infiamna chi 4- Athletic, Judo, Badminton leh Table Tennis-ah te inelna neih a ni ang. Mizoram Secondary School Games neih tan takah hian Serchhip atangin pawhin zirlai naupang 5 an kal a, nimin khan intlansiak ah Silver leh Bronze Medal an la tawh a ni.

Volleyball Tournament tan

North Vanlaiphai Games & Sports Association (GSA) buatsaih David Lalrintluanga Memorial Volleyball Tournament chu nimin khan Assembly Deputy Speaker Er. Lalrinawma chuan a hawng.

MZP Hqrs. Serchhip in kumin a HSLC leh HSSLC Exam-a zirlai tithate an chawimawi

Mizo Zirlai Pawl (MZP) Hqrs. Serchhip chuan kumin a pawl 10, High School Leaving Certificate (HSLC) leh pawl 12, Higher Secondary School Leaving Certificate (HSSLC) Exam-a Serchhip District-a zirlai tithate chawimawina hun an hmang.

PMAY-U hnuaia hma la thalo te ngaihtuah an ni

Pradhan Mantri Awas Yojana-Urban (PMAY-U) hnuaia Serchhip District chhunga In sak tanpuina dawngtu zingah hma la la lo te chungchang ngaihtuahin nimin khan Serchhip-ah District Screening Committee chu an thukhawm.

Krismas leh kumthar lawmna ruai siam thu ah Kohhran hrang hrangte hnenah ngenna siam a ni dawn

Serchhip khawpui chhunga Kohhran hrang hrang aiawhte leh VLTF bakah Incident Commander te chu nimin khan thukhawmin Krismas leh Kumthar vuakvet-a CAB zawm that theih dan tur an sawiho a. Ruai siam chung-changah DC Office lam atangin Kohhran hrang hrangte ngenna siam tura tih a ni.

Chanchin thar thenkhat :

KCC-a hmalakna thlirho

Thawhtanni-ah hri kai hmuhchhuah pung hret

Thawhtanni khan Mizoram-ah COVID-19 hri kai hmuhchhuah an pung leh hret a, Mizoram pum-a Sample enfiah 4274 atangin hri kai 320 hmuhchhuah niin Sample enfiah atanga chhut erawh chuan za zela 7.49 chauhin hri an kai a ni.

Keifang Field-a Phullem phah hawn a ni

Keifang Football Field-a Phullem phah thar chu nimin khan bialtu MLA leh P&E Minister R. Lalzirliana chuan a hawng.

CM in MCTA Annual General Conference a hmanpui

Chief Minister Zoramthanga chuan nimin-a Mizoram College Teachers' Association (MCTA) in Annual General Conference 42-na Taxation Department Auditorium-a an hman chu khuallian niin a hmanpui.

Raltlan te chungchang Parliament-ah sawichhuak

Parliament Thlasik thutkhawm neih mekah Mizoram Rajya Sabha MP K.Vanlalvena chuan Myanmar Refugee te chungchang a sawi chhuak.

Hri kai enkawllai tam lamah Serchhip District-in pahnihna dinhmun luahin hmalak dan tur sawiho a ni

Mizoram District zingah Serchhip District chu Aizawl tihloh ah COVID-19 hri kai enkawllai tamna ber a ni mek a, tunhniah hri kai hmuhchhuah an tam avang leh kan hma lawka hunpui lo thleng turah hri leng a darh lohna tur ngaihtuahin nimin khan Serchhip District Disaster Management Authority (DDMA) thutkhawm chu neih a ni.

SEDBAVA inthlanna nei

Serchhip District Broiler Arvulh Association (SEDBAVA) te chuan Inrinni khan kum 2022-2023 chhunga an pawl hruaitu tur thlanna neiin President-ah Jeremy Lianhmingthanga (Zozam Veng); Vice President-ah C. Lalramthara (Dinthar Veng); Secretary-ah Hmingthan-sanga (Darnam Veng); Asst. Secretary-ah K. Lalruatkima Dinthar Veng; Treasurer-ah Lalmari (P&E Veng); Fin. Secretary-ah Sailianpuia (Hmar Veng) lehInformation Secretary-ah Lalbiakdika Pautu (Chhim Veng) te thlan an ni.

Enkawllai 323 la awm mek

Nizan thleng khan Serchhip District-ah COVID-19 hri kai enkawllai mi 323 an awm mek.

Serchhip District-ah 89.49% ten Vaccine dose 1-na la

Serchhip District-ah COVID-19 vaccine la thei atanga chhutin za zela 89.49 te chuan Vaccine Dose 1-na la tawhin zaa 79.89 ten an Vaccine lak tur an la zo tawh bawk a ni.

Chanchin thar thenkhat :

Winter Festival sawifiah

Pathianni-ah hri kai mi 81 hmuh belh leh an ni

Pathianni khan Mizoram-ah Sample 443 enfiah niin COVID-19 hri kai 81 hmuhchhuah an ni a, Sample enfiah zawng zawng atanga chhutin za zela 18.30 zetin hri an kai a ni.

ZPM Thalai ten pawisafai sem an duhlo tih an sawi

ZPM Thalaite chuan pawisafai sem chu mipuite rilru leh sûkthlêk tichhetu a nih avângin an duh lo tih an sawi.

Krismas hmain ni 100 inhlawhna hmuh beisei

Rural Development Department changtu Minister Lalruatkima chuan MGNREGS hnuaia inhlawhna chu Krismas hmain kan hmuh theih a beisei thu a sawi.

Ramri-a kawng laih sawiho

Kolasib District Inter-State Border Management Board thutkhawm vawi khatna chu nimin khan Kolasib DC Dr. H. Lalthlangliana hovin a Pisa-ah neih a ni.

Mizoram-a Myanmar raltlante tan theihtawp a chhuah zel tur thu Chief Minister in a sawi

Chief Minister Zoramthanga chuan Mizoram-a Myanmar raltlante tan theihtawp a chhuah zel tur thu a sawi.

Hri kai mi 13 hmuh belh leh

Nimin khan Serchhip District-ah hri kai mi 13 hmuhchhuah thar leh an ni.

Synod Inkhawmpui zawhfel a ni ta

Mizoram Synod Inkhawmpui vawi 98-na chu nimin khan zawhfel a ni ta.

Chanchin thar thenkhat :

MLB thlirlawkna hun nei

COVID-19 vangin boral

Nimin tlai dar 3:00 khan Lalchungnunga (65), Agriculture Complex chu COVID-19 vangin ZMC-ah a boral a, tun thla ni 8-a hri kai tih hmuh-chhuah niin a tuk-ah ZMC-ah hian dahluh a ni a, amah hi natna dang nei niin nimin tlai khan a boral zui ta a, Vawiin ah vuiliam a ni ang.

Cricket khel chhunzawm

Serchhip District Cricket Association buatsaih ‘Lalrinthangi (Marini) Memorial Cricket Tournament’ chu Inrinni khan khelh chhunzawm niin Group B-ah Serchhip CC in Thenzawl CC chu run 42 in an hneh a, Tuikhuah Veng CC in Thenzawl CC hi Wicket 5 in an hneh bawk. Group A-ah Hmar Veng CC chuan AO3C chu run 15 in an hneh bawk. Heti hian karleh Inrinni khian BSF leh Tuikhuah CC ten Final an khel ang.

Tennis inelna zawhfel a ni

Serchhip District Tennis Association (SDTA) buatsaih ‘Years End Tournament’ chu Inrinni khan khelh zawh a ni.

Neihloh-ah hri kai 85 tling

Serchhip District chhunga Neihloh khua in COVID-19 hri leng avangin harsatna an tawk mek.

Lok Adalat thutkhawm nei

Inrinni khan Serchhip-ah National Lok Adalat thutkhawm neih niin thubuai 41 ngaihtuah a ni.

Hri kai hmuhchhuah 1,38,212 tling tawh

Mizoram-a COVID-19 hri kai hmuhchhuah chu 1,38,212 tling tawhin an zinga 1,34,950 te chu enkawl dam an ni tawh.

Chief Secretary in Hnahthial District a tlawh

Mizoram Chief Secretary Dr. Renu Sharma chuan Inrinni khan Hnahthial District tlawhin District leh khawtlang hruaitute nen inkawmna an nei.

Dr. R. Lalthangliana’n sawrkar laipui-a mi pawimawh hrang hrangte a kawm zui zel

New Delhi-a zin Minister Dr. R. Lalthangliana chuan Inrinni khan sawrkar mi pawimawh hrang hrangte kawmin Mizoram mamawh hrang hrang a thlen.

MBOCWWB member 114 Death Benefit pe tawhin MBOCWWB member ennawn tum a ni

Kumin chhungin Mizoram Building & Other Construction Workers’ Welfare Board (MBOCWWB) chuan an member 114 boral (natural death) chhungte hnenah Death Benefit Rs. 1,14,00,000 a pe tawh a. Covid-19 package mi 356 hnenah Rs. 75,56,000 a pe tawh bawk.

Cricket khel chhunzawm dawn

Serchhip District Cricket Association in an buatsaih ‘Lalrinthangi (Marini) Memorial Cricket Tournament’ chu Vawiin hian DC Playground, Khawtetlang-ah khelh chhunzawm leh a ni dawn a, zing dar 9:30-ah Group B atangin Serchhip CC leh Thenzawl CC te inhmachhawnin hemi hnu hian Group A-ah AO3C leh Hmar Veng CC te an inhmachhawn leh anga, match hnuhnung berah Thenzawl CC leh Tuikhuah Veng CC te an inhmachhawn leh dawn bawk a ni. Group A atangin BSF ten Final an lut chiang tawh a ni.

4C hman lai 8 awm mek

Tunhnaia hri kai hmuh tamna Neihloh khua ah 4C pahnih siam belh leh a nih avangin Serchhip District-ah Vantlang enkawl hri kai te enkawlna 4C 8 a awm mek a, heng te hi Leng khua-ah 3, Neihloh-ah 2 leh Chhiahtlang, Chhingchhip leh Chekawn-ah pakhat theuh niin Serchhip District-a khaw 14-a hri kai an awm mek bawk a ni.

Chanchin thar thenkhat :

EDS hnuaiah intihsikna hawng

Most Promising Player-ah thlang

Mizoram Basketball Association (MBBA) buatsaih MBBA Inter-District Basketball Tournament 2021 chu nimin khan Lunglei-ah khelh zawh niin LB Associates, Bungkawn (Aizawl District) chu an champion a. Most Promising Player atan Michael Lalrinzuala s/o Lawrence Rozam-liana, Serchhip P&E Veng chu thlan a ni.

Hri kai 24 hmuh belh leh

Nimin khan Serchhip District-ah COVID-19 hri kai mi 24 hmuh belh awmin mi 26 te enkawl dam an ni thung.

Serchhip damdawi In building thar sakna tur atan NGO ten rawtna an thehlut nawn leh dawn

Serchhip District NGO Coordination Committee hruaitute chuan Serchhip District Hospital building thar saka tur atana Town chhunga NGO leh VC hrang hrang ten Bukpui-a P&E Department ram leh ITI hmun tur inkar ram an lo pawm tawh thu chu sawrkar thuneitute hnenah karleh lam khian thlen nawn leh an tum thu an sawi.

Deputy Speaker in Tuikum bial-a Sialhau a tlawh

Tuikum bialtu MLA leh Assembly Deputy Speaker Er. Lalrinawma chuan nimin khan a bial chhunga Sialhau khua tlawhin Tui pump-na hmun leh hmun pawimawh dangte a tlawh.

Aizawl leh Serchhip-a FEMSE Member ten Joint Meeting neiin lungrual taka hmalak an rel

Federation of Mizoram Samagra Shiksha (FEMSE) Hqrs. hruaitute chuan nimin khan Serchhip rawn tlawhin FEMSE Sub-Hqrs. Serchhip hruaitute nen inkawmna an nei.

Mizoram-ah hri kai thar aiin enkawl dam tlem zawk

Mizoram-ah COVID-19 hri kai hmuhchhuah tlahniam ve zel mah se a hniam zawng hian a kal chak lutuk lova, niminpiah khan Sample 2342 enfiah leh niin hri kai mi 328 hmuhchhuah an ni a, Sample enfiah atanga chhut chuan za zela 14.01 zetin hri an kai a ni.

Micro Enterprises harsatna tawk te tan hma la

Commerce & Industries Minister Dr. R. Lalthangliana chuan ‘Proposal for Special Economic Package’ chungchangah sawrkar laipui a mi pawimawh hrang hrangte a kawm.

MZP in chawimawina hlan

Mizo Zirlai Pawl (MZP) chuan Aizawl-a an Office, MZP Pisa pui chu kumin atan kharna hun hmangin Zirtirtu leh zirlai tithate chawimawina an hlan nghal bawk.

Kangmei venna kawnga hmalak dan tur sawiho

State Level Sub-Committee on Fire Prevention chu nimin khan thukhawmin kumthar lama kangmei venna kawnga hmalak dan tur an sawiho.

Serchhip-ah Pawl Kut hmang

India ram zalenna kum 75 tlin lawmna kal zel denchhenin nimin khan Serchhip Auditorium tual-ah Pawl Kut hman a ni a, he hunah hian MUP Serchhip District President CL. Ramngaia chu Kut Pa-ah hman a ni a, he hun ah hian mi tam tak pungkhawm lovin TV lamah live a pekchhuah a ni.

Hri kai 45 hmuh belh an ni

Nimin khan Serchhip District-ah COVID-19 hri kai mi 45 zet hmuhchhuah belh leh niin hri kai mi 29 enkawl dam an ni thung.

Serchhip damdawi In-a thil thleng chungchang ah Health Deptt. hotute leh MGDA ten Serchhip an tlawh

Tunhnaia Serchhip District Hospital-a thil thleng, mi 3 boralna chungchangah Mizoram sawrkar-a Health & Family Welfare Board Vice Chairman Dr. Thiamsanga MLA leh Health Secretary bakah Mizoram Govt. Doctor Association (MGDA) hruaitute chuan nimin khan Serchhip-a tlawmngai pawl leh thuthar thehdarhtute an kawm.

NHM hnuaia thawktu ten nawrh an tintuah leh mek

National Health Mission Employees Union Mizoram (NEUM) te chuan an thilphut hrang hrang tih hlawhtlin ngiatin nawrh huaihawt an tintuah mek.

Chanchin thar thenkhat :

Lehkhabu thar tlangzarh

Hri kai thar 320 leh dam 276 awm belh leh

Niminpiah khan Mizoram-ah Sample 3051 enfiah niin COVID-19 hri kai mi 320 hmuhchhuah an ni a, Sample enfiah atanga chhutin za zela 10.49 te chuan hri an kai a ni.

Kawlphetha man ba-a harsatna chinfel a ni

Tunhnaia Mizoram sawrkarin Bill a pek theihloh avanga NEEPCO in Mizoram-a kawlphetha Supply tihtawp a tum chu chinfel a ni.

Mahni pasal thattu damchhung tang turin rel sak

Nikum December ni 9 zan-a Dr. Laltanpuia (43) Kulikawn vithlumtu a nupui Mary Zothansangi chu Court-in damchhung lung In tang tur leh cheng nuai 1 chawi turin a hrem.

Chief Minister in mi pawimawh te a kawm

Chief Minister Zoramthanga chuan nimin khan Northeast Frontier Railway-a General Manager Anshul Gupta leh Official dang te chu kawmin Mizoram-a an hmalakna chungchang thu pawimawh tak tak an sawiho.

MIZOFED kum 40 tlin lawmna Cooperation Minister hovin neih a ni

Mizoram State Cooperative Marketing and Consumers Federation Limited (MIZOFED) chuan nimin khan an kum 40 tlinna, Ruby Jubilee lawmin Cooperation Department changtu Minister C. Lalrinsanga chuan a hmanpui a ni.

Hri kai 5456 tling tawh

Serchhip District-a COVID-19 hri kai hmuh tawh zawng zawng chu 5456 an tling tawh.

Bialtu MLA in hma la tih sawi

Serchhip Block ZPM Committee chuan nimin khan thuchhuah siamin tunhnaia Serchhip damdawi In-a thil thleng chungchang chu bialtu MLA Lalduhoma chuan a hriatin pawi a tih thu leh chuti maia ngaihthah chi nia a hriat loh avangin a theih anga rangin action la theitu hnenah rawtna te a thlen tih an sawi a. Bialtu MLA hian a hnena thil awmzia thlentu Serchhip Thalai Pawl te nen tang hoin hma a la zel tih pawh tarlangin, Health Minister pawh be nghalin, Health Minister pawhin lo ngai pawimawhin Departmental Enquiry lak nise, buaina pawh chinfel ngei a tum thu a lo sawi niin an tarlang bawk.

Krismas pualin tanpuina semchhuak leh dawn

Mizoram Chief Minister Zoramthanga chuan kumin Krismas pualin Mizoram District 11-a Home leh Centre hrang hrang te tan Discretionary Grant 2020 - 2021 atangin tanpuina sum Rs. 2,35,500/- a pechhuak a, Serchhip District-ah pawh Rs. 12,500/- semchhuah tur niin Shalom Special School tan Rs. 3000/-; Civil Hospital Serchhip leh Adult Rehabilitation Centre (ARC), Chhiahtlang tan Rs. 2000/- ve ve; Zoar Rescue Centre tan Rs.1500/- leh Orphanage Home, Observation Home, Hmangaihna In leh Old Age Home tan Rs. 1000/- theuh sem tura ruahman a ni.

Kumin chhungin ILP thar 459 pek a ni tawh

Kumin chhungin Serchhip DC Office atangin State pawn atanga hnamdang Mizoram-a rawn lut te hnenah Inner Line Permit (ILP) thar 459 pekchhuah ni tawhin ILP 209 te chu tihnun thar a ni bawk.

Serchhip damdawi In-a thil thleng chhui turin Serchhip District Magistrate ruat a ni

Tunhnaia Serchhip damdawi In-a thil thleng chungchangah Magisterial Inquiry la turin Serchhip DC, District Magistrate Kumar Abhishek IAS chu ruat niin ni 30 chhunga report thehlut tura tih a ni a. MGDA hruaitute chuan Serchhip rawn tlawh mekin Vawiin ah Health Department hotute pawhin Serchhip hi an rawn tlawh bawk ang.

Mathematics chawilarna atan Serchhip-ah ni khat awh Seminar neih a ni

National Mathematics Day-2021 lo thleng tur pualin nimin khan Govt. Serchhip College-ah ‘One Day National Seminar on Mathematics Popularisation’ buatsaih a ni a, Mizoram Science, Technology & Innovation Council (MISTIC)-a Member Secretary leh Chief Scientific Officer Er. H. Lalsawmliana chuan khuallian niin a hmanpui a ni.

Chanchin thar thenkhat :

Tribal Art & Craft Festival

Ni khat-a hri kai hmuhchhuah zat tlahniam zel

Niminpiah khan Mizoram-ah Sample 3252 enfiah leh niin heng atang hian COVID-19 hri kai 273 hmuhchhuah an ni a, Sample enfiah atanga za zela 8.39 ten hri kaiin Mizoram-ah hri kai hmuhchhuah an tlem ve zel a ni.

MZP in zirna ngai pawimawh hmasa ber tih sawi

Mizo Zirlai Pawl (MZP) President Lalnunmawia Pautu chuan zirna chu an ngaih pawimawh hmasak ber a ni tih a sawi.

SEDP atanga Zirtirtu ruai turin ruahmanna siam dawn

Chief Minister Zoramthanga chuan SEDP atanga zirtirtu ruai turin ruahmanna siam a nih tur thu a sawi.

Vaphai-ah Tui lakna hawng

Cheng nuai 270 senga Ni zung chakna hmanga tui lakna tur, Mausang Solar Water Pump System chu nimin khan RD Minister Lalruatkima chuan Vaphai-ah a hawng.

Serchhip damdawi In-a thil thleng ah Magisterial Inquiry la dawn

Serchhip District a raicheh a thi leh naute pianghlim boral chungchang chui dawn

YMA in 4C tanpui rel

Serchhip Sub-Hqrs. YMA Office Bearers thukhawm chuan tunhnaia an huamchhunga COVID-19 hri kai hmuhchhuah tamna Chekawn leh Leng khua a 4C-a hman turin Rs. 5000/- ve ve Group YMA kaltlangin pek nise an ti a. Sub-Hqrs. YMA Disaster Management Committee hnenah Myanmar atanga raltlan te tanpuina atan Rs. 43,000/- pek an remtih bakah Serchhip Darnam Branch huamchhunga raltlan awm mek zinga damlo tanpuina atan Rs. 5000/- pek nise an ti bawk.

SDPOA hruaitu thlanna nei

Serchhip District Pik-up Owners Association (SDPOA) chuan nimin khan Horticulture Complex, Lengte-ah Assembly neiin kum 2021 - 2022 chhunga an hruaitu tur thlanna an nei a, President-ah F. Laldawta, Vengchung; Vice President-ah Lalzidinga, Tuikhuah Veng; Secretary-ah J. Lalthuamliana, Dinthar Veng; Asst. Secretary-ah C. Lalneihkima, Field Road; Treasurer-ah Lalremngheta Kawlni, Vengchung leh Fin. Secretary-ah Zirsangliana Chenkual, P&E Veng te thlan an ni.

Hri kai 5400 aiin tam tawh

Serchhip District-a COVID-19 hri kai hmuh tawh chu 5400 aiin an tam tawh.

Serchhip District-ah mi 17 te ex-gratia pek an ni tawh

Serchhip District-ah COVID-19 vanga thi mi 17 chhungte hnenah ex-gratia pek an ni tawh.

Khawpui fai thlanna neih mekah Serchhip khawpui faina endik a ni

Image
Mizoram sawrkar-a Urban Development & Poverty Alleviation Department hmalakna a Mizoram khawpui fai thlanna neih mekah nimin khan faina leh thianghlimna kawnga Serchhip khawpui hmalak dan enfiah a ni.

STP te ngenna thlen bawhzui nghal a ni

Tunhnaia Serchhip damdawi In-a thil thleng chungchang chhui tura Serchhip Thalai Pawl ten Serchhip DC hnena ngenna an siam chu bawhzui mek a ni.

Chanchin thar thenkhat :

Bamboo Link Road sawiho

Mizoram-ah hri kai enkawllai zat tlahniam zel

Mizoram-ah COVID-19 hri kai hmuhchhuah tlahniam ve zelin hri kai enkawllai pawh sang thum aiin an tlem tawh a, niminpiah khan Sample 3897 enfiah niin heng atang hian hri kai 330 hmuh an ni a, Sample enfiah atanga chhutin za zela 8.47 te chuan hri an kai a ni.

Zirlai naupang a thlawnin Tarmit sem dawn

COVID-19 hri len vanga inkharkhip hnuah naupang Mit hahin Mit tha lo, thil hla hmuh fiah theih lohna a siam tam avangin zirlai naupang khawsak lama harsa deuh tan a thlawna Tarmit pek theih dan ruahman a ni.

Mualpheng to Maite 11 kVA Electric line hawn a ni

SEDP sum cheng nuai 115 senga Mualpheng to Maite 11 kVA electric hrui zam thar chu nimin khan P&E Minister R. Lalzirliana chuan Maite khua ah a hawng.

Khawbung-ah Mini Sports Complex hawn a ni

Rural Development Minister Lalruatkima chuan nimin khan cheng nuai 369.89 senga sak Khawbung Mini Sports Complex chu a hawng.

Ramri chungchangah Mizoram sawrkar in a tanhmun tichiangin document a nei tha thawkhat tawh

Home Minister Lalchamliana chuan ramri chungchangah Mizoram sawrkar chu 1875 BEFR Notification-ah a dinngheh thu sawiin, Assam lam chu 1933 Notification-ah an ding thung tih sawiin, Mizoram sawrkar chuan a duh angin a tanhmun tur te tichiangin document te pawh a nei tha thawkhat tawh tih a sawi bawk.

Chief Minister in Mizoram thil pawimawh hrang hrang Sawrkar laipui hotute a sawipui thu a sawi

Mizoram Chief Minister Zoramthanga chuan tunhnaia Delhi a zinnaah Assam nena ramri buai chungchang te, Bamboo Link Road chungchangte leh Assam Rifles sawnchhuah bakah Myanmar raltlan tanpui dan tur chungchang te leh Mizoram mamawh hrang hrang thlenin sawrkar laipui hruaitute a sawipui thu a sawi.

Serchhip damdawi In-a thihna thleng chhuichiang turin Minister leh DC te ngen

Serchhip Thalai Pawl (STP) te chuan tunhnaia Serchhip damdawi In-a thil thleng chungchang chu a tul anga chhui chianga hma lak sak turin nimin khan Health Minister leh Serchhip District Bawrhsap hnenah ngenna thlenin hemi chungchang hi bialtu MLA pawh an hriattir nghal bawk.

Buh enchhinna nei mek

Agricultural Technology Management Agency (ATMA) Serchhip District chuan National Food Security Mission (NFSM) 2018-2019 Seed Production Plot a an hmalakna pakhat atan Chekawn Varhva zau-ah kum khat a buh vawi/tum 2 thar thei (Ratooning) chu enchhinna kalpui mek a. He hmalakna ah hian Hakachuk-2 chu enchhin niin he Buh chi hi Tripura lam Buh niin KVK North Vanlaiphai te nen thawkho-a chin a ni a, he Buh hi loneitute leh leilet neitute chin theih tura ruahman fel a nih chuan hlawk zawkin Buh tharchhuah theih beisei a ni.

Serchhip Faina enfiah dawn

Mizoram khawpui fai thlanna neih mekah Serchhip khawpui chhung enfiahtur turte chuan Vawiin hian Khawzawl atangin Serchhip an rawn thleng dawn a, ruahman lawk ang chuan Vawiin chhun dar 12:00 hian DC Conference Hall-ah Serchhip khawpui in faina kawnga hma a lak dan hrang hrangte a lem nen lo entir an ni dawn a, hemi hnu hian Serchhip khawpui chhung hmun thenkhat chu a hmunah kalin an enfiah nghal ang.

Hri kai 38 hmuh belh leh

Nimin khan Serchhip District-ah COVID-19 hri kai mi 38 hmuhchhuah niin hri kai mi 31 enkawl dam an ni bawk.

Chanchin thar thenkhat :

Sawrkar hmalakna duhlo

Pathianni-ah hri kai mi 92 hmuh belh an ni

Pathianni khan Mizoram-ah Sample 1563 enfiah leh niin heng atang hian hri kai mi 92 hmuh an ni a, Sample enfiah atanga za zela 5.89 te chuan hri an kai a ni.

Governor leh Oil Marketing Company an inkawm

Mizoram Larsap Dr. Hari Babu Kambhampati chuan nimin khan Mizoram-a Oil Marketing Company hotute leh an aiawhte chu Raj Bhavan-ah a kawm.

C&I Minister in MIMA Office Aizawl-ah a hawng

Commerce & Industry Department changtu Minister Dr. R. Lalthangliana chuan nimin zing khan Mizoram Merchant Association (MIMA) Office building thar, Aizawl New Market-a mi chu a hawng.

MISA Conference neih a ni

Mizoram Information Service Association (MISA) chuan nimin khan Annual Conference hmangin I&PR Minister Lalruatkima chuan khuallian niin a hmanpui a ni.

Serchhip District-ah 4C tam zawk khar tawh

Serchhip District-ah COVID-19 hri kai enkawllai an tlem zel avangin Serchhip District-a khawtlang in an din hri kai te enkawlna hmun, Community Covid Care Centre (4C) tam zawk chu khar a ni tawh.

ASF vangin Vawk thi leh

Serchhip District-a African Swine Fever (ASF) vanga Vawk thi chu 3891 a tling tawh a, Inrinni khan Khawlailung khua ah ASF vang hian Vawk pakhat thi lehin Serchhip District-ah ASF in ziaawm lam pan chho viau mah se a ni zawnin Vawk thi a awm leh a, nimin ah Vawk thi a awmlo thung a ni.

Tennis inelna khelh tan a ni

Serchhip District Tennis Association in an buatsaih ‘Years End Tournament’ chu Inrinni khan Serchhip P&E Veng-a Leisekawt Tennis Court-ah khelh tan a ni a, tunkar Inrinni thleng khelh a ni ang. He Tournament-ah hian mipa 14 telin Category A leh B-ah then niin Singles leh Double-ah inelna neih a ni ang.

Cricket Tournament khel tan

Serchhip District Cricket Association in an buatsaih ‘Lalrinthangi (Marini) Memorial Cricket Tournament-2021’ chu Inrinni khan khelh tan a ni.

Krismas puala thisen pekna

Krismas puala a thlawna thisen pek runpui chu Inrinni atang khan Serchhip Blood Bank-ah pawh kalpui tan a ni ve leh ta. Association for Voluntary Blood Donation (AVBD) Serchhip Branch leh Serchhip Blood Bank tangkawp in Krismas puala thisen pek runpui an buatsaih ah hian Inrinni khan Serchhip Dinthar Branch YMA te chuan thisen pe nghalin mipa 18 leh hmeichhia 2, an vaiin mi 20 ten thisen hi an pe a ni.

Serchhip khua enfiah dawn

Mizoram khawpui fai thlanna neih mekah District Hqrs. fai endiktute chuan Vawiin hian Khawzawl atangin Serchhip an rawn thleng dawn a, ruahman lawk ang chuan Vawiin vek hian Serchhip khua hi enfiah nghalin zanin hian Serchhip-ah an riak anga, naktuk ah Hnahthial an pan leh nghal dawn a ni. Serchhip khawpui rawn enfiahtute lo dawnsawn dan tur leh Serchhip-a hun an hman dan tur chu Vawiin hian tihfel a ni ang.

Nakum March-ah zawh beisei

Hrangturzo bialtu MLA leh Home Minister Lalchamliana chuan kar kalta khan a bial chhunga khaw 5- Bungtlang, Keitum, Hriang-tlang, Khawlailung leh Hmunzawl khua te chu tlawhin a bial chhunga inkalpawhna kawng pawi-mawh tak, Keitum leh Khawlailung inkara Tuichang Lei dawh mek chu a hmunah a tlawh bawk a, helai hmuna hnathawktute chuan March 2022-a zawh theih ngei an tum thu an lo hrilh a ni.

Hri kai enkawl dam pung zel

Serchhip District-ah COVID-19 hri kai thar tlem ve zelin hri kai enkawl dam pawh an pung ve mek bawk.

Chanchin thar thenkhat :

Joint NGO atangin inhnukdawk

Mizoram-ah hri kai enkawllai 3009 an la awm

Mizoram-ah COVID-19 hri kai hmuhchhuah an tlahniam ve zel a, nimin tlai thleng khan Mizoram-ah hri kai enkawllai 3009 an la awm a ni.

Delhi-a Chief Minister zin rawn haw ta

Sawrkar laipui-a mi pawimawh te dawr-a Delhi-a zin Chief Minister Zoramthanga chuan Inrinni khan Mizoram a rawn thleng leh ta.

Parliament PAC kum 100 tlin lawmna neih a ni

India ram-a rorelna sang Parliament-a Public Accounts Committee chuan kum 100 tlingin Inrinni leh nimin khan a lawmna neih a ni a, Mizoram atang pawhin Assembly Speaker Lalrinliana Sailo leh sawrkar mi pawimawh dangte chu sawm an nih angin an tel a ni.

CSS Hindi Teacher ten Court Order ang anmahni ruai nawn turin Mizoram sawrkar an ngen

Mizoram CSS Hindi Teacher Association chuan High Court Order in anmahni laklet lehna tur thu a chhuah hnuah Mizoram sawrkar chuan CSS Hindi Teacher te a lalet duh lo tih sawiin, sawrkar chu Court Order Re-correct lova anmahni Re-engaged mai turin an ngen tih an sawi.

Boxing inelna ah Serchhip District an champion

Mizoram State Boxing Championship vawi 42-na chu nimin khan Serchhip Boxing Hall-ah khelh zawh niin a pumpui-ah Serchhip District Boxing Association chuan Medal 20 la in an champion a ni.

Catholic Thalai khawmpui nei

Mizoram pum huap Catholic Thalai Inkhawmpui, Diocese Catholic Thalai Pawl (DCTP) in-khawmpui vawi 19-na chu nimin khan Serchhip P&E Veng-a Our Lady of Assumption Parish ah neih a ni.

Cricket khelh a ni dawn

Serchhip District Cricket Association in an buatsaih ‘Lalrinthangi (Marini) Memorial Cricket Tournament-2021’ chu Vawiin hian DC Playground, Khawtetlang-ah khelh tan a ni dawn a, Team 6 an tel ang. He Tournament-a tel te hi Group 2-ah then niin Group A-ah Hmar Veng CC, BSF leh AO3C te an awm a, Group B-ah Tuikhuah Veng CC, Serchhip CCC leh Thenzawl CC te awmin Group 2-a point hmu sang ber ve ve ten Final an khel anga, Inrinni-ah zel khelh a ni ang.

Zan 5 Eng nei tawhlo

Tunhnaia New Serchhip North huamchhung hmun thenkhat chawmtu Electric Transformer chu a chhiat avangin he Transformer in a chawm New Serchhip Sihphir Veng leh Kikawn hmun thenkhat te chuan nizan thleng khan zan 5 zet Power Supply an hmu tawh lova, he Transformer thlakna tur hi Zuangtui-ah tifelin Vawiin lam hian Serchhip rawn thlenpui theih beisei a ni.

Hri kai 29 hmuh belh leh

Nimin khan Serchhip District-ah COVID-19 hri kai mi 29 hmuh belh niin hri kai mi 20 te enkawl dam an ni thung.

Serchhip-a Paragliding Pilot Training kharna District Bawrhsap hovin hman a ni

Mizoram Aero-Sport Association (MASA) hnuaia Paragliding Pilot Training hmawr bawkna, Paragliding Pilot Proficiency (P3) Training Serchhip-a neih chu nimin khan zawhfel niin he training kharna leh Certificate semna chu District Bawrhsap Kumar Abhishek IAS hovin neih a ni.

Chanchin thar thenkhat :

Mizoram MP in Parliament-ah ASF sawichhuak

Niminpiah-ah hri kai 315 hmuh belh leh an ni

Mizoram-ah COVID-19 hri kai hmuhchhuah la awm belh zelin niminpiah khan Sample enfiah 3480 atangin hri kai mi 315 hmuhchhuah an ni a, Sample enfiah zawng zawng atanga za zela 9.05 te chuan hri an kai a ni.

MNF-in zalenna a sual - Tawnluia

MNF Sr. Vice President Tawnluia chuan, “MNF-in zalenna a sual a, Mizoram-in zalenna kan sual,” a ti.

Mizoram Governor in CADC hmunpui Chawngte (Kamalanagar) a tlawh

Mizoram Governor Dr. Hari Babu Kambhampati chuan nimin khan Chakma Autonomous District Council (CADC) hmunpui Chawngte (Kamalanagar) a tlawh a. Amah lawmna hun buatsaih ah Governor chuan hmasawnna kawngah ramchhung hmun dang nen khaikhina ADC huamchhunga mite an hnufual bik thin chu pawi a tih thu a sawi.

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Mi sang nga aia tam dam ta

Serchhip District-a COVID-19 hri kai en-kawl dam chu mi sang nga aiin an tam ta a, hri kai hmuhchhuah atanga za zela 94.57 te chu enkawl dam an ni tawh bawk.

HSS Building hawng

Home Minister Lalchamliana chuan nimin khan Bungtlang Higher Secondary School building sak thar chu nimin khan a hawng. Bung-tlang khua ah hian kum 2010 atang khan Higher Secondary School hi hawn a ni a, nimin a hawn tak an School hi a dung ft. 42 leh a vang ft. 18 a zau a ni a, School building hi cheng nuai 5 a sak a nih bakah Office building hi Rs. 2,50,000/- a sak a ni a, a hmun laihna atan Rs. 25,000/- sen a ni bawk a, khawtlang mipuite sum thawhkhawm leh sawrkar atanga tanpuina an hmuh hmanga sak a ni. He School-ah hian Zirtirtu Principal leh Vice Principal pakhat ve ve bakah Lecturer 4 leh IV Grade pakhat an awm bawk a ni.

Home Minister in Bungtlang khua ah HSLC-a zirlai tithate lawmpuina a hmanpui

Serchhip District-a Govt. Bungtlang H/S chuan kumin (2021)-a HSLC (pawl 10) Exam-a result tha tak an neih lawmna leh zirlai tithate chawimawina hun nimin khan an School-ah an nei a, he hun hi Bialtu MLA leh Home Minister Lalchamliana chuan Khuallian niin a hmanpui a ni.

Vawk thi pakhat awm leh

Nimin khan Serchhip District-ah African Swine Fever (ASF) vangin Vawk thi pakhat a awm belh leh. Nov. 20, 2021 hnu lamah ASF avanga Vawk thi a awm loh reng hnuah nimin a ni 12-ah khan Vawk thi pakhat a awm belh leh a, nimin a Vawk thi hi Sialsir khua ami niin Sial-sir khua ah hian Vawk 64 lai a thi tawh a, ASF vang hian Serchhip District-ah Vawk 3890 a thi tawh a, Vawk 3040 suat a ni tawh bawk a ni.

Bawrhsap in COVID-19 hrileng darh zau zel tur ven nan mipuite inthlahdah lo turin a ngen

Serchhip District Bawrhsap leh District Disaster Management Authority-a Chairman Kumar Abhishek chuan COVID-19 hrileng darh zau zel tur ven nan mipuite chu inthlahdah lo turin a ngen.

Chanchin thar thenkhat :

Raltlan te tawng zirtir tum

Mizoram-ah hri kai hmuhchhuah tlahniam zel

Mizoram-ah COVID-19 hri kai hmuhchhuah an tlem hret hret a, niminpiah khan Sample 3281 enfiah atangin hri kai mi 275 hmuhchhuah niin Sample enfiah atanga za zela 8.38 te chuan hri an kai a, hri kai enkawllai pawh an tlem zel bawk.

CM in Union Minister kawm

Mizoram Chief Minister Zoramthanga chuan niminpiah khan Housing and Urban Affairs leh Petroleum and Natural Gas changtu Union Minister Hardeep Singh Puri chu hmuin Mizoram thil pawimawh a sawipui.

MJA in lawmpuina hun hmang

India rama Civil mite chawimawina sang, Padma Shri Award dawngtu Lalbiakthanga Pachuau (Prominent Journalist) chu nimin khan MJA General Hqrs. chuan Aizawl Press Club-ah lawmpuina leh chawimawina hun an buatsaih a. He hunah hian MJA General Hqrs. President Zonunsanga Khiangte chuan Lalbiakthanga Pachuau chu chhan hrang hrang vangin chawimawina dawn phu a ni tih a sawi a. Journalist zingah hetiang chawimawina sang dawn awmchhun niin, a hnung zuitu kan awm leh angem tih pawh hriat loh a nih avangin MJA chuan a ngaihlu hle tih a sawi bawk.

Omicron hlauhawm leh hlauhawm loh la sawi theilo

State-Level Expert Team on COVID-19 Management-a Member Dr. PC. Lalramenga chuan COVID-19 hrik chhuak thar ‘Omicron’ chu tun dinhmunah a hlauhawm leh hlauhawm loh sawi theih a la ni lo tih a sawi.

Road Block-ah puang

Serchhip P&E VC huamchhunga H. Roliana In bul chu Culvert chu siamthat a nih dawn avangin helai kawng, P&E Veng Lane hnuai (YMA Hall thlang) hi Serchhip SP chuan tun thla ni 19 thleng atan Road Block-ah a puang.

BSF ten an dincham an lawm

Serchhip Dawngzawl-a awm 60th Battalion Border Security Force (BSF) te chuan nimin Dec. 1, 2021 khan an Battalion hmun-ah an din champha vawi 57-na an lawm.

DM in thuchhuah siam

Bhartia Infra Project Ltd. te chuan NH. 54 ‘Widening and up gradation to 2-lane with paved shoulder configuration and geometric improvements’ an thawh mekah Serchhip leh Thenzawl inkar-a Pass No. PP 66 of 1981 chu a tul huna lung hal leh verhna hmun atan Serchhip District Magistrate hnenah an dil a. Hemi chungchang hi a him lohna emaw, a rem lohna emaw hria chuan Dec. 23, 2021 hmain District Magistrate hnenah hian ziakin sawi theih a ni a, huntiam a ral hnuah chuan Explosive Rules, 2008-in thuneihna a pek angin hnathawh phalna pek an ni dawn a, sawibuai theih a ni lovang tih District Magistrate thuchhuah chuan a tarlang bawk.

DUDO in mipuite ngen

Serchhip District Urban Development Officer (DUDO) Lalzikpuii chuan Mizoram khawpui fai intihsiakna, 2021 endikna chu nimin atanga tun thla ni 10 thlenga neiin endiktu ten District Capital leh khawpui dang te endikna an nei tan mek tih a sawi a. Serchhip District a Village Council te, NGO hruaitute leh khaw-tlang mipuite chu mahni zawn theuhvah hma lo la a, mahni ram, In hmun leh a chhehvel  leh kawngpui dungte fai taka lo enkawl turin a ngen bawk. Khawpui fai inelna hi Category pathum-ah neih tur niin khawpui 28 enfiah an ni dawn a, tunkar-a endik tur zingah Serchhip District erawh ala tel lo thung a ni.

Mamit MJA ten Serchhip District tlawh hlawkthlak ti

MJA Mamit District member te chuan Ser-chhip District a Agriculture Department leh Horticulture Department hmalakna an tlawh te hlawk thlak an tih thu an sawi.

District Bawrhsap in Sainik School a tlawh

Serchhip District Bawrhsap Kumar Abhishek IAS chuan nimin khan Chhingchhip a Sainik School chu tlawhin he School Biology Laboratory chu a hawng.

Chanchin thar thenkhat :

Bialtu MLA in hnathawh en

Mizoram-ah hri kai hmuhchhuah la tlahniam zel

Mizoram-ah ni khat-a COVID-19 hri kai hmuhchhuah tlahniam hret hret zelin hri kai enkawllai pawh an tlem tawh viau a, niminpiah khan Sample 4319 enfiah niin hri kai mi 365 hmuh niin Sample enfiah atanga za zela 8.45 te chuan hri an kai a ni.

Minister Lalruatkima’n sawrkar mi pawimawh te hmu

Rural Development Minisster Lalruatkima chuan nimin khan sawrkar laipui-a a Department enkawl kaihhnawih Ministry-a mi pawimawh hrang hrangte New Delhi-a an Office-ah hmuin Mizoram Sawrkar hnuaia mamawh hrang hrangte a thlen.

Health Minister hovin World AIDS Day Rally nei

Nimin December 1, 2021 khan khawvel pumah ‘World AIDS Day’ hman a ni a, Aizawl-ah chuan Mizoram State AIDS Control Society (MSACS) bultumin nimin zing khan ‘World AIDS Day Rally’ neih niin Health Minister Dr. R. Lalthangliana chuan a hmanpui a ni.

Aizawl Civil Hospital Emergency Ward cheithat Health Minister in a hawng

Health Minister Dr. R. Lalthangliana chuan nimin khan Aizawl Civil Hospital Emergency (Casualty) Ward tihchangtlun leh cheithat chu a hawng.

Dan lova Borapansury leh a chhehvela Foreigner rawn luh tum te dodalna kawngah thawhho rel

Mizo Zirlai Pawl (MZP) leh Chakma Autonomous District Council (CADC) area-a pawl hrang hrangte nimin-a Borapansuri-a thukhawm chuan Dan lova Borapansury leh a chhehvela Foreigner rawn luh tum te a tul anga dodalna kawngah thawhho nise an ti.

Tun thla ni 15 thleng atan inkaihhruaina siam

Mizoram sawrkar chuan tun thla ni 15 thlenga hman turin COVID-19 chungchang avanga inkaihhruaina tur a tichhuak leh ta.

Mizoram State Boxing Championship Serchhip-ah khelh tan a ni ta

Mizoram State Boxing Championship vawi 42-na chu nimin khan Serchhip Boxing Hall-ah khelh tan a ni a, Law & Judicial Minister TJ. Lalnuntluanga chuan he intihsiakna hi a hawng a ni.

Transport Minister in tlawh

Nimin-a Serchhip-a rawn kal Transport Minister TJ. Lalnuntluanga chuan nimin tlai khan Darnam Tlang-a Bus Terminal sak mek chu a hmunah a tlawh a, a thlanglam NH. 54 kopang a lung rem ngai te pawh thlirin a tul anga hma lo la turin Serchhip DC chu a hrilh nghal bawk.

Chanchin thar thenkhat :

MP in Home Minister a hmu

ASF vangin ni 10 chhung Vawk thi awm tawhlo

Serchhip District-ah ni 10 chhung zet Vawk hri leng, African Swine Fever (ASF) avanga Vawk thi a awm tawhlo.

Hri kai 16 hmuh belh leh

Nimin khan Serchhip District-ah COVID-19 hri kai mi 16 hmuhchhuah belh leh an ni a, hri kai mi 47 te enkawl dam an ni thung.

Mamit MJA Member in tlawh

Serchhip District tlawha rawn zin Mamit District MJA te chuan nimin khan Serchhip leh a chhehvel-a Agriculture Department leh Horticulture Department te hmalakna an tlawh.

Hri kai thar 437 leh enkawl dam 269 awm belh

Niminpiah Thawhlehni khan Mizoram-ah Sample 5065 enfiah niin heng atang hian COVID-19 hri kai mi 437 hmuhchhuah an ni a, Sample enfiah atanga za zela 8.63 te chuan hri an kai a ni.

Myanmar raltlan chungchangah inrawnkhawmna nei

Myanmar atanga Mizoram-a raltlan rawn lut te chungchanga inrawnkhawmna chu nimin khan Chief Minister’s Conference Hall-ah neih a ni.

Chief Minister in Union Finance Minister a kawm

New Delhi-a cham mek Chief Minister Zoramthanga chuan nimin khan Union Finance Minister Nirmala Sitharaman-i chu Parliament Building-a a pisa-ah hmuin Mizoram mamawh hrang hrang a sawipui.

HIV/AIDS sawihona Health Minister in a hmanpui

Alliance India ten World AIDS Day 2021 puala HIV/AIDS dona kawnga sulsutu leh hmahruaitu te tawnhriat, hmalak dan leh hna thawh dan te sawihona hun nimin-a an buatsaih chu Health Minister Dr. R. Lalthangliana chuan a hmanpui.

Chief Minister in Prime Minister kawmin Mizoram mamawh hrang hrang a thlen

Chief Minister Zoramthanga chuan nimin khan India Prime Minister Narendra Modi chu Parliament Building-a a Office-ah hmuin Mizoram mamawh hrang hrang a thlen a, Prime Minister chuan heng a thu thlen te hi ngai pawimawhin a tul anga bawhzui a nih tur thu a sawi a ni.

Thenzawl Dragon Fruit Growers & Marketing Society te hmalakna Agriculture Minister in a tlawh

Agriculture Minister C. Lalrinsanga chuan nimin khan Thenzawl Dragon Fruit Growers & Marketing Society member chhungkaw 59 leh mimal 3 ten Dragon Fruit an chinna hmun tlawhin an mamawhte chu theihtawpin a ngaihtuah sak dawn tih a hrilh.

MJA Mamit te rawn zin

MJA Mamit District te chuan Serchhip District-a Agriculture Department hmalakna hrang hrang leh hmun pawimawh te tlawh turin nimin tlai khan Serchhip an rawn thleng a, tun tumah hian MJA Member mi 7 rawn kalin nimin tlai khan MJA Serchhip District member ten an lo dawngsawng a ni. Ruahman lawk ang chuan Vawiin hian Serchhip Agriculture Complex-ah sawrkar hmalakna hrang hrang tlawhin chawhnu lamah Serchhip Zawlpui Phai leh Horticulture Department in Centre of Excellence an siam te an tlawh nghal ang.

Fimkhurna Hapta hmang tan

Zoram Drivers’ Union (ZDU) chuan nimin atang khan Mizoram-ah Fimkhurna Hapta, ‘Drivers' Week’ an hmang leh tan a, thla thar Dec. 3 thleng khian hman a ni ang.

Hri kai enkawl dam pung zel

Serchhip District-a COVID-19 hri kai hmuh tawh zawng zawng chu 5198 an tling tawh a, hri kai zinga za zela 95.07 te chu enkawl dam an ni tawh.

Serchhip District-a COVID-19 Vaccine la zingah Vaccine la duhlo mi 2218 an awm

Serchhip District-a COVID-19 Vaccine la thei kum 18 chunglam te chu Vaccine Dose 1-na pek kim thawkhat an ni tawh a, Serchhip District pumah COVID-19 Vaccine la duhlo mi 2218 zet an awm thung.

DC hnenah report thehlut

Kumin August ni 27-a Kolasib Diakkawn a unau mipa pathum leh mi dang pakhat te Tuizem chhunga chesuala an thihna chungchang chhui chiang tura din Magisterial Inquiry Team chuan nimin khan an report chu ziakin Kolasib District Magistrate Dr. H. Lalthlangliana hnenah an hlan a, vanduaina tawk-a boral te chu boruak tlakchham avanga thawchham-a boral an ni tih an sawi.

Chanchin thar thenkhat :

DIPR in lawmpuina hun hmang

Pathianni-a hri kai 94 hmuh belh an ni

Pathianni khan Mizoram-ah COVID-19 hri kai mi 94 hmuh niin hri kai hmuhchhuah hi tlem mah se Sample enfiah 875 atanga chhut chuan za zela 10.74 zetin hri an kai a ni.

Transport Minister in sawrkar mi pawimawh te hmu

Transport Minister TJ. Lalnuntluanga chuan nimin khan Aizawl a Mizo Hnam Run-ah thu sawiin Nov. 22-27, 2021 chhunga Delhi-a mi pawimawh hrang hrang a hmuh chungchang a sawilang.

Khawpui fai endik dawn hnai

October ni 2, 2021 atanga tan ‘Mizoram Khawpui Fai Intihsiakna 2021’ endikna chu kalpui tan a ni dawn ta.

Sairang-ah Bamboo Processing Factory hawn a ni

Bamboo Development Agency-in Bamboo Technology Park, Sairang-a Bamboo Processing Factory an din chu nimin khan Commerce & Industry Department changtu Minister Dr. R. Lalthangliana chuan a hawng.

Chanchin thar thenkhat :

Chhuitu tur la chiang lo

Paragliding Training zo hnai

Mizoram Aero Sports Association (MASA) hmalakna a kumin February 9 atanga Paragliding Training neih chu tunkar hian zawhfel beisei a ni.

Hri kai enkawllai tlem zel

Serchhip District-ah COVID-19 hri kai en-kawllai mi za thum aiin an tlem tawh.

Puantahtute tan Company din dan zirhona neih a ni

Puantahtu ten mumal taka puantahna Company an din theih nana thil pawimawh inhrilh-hriatna chu Zirtawpni leh Inrinni khan Thenzawl khua ah neih a ni.

Tualchhung Kohhran kutah ruaitheh dahin sawrkar in kaihhruaina tichhuak hma se an duh

COVID-19 hri leng avanga nikum lamah Kohhran hrang hrang kumdang anga Krismas lawmna an neih theihloh hnuah kumin ah inkhawm theih te a nih tawh avangin Kohhran hrang hrang ten Krismas leh Kumthar lawmna atana ruai theh leh theh loh chungchang chu tualchhung Kohhran kut-ah an dah hlawm a, hetihlai hian sawrkar in kaihhruaina ala siam loh avangin Kohhran thenkhat chuan inbuatsaihna ah harsatna an tawh thu an sawi thung.

Vawiin ah Parliament thutkhawm nei tan dawn

Parliament Thlasik thutkhawm chu Vawiin hian neih tan a ni dawn a, hemi atan hian nimin khan All Party Meeting chu New Delhi-ah neih niin Mizoram MP pahnih te pawh an tel a ni.

Mizoram-a hri kai hmuhchhuah tlahiam hret hret

Mizoram-ah COVID-19 hri kai hmuhchhuah thar an tlem ve zel a, Zirtawpni-a Sample enfiah atangin hri kai 359 hmuhchhuah an awm laiin Inrinni-a Sample enfiah 3140 atangin hri kai 358 hmuh leh an ni a, Sample enfiah atanga za zela 11.40 te chuan hri an kai a ni.

Anthurium Festival atan nuai 255 dawng tawh

Kum 2006 atanga kumin 2021 thlengin Anthurium Festival hmanna atan Govt. of India, Ministry of Tourism atangin cheng nuai 255 hmuh a ni tawh a, kumin Anthurium Festival (Virtual) hmanna sum senso sanna ber chu documentary siamna leh Cable TV channel/DD Mizoram a thehdarhna man (broadcast fee) niin, hemi atan hian Rs. 4,40,000/- hman a ni.

Ramri-a hmalakna ah Vairengte an lawm

Vairengte khawtlang chuan tunhnaiah Mizoram sawrkar in ramri ah nasa taka hma a laksak avang leh kawng pawh KM 46 chuang lai a laihsak avangin sawrkar chungh an lawm hle tih an sawi.

Agriculture Minister in nasa zawka hma lakpui turin IFAD mithiamte sawm

Agriculture Minister C. Lalrinsanga chuan Agriculture leh a kaihhnawih kawng hrang hranga Mizoram mamawh te phuhru tura nasa zawka hma lakpui turin IFAD mithiamte chu a sawm a, Mizoram Sawrkar chu IFAD tana a inhawn thu leh heng kan mamawhte tihhlawhtlin a nih theih nana chak lehzuala thawpui turin a sawm bawk.

Chanchin thar thenkhat :

State pahnih CM te inkawm

DAN ANGA FA LAK (LEGAL ADOPTION)

DAN ANGA FA LAK (LEGAL ADOPTION) - Liansangpuii Protection Officer (Non-Institutional Care)  District Child Protection Unit, Serchhip

NSS in thisen an pe

Nimin khan Govt. Higher Secondary School Serchhip-a NSS Unit te chuan Serchhip District Hospital Blood Bank-a dah turin thisen Unit 40 an pe a, thisen petute hi mipa 26 leh Hmeichhia 14 niin Serchhip Blood Bank-ah kalin an thisen hi an pe a ni.

DUDO thlahna hun hmang

UD&PA Department Serchhip-a District Urban Development Officer (DUDO) Dr. Albert Vanlalliantluanga chu Deputy Director (TP), Town & Country Planning Wing UD&PA hna chelh tura sawn a nih hnuah nimin khan DUDO Office chuan thlahna neiin Serchhip a chhuah-san dawn ta a, Serchhip DUDO thar tur hi dah ni rih lovin Settlement Officer Lalzikpuii chuan DUDO mawhphurhna hi a chelh rih dawn a ni.

Mipui zirtirna hun hmang

Serchhip-a Fire & Emergency Services te chuan nizan hmasa khan Serchhip khawpui chhung hmun hrang hrangah kangmei tichhuak lo tura inzirtirna an nei.

Parking Area siam thar

Serchhip SP Stephen Lalrinawma chuan thuchhuah siamin New Serchhip Area chhunga Parking Area tur a siam thar.

Hri kai enkawllai tlahniam

Serchhip District-ah COVID-19 hri kai en-kawllai an tlem ve zel a, nimin tlai thleng khan hri kai enkawllai mi 308 an la awm mek.

Computer Software hmanga ram leh hmunhma chhinchhiahna Serchhip District-ah kalpui a ni dawn

Computerization of Registration, National Generic Document Registration System (NGDRS) chu Serchhip District-a kalpui turin nimin khan Revenue Department changtu Minister Lalruatkima chuan a hawng a, he ruahmanna hnuaiah hian mipui ten ram an neih te Computer Software hmangin chhinchhiaha vawnthat a ni dawn a ni.

Ni khat-a hri kai hmuhchhuah tlahniam ve zel

Mizoram-ah COVID-19 hri kai hmuhchhuah thar tlahniam zelin niminpiah khan Mizoram-ah Sample 4034 enfiah niin heng atang hian hri kai mi 444 hmuh leh an ni a, Sample enfiah atanga za zela 11.01 te chuan hri an kai a ni.

C&I Minister in Bamboo Processing Factory leh Common Facility Centre a hawng

Commerce & Industries Department changtu Minister Dr R. Lalthangliana chuan nimin khan Zuangtui Industrial Estate-ah Bamboo Processing Factory leh Common Facility Centre a hawng.

Serchhip Mat Phai Zawlpui zau-ah ‘Khawl hmanga Buh seng runpui’ neih a ni

Image
Serchhip Mat phai Zawlpui zau Leilet-ah 'Khawl hmanga Buh seng runpui' chu nimin khan neih niin he hun hi Agriculture Minister C. Lalrinsanga leh Bialtu MLA Lalduhoma te chuan an hmanpui a, Agriculture Minister chuan Zawlpui zau-a bul lo tantute thawhrimna leh tumruhna fakin, an zarah Buh tharna hmun zau tak kan lo nei ta a ni, a ti.

District Jail dinhmun enfiah

Image
District Child Protection Unit (DCPU) Ser-chhip hnuaia Jail Inspection Team te chuan nimin khan Serchhip District Jail tlawhin Jail-a awm mek te zingah naupang, kum tlinglo an awm leh awmloh an enfiah.

Art & Culture Minister in Serchhip Kawlri tlang-a Chawngpuii Khawthlir a hawng

Image
Serchhip Heritage Society in Serchhip Kawlri tlang-a ‘Chawngpuii Khawthlir’ an sak chu nimin khan Art & Culture Minister R. Lalzirliana chuan a hawng.

Observer in Serchhip tlawh

Electoral Roll Special Summary Revision neih meka Serchhip District tana Observer tura ruat Zarzosanga, Revenue Department leh RD Department-a Secretary ni bawk chuan nimin khan Serchhip District rawn tlawhin Electoral Roll ennawn hna thawh mek te a rawn enfiah.

Serchhip in Medal 6 la

All Mizoram Karate Association (AMKA) buatsaih AMKA State Karate Championship vawi 24-na chu nimin khan khelh zawh niin Serchhip atanga kal Karate thiam te chuan Medal an la vek a ni.

Hri kai 93.17% dam tawh

Nimin tlai thleng khan Serchhip District-a COVID-19 hri kai hmuhchhuah chu 5112 an tling tawh a, hri kai hmuh atanga za zela 93.17 te chu enkawl dam an ni tawh.

Chanchin thar thenkhat :

CM in mi pawimawh kawm

CM in DoNER Minister a hmu

New Delhi-a cham mek Mizoram Chief Minister niminpiah tlai khan DoNER Minister G. Kishan Reddy chu a pisa-ah hmu in, Mizoram economy chungchang an sawidun.

Hri kai 398 hmuh belhin enkawlai sang li aiin tlem

Mizoram-ah ni khat-a COVID-19 hri kai hmuhchhuah zat a la tlahniam hret hret a, niminpiah khan Sample 3726 enfiah atangin hri kai mi 398 hmuh niin Sample enfiah atanga za zela 10.70 te chuan hri an kai a, nimin tlai ah khan hri kai enkawllai chu mi sang li aiin an tlem tawh zawk a ni.

Sports Minister in sawrkar laipui hotute a kawm

New Delhi-a cham mek Sports Minister Robert Romawia Royte chuan niminpiah khan Union Youth Affairs & Sports Minister Anurag Singh Thakur chu New Delhi-a a chenna In-ah kawmin, India ramin Sports-a hma a sawn zel dan turte an sawidun.

COVID dam tawh zingah Virus in an taksa a harsatna a siam engemaw zat hmuh an ni tawh

Tunhnaiah COVID vei dam tawh nia inhria, he virus in an taksa a harsatna a siam engemawzat damdawi Inah an hmuh tawh thu Civil Hospital Aizawl-a Medicine Specialist Dr. J. Lalramchhuanga chuan a sawi.

Mizoram-a COVID-19 hri leng dinhmun thlirhona neiin inthlahdah ala hun lo tih tarlan a ni

Nimin khan Health Minister Dr. R. Lalthangliana hovin SAD Conference Hall-ah Mizoram COVID-19 dinhmun thlirhona neih a ni.

Hri kai 33 hmuh belh leh

Nimin khan Serchhip District-ah COVID-19 hri kai mi 33 hmuhchhuah belh leh an ni.

Chetsual palh vangin boral?

Nimin tlai khan Lalthazova (43), Serchhip Hmar Veng chu a boral a, chetsual palh vanga boral nia rin a ni. Thudawn danin Lalthazova h/o Lalramchhani hi Serchhip Hmar Veng Lane chung ber a khawsa an ni a, nimin tlai khan an kawm-thlang (Orphanage Home lane) kawng chhak lamah hliam tuar-a hmuh niin Serchhip damdawi In panpui nghal a ni a, amaherawh chu chhan hman a ni ta lo thung a ni. Lalthazova hi a che-sual lai emaw hmu awm lo mah se mahni-a chesual palh leh an kawmthlang lama lum nia rin a nih thu kan thudawnna chuan a sawi bawk.

Hlawhfa rate siam thar

Serchhip Town Joint VC, NGO Coordination Committee leh Serchhip District Mistiri Association te chuan nimin khan Serchhip Kawnpui North VC Hall-ah Joint Meeting neiin Serchhip-a hlawhfa rate chungchang an sawiho a. He Meeting hian thla thar December 1, 2021 atanga hman tan turin Mistiri hlawh chu ni khat zelah Cement Mistiri Rs. 800/- aia sang lo leh Thing Mistiri Rs. 900/- aia sang lo turin an rel a. Hlawhfa rate chu ni khat zelah mipa Rs. 450/- aia sang lo leh Hmeichhia Rs. 400/- aia sang lo tura rel a ni bawk.

Zikhlum chi semchhuak

Tunhnaia Serchhip Mat phai-a tuilian in Nul neitute Zikhlum hmun a tihchhiat sak te tana bialtu MLA Lalduhoma’n Zikhlum chi a lei te chu Ser-chhip-a rawn lak a nih hnuah niminpiah khan Serchhip Agriculture & Horticulture Cooperative Society leh ZPM Thalai te chuan Zau hrang hrangah semin chhungkaw 135 hnenah sem a ni.

Serchhip P&E Veng in Boxer Vanlalringa lo hmuak

Serchhip atanga Professional Boxer hmasa ber Vanlalringa chuan a inhnek hmasak bera hnehna a chan hnuah nimin khan Serchhip rawn thlengin khawtlang huapa lo hmuah a ni.

Chanchin thar thenkhat :

Chief Minister in mi pawimawh te kawm chhunzawm

Mizoram-ah hri kai thar 400 leh dam thar 302 awm

Niminpiah khan Mizoram-ah Sample 4357 enfiah leh niin heng atang hian COVID-19 hri kai mi 400 hmuhchhuah belh leh an ni a, Sample enfiah atanga za zela 9.20 te chuan hri kai ang an ni.

JAC on ILRFD ten CM hnenah ngenna an thlen

Joint Action Committee on Inner Line Reserved Forest Demand-in Assam Forest Department-in a enkawl mek Square Mile 509 Inner Line Reserved Forest leh kum 1972 atanga Mizoram hnena Chhiah an pek tak loh dil let leh tura an ngenna chu tunkar chhunga enzui sak tur leh hmala turin Chief Minister Zoramthanga an ngen.

MSEA in Supply Minister chawimawina hlan

Mizoram Supply Executive Association (MSEA) chuan Suppy Minister K. Lalrinliana hnenah nimin khan chawimawina thuziak an hlan.

Mizoram-ah politics kalphung thar chhuakin mi chi hnih kan awm ta - K. Sapdanga

ZPM Working President K. Sapdanga chuan Mizoram-ah politics kalphung thar chhuakin mipuite zingah mi chi hnih kan awm ta tih a sawi.

State pahnih CM ten inbiakna an nei dawn

Mizoram Chief Minister Zoramthanga leh Assam Chief Minister Himanta Biswa Sarma te chu State pahnih ramri buai chinfel tumin zanin hian Delhi-ah an inbe dawn.

Bairabi - Sairang Rel kawng siam turah hnathawh tur lian zingah 65% zawh a ni tawh

North East Frontier Railway (NFR) hotute chuan nimin khan Mizoram Governor Dr. Hari Babu Kambhampati chu Raj Bhavan-ah hmuin Bairabi leh Sairang inkar Rel kawng KM 51.38-a thui siam mek chungchang an sawiho a, he hunah hian hnathawh tur lian tham deuh chu zaa 65 (65%) zawh a ni tawh tih tarlan a ni.

Selam-ah SRDC Rest House sak thar hawng

Sialkal Range Development Council (SRDC) Fund kaltlanga cheng nuai 28 senga Selam-a SRDC Rest House sak chu nimin khan Health & Family Welfare Board Vice Chairman Dr. Z.R Thiamsanga chuan a hawng.

Deputy Speaker in hri hluarna Sialhau a tlawh

Tuikum bialtu MLA leh Assembly Deputy Speaker Er. Lalrin-awma chuan a bial chhunga hri in a tihbuai, Sialhau khua chu nimin khan tlawhin VLTF hruaitute nen inkawmna an neih bakah hri kai te enkawlna hmun a tlawh bawk.

East Lungdar Wrestling Club din thar

Serchhip District Wrestling Association hnuaia E. Lungdar Wrestling Club te chu hun engemaw chen an chawlh lailawk hnuah nizan khan Mizoram Wrestling Association kaihhruaina in din thar leh a ni.

Serchhip tlangval pathum telna Mizoram Team in Manipur pan dawn

Serchhip tlangval pathum telna Santosh Trophy khel tur Mizoram Team te chuan Vawiin hian Mizoram chhuahsanin Imphal (Manipur) an pan dawn ta.

Pawl Kut hman dan tur rel

Kumin a Serchhip-a Pawl Kut hman dan tur ngaihtuah in nimin khan Organising Committee chu Serchhip Sub-Hqrs. YMA Committee Room-ah thukhawmin Pawl Kut hman dan tur tlangpui an duang.

Mi 7 te Ex-gratia pe tawh

Nimin thleng khan Serchhip District-a CO-VID-19 vanga boral te chhungte mi 7 hnenah ex-gratia pekchhuah a ni tawh.

Hri kai mi 17 hmuh belh leh

Nimin khan Serchhip District-ah COVID-19 hri kai mi 17 hmuh belh niin mi 68 te enkawl dam an ni thung.

Kan aiawha roreltu kan thlan thin kan ngaihhlut zel a pawimawh - District Bawrhsap

Serchhip District Election Officer leh District Bawrhsap Kumar Abhishek chuan mipuiten langtlang taka kan aiawha roreltu kan thlang thin chu a hlu em em tih sawiin, he kalphung hlu leh zahawm tak hi vote thlak thintu mipuiten kan ngaihhlut zel a pawimawh a ni, a ti.

District Level Coordination Committee on FOCUS in an hmalakna thlirletna hun an hmang

Nimin khan Serchhip-ah District Level Coordination Committee on FOCUS (Fostering Climate Resilient Upland Farming System) chu thukhawmin an hmalakna hrang hrangte an thlirlet a, he hun hi Aizawl lam atangin Mid-Term Review Monitoring Team ten an rawn tel pui bawk a ni.

Chanchin thar thenkhat :

MLA hlui C. Ramhluna vuiliam

Mizoram-a hri kai hmuh thar tlahniam leh hret

Thawhtanni khan Mizoram-ah COVID-19 hri kai hmuhchhuah thar tlahniam hretin Sample enfiah 4914 atangin hri kai mi 423 hmuh an ni a, Sample enfiah atanga za zela 8.61 te chuan hri an kai a ni.

KMMTTP peihfel thuai dan tur Governor in sawipui

Mizoram Governor Hari Babu Kambhampati chuan nimin khan Mizoram PWD leh Revenue hotulu te chu Kaladan Multi-Modal Transit Transport Project (KMMTTP) chungchang a sawipui.

Nikum aiin kumin ah Malaria vei tlahniam

Mizoram-ah nikum (2020) aiin kumin (2021)-ah January atanga October thla chhunga Malaria vei zat chu za zela 46.9% laiin a tlahniam.

CM in Home Minister kawm

New Delhi-a cham mek Mizoram Chief Minister Zoramthanga chuan niminpiah tlai khan Union Home Minister Amit Shah chu a chenna In ah hmuin Mizoram mamawh hrang hrang a thlen.

MZP in an hmalakna tur hrang hrang an puang

Mizo Zirlai Pawl (MZP) General Hqrs. hruaitu thar te chuan nimin khan Aizawl-ah thuthar thehdarhtute kawmin an hmalakna tur hrang hrang te an sawi.

Jail tang tlawh theih tawh

COVID-19 hri leng avanga Mizoram-a Jail hrang hranga tang te tlawh theihna hun khar rih tak chu hri leng in ziaawm lam a pan tak avang leh sawrkar in inkaihhruaina a thlahdul avangin tun thla ni 17 atang khan Jail tang tlawh theihna hun hi hawn leh tan a ni a, hemi ang hian Serchhip District Jail-a tang te pawh tlawh theih a ni leh tawh a ni. Jail tang te hi Thawhtanni, Nilaini leh Zirtawpni-ah te zing dar 9:00 atanga tlai dar 3:00 inkarah kan theih niin tang kan tur chuan Face Mask vuah tur a ni a, ft. 6 aia hnai ah inbiak phal a ni lo thung.

Bialtu MLA in Zikhlum chi pe

Tunhnaia Serchhip Mat Phai-a tuilian in Thlasik thlai chingtute Zikhlum hmun a tihchhiat sak a hmuna a rawn tlawh hnuah Serchhip bialtu MLA Lalduhoma chuan Thlasik thlai chingtute harsatna sutkianna atan Zikhlum chi bur 100 zet leiin Serchhip-a an Party hruaitute hnenah a hlan a. Heng Zikhlum chi te hi Serchhip-a chin thin ang tho nia thudawn niin bur khar hi gram 100 a rit niin Rs. 3000/- man zel a ni a, a chi hi zaa za tiak thei tura ngaih niin ruahtui ngam, ruh tha leh tawih har-a ngaih a ni a, tukin hian a sem dan tur chungchang sawihona neiin Vawiin vek hian sem nghal theih tura ngaih a ni.

Serchhip District-ah Bawnglian 332 awm mekin bawnghnute tharchhuah tihpun tum a ni

Tun dinhmunah Serchhip District AH & Vety Officer huamchhungah Bawnglian vulhlai 332 a awm anga chhinchhiah niin Bawngpui hnute sawr lai erawh a tlem avangin Bawnghnute tam zawk tharchhuak thei turin hmalak tum a ni.

Pik-up chesual-ah mi 6 thi

Nimin zing khan Aiduzawl atanga Rabung pana kal Pik-up Truck pakhat chu chesualin mi 6 in an thih phah a, mi 11 ten hliam an tuar bawk.

Karate khel turte zinchhuak

All Mizoram Karate Association (AMKA) buatsaih AMKA State Level Championship vawi 24-na chu naktuk atang khian Dawrpui Multipurpose Hall-ah neih a ni dawn a, Serchhip District aiawh tur mi 6 te chuan nimin khan an President, H. Sanghmingliana hovin Aizawl an pan.

Motor dahna tur leh dah phal lohna siam thar a ni

Serchhip khawpui chhunga Motor dahna tur leh dah phallohna hmun te siam thar a ni.

Chanhcin thar thenkhat :

MZP in hnathawh enzui dawn

Pathianni-ah COVID-19 hri kai 212 hmuh an ni

Pathianni khan Mizoram-ah COVID-19 hri kai mi 212 hmuh belh leh an ni a, hri kai hmuhchhuah hi tlem mah se Sample enfiah 1098 atanga chhut chuan za zela 19.31 zet a tling a ni.

BRO buatsaih India ram pum fangchhuak tur Motorcyle Expedition Sports Minister in a vailiam

India ramin zalenna a hmuh kum 75-na tlin lawmna kal mek, Azaadi Ka Amrit Mahotsav lawmna peng chikhat atana Border Roads Organization (BRO) in India ram pum fangchhuak tur Motorcyle Expedition an buatsaih, Project Pushpak in Mizoram chinah an huaihawt chu Pusphak Primary School, Falkand atangin nimin khan Sports Minister Robert Romawia Royte chuan a vailiam.

December thla ah Zofate Haw runpui neih tum a ni

Zoram Thar chuan ‘Zofate Haw Runpui/Hnam Inkhawmpui Thianghlim’ chu December 16-18, 2021 chhunga neih turin an rel.

Mizoram Governor in MHIP hruaitute a kawm

Mizoram Governor Hari Babu Kambhampati chuan nimin khan Mizo Hmeichhe Insuihkhawm Pawl (MHIP) General Hqrs. hruaitute chu Raj Bhavan-ah kawmin MHIP hruaitute chuan an hmalakna te hrilhin Mizoram tana thil pawimawh zual te an sawipui bawk.

Swadesh Darshan Scheme-II hnuaia hmalakna chhui turin Lok Ayukta-ah complaint thehluh a ni

Swadesh Darshan Scheme-II hnuaia Mizoram Tourism hmasawnna tura hmalakna hrang hrangah thil dik lo leh fel tawk lo a awm ngei nia a lan avangin MNF Vigilance Department leh MNF Legal Board-te hmalakna in nimin khan Mizoram Lok Ayukta-ah complaint thehluh a ni.

Santosh Trophy atan ko leh

Mizoram Football Association (MFA) chuan Santosh Trophy khelh tur atan Serchhip District atangin Eric Remruatpuia s/o C. Lalsawm-liana, Serchhip Field Road chu an rawn koh belh leh a, heti hian kumin a Santosh Trophy khelh turah Mizoram Team atana koh zingah Serchhip Footballer mi pathum an awm ta a ni.

Hri kai sang nga aiin tam ta

Serchhip District-a COVID-19 hri kai hmuh tawh zawng zawng chu mi sang nga aiin an tam ta.

CM in Union Minister of State for DoNER a hmu

New Delhi-a cham mek Chief Minister Zoramthanga chuan nimin khan Union Minister of State for DoNER and Cooperation BL. Verma chu a Pisa-ah hmuin, ei leh bara hmasawn tura Mizoram mamawh hrang hrangte a thlen.

Vawk thi 3889 tling tawh

Vawk hri leng, African Swine Fever (ASF) vangin Serchhip District-a Vawk thi chu 3889 an tling tawh. AH & Vety Department chhin-chhiahna atanga a lan danin Inrinni khan Sialsir khua ah ASF vang hian Vawk thi pakhat awm lehin nimin-ah erawh Vawk thi hi a awm belh lo thung a, heti hian Serchhip District-a ASF hri lenna khaw 35-a Vawk thi chu 3889 an tling ta a, heng khaw hrang hrangah hian Vawk 3040 zet suat a ni  tawh bawk a ni.

Kum upa TT-a inelna zofel

Mizoram Table Tennis Association (MTTA) in an buatsaih kum 40 chunglam te Table Tennis inelna ‘Mizoram Masters Meet’ chu Inrinni khan North Vanlaiphai-ah khelh zawh a ni.

Serchhip District aiawh tur Boxer 34 thlan an ni

Tun thla ni 29 atanga Serchhip-a 42nd Mizoram Boxing Championship neih tura Serchhip District aiawh turte thlanna chu Inrinni khan neih a ni.

Tuilian in Mat phai-a harsatna a thlen te a hmunah Bialtu MLA in a tlawh

Tunhnaia ruahsur nasa avanga Mat lui leh a fintu kawr lui lian in Serchhip Mat phai-a Buh leh thlai chinna hmun a tihchhiat te chu Inrinni khan Serchhip bialtu MLA Lalduhoma chuan a hmunah a tlawh.

Chanchin thar thenkhat :

Hmalakna tichhe turin ti

Hri kai hmuh tlahniam hret

Inrinni khan Mizoram-ah Sample 3133 enfiah leh niin COVID-19 hri kai mi 437 hmuh an ni a, Sample enfiah atanga za zela 13.95 te chuan hri an kai a ni.

NE Education Conclave-ah Mizoram mamawh thlen

India Hmarchhak State Education Minister-te thutkhawm, North East Education Conclave chu Inrinni khan Gauhati Medical College & Hospital Auditorium, Bangagarh-ah neih a ni a, Mizoram atangin School Education Minister Lalchhandama Ralte chu a tel a ni.

All India Cooperative Week vawi 68-na kharna nei

All India Cooperative Week vawi 68-na kharna inkhawm chu Inrinni khan Aizawl-a Dawrpui Multipurpose Hall-ah neih a ni.

Faina ah Mizoram in Award pathum a dawng

Ministry of Housing and Urban Affairs hnuaia Swachh Bharat Mission (Urban)-in kum tina a buatsaih thin India ram khawpui fai endikna, Swachh Survekshan 2021 lawmman semna 'Swachh Amrit Mahotsav' chu Inrinni khan New Delhi-a Vigyan Bhavan-ah neih a ni a, Mizoram in lawmman pathum lai a dawng a ni.

Treasury sum pek chhuah theih zat tlahniam

Mizoram-a Treasury lian ber Aizawl South Treasury in ni khat a pawisa a pekchhuah theih zat (ceiling) chu cheng nuai 130 a nih laiin, tun dinhmuna ni khata an pek chhuah theih zat chu cheng nuai 65 a ni.

Tripura-a inbenbel thlang Bru mi thenkhat ten Mizoram-a rawn let leh dan an dap mek

Tripura Relief Camp a awm, Mizoram chhuahsan a Tripura-a inbenbel thlang fel tawh mi engemaw zat te chuan Mizoram a rawn let leh dan kawng an dap mek a, chung mite chuan Tripura mite leh Bengali te nen a inmil theih loh vanga rawn let duh angin an insawi nia thudawn a ni. 

YMA in lawmthu an sawi

Serchhip Sub-Hqrs. YMA chuan Serchhip bialtu MLA, Lalduhoma hnen atanga Oxygen Concentrator an dawng chu lawmawm an tih thu nimin-a SEC thutkhawm an neih ah sawiin, damlohna vanga he khawl hmang mamawh te tan a thlawnin tum khat-ah ni 14 (chawlhkar hnih) chhung hman theih nise an ti a, a hmangtute tana kaihhruaina pawh siam nghal a ni bawk.

Hri kai hmuhchhuah sang nga tling dawn hnai

Serchhip District-ah COVID-19 hri kai hmuhchhuah chu mi sang nga an tling dawn hnai ta a, hri kai enkawl dam pawh an pung ve zel.

Central YMA hruaitu thlanna neih tura Vote zawnga tawktar siam dawngsawng lo turin chah

Serchhip Sub-Hqrs. YMA chuan Central YMA hruaitu thlanna lo awm tura an huamchhunga YMA Branch leh Group te chu Vote zawnga tawktar siama rawn bia an awm a nih chuan lo dawngsawng lo turin an chah.

Cricket Coaching tan a ni

Serchhip District Cricket Association in an buatsaih kum 18 hnuailam tana Cricket khelh dan zirna chu nimin khan Serchhip P&E Veng a Leisekawt Mual-ah neih tan a ni a, Mizoram Cricket Association (CAM) in an rawn tirh Lal-ruatsanga (Atea) chuan zirtirna a pe a ni. He hunah hian kum 18 hnuailam mi 18 an tel a, tun thla ni 30 thleng khian nitin hun hman tura ruahman niin tun tumah hian Cricket zir duhte tan hian sum chawi ngai lovin zir theih a ni.

Faina kawnga ke pen theuh turin mipuite sawm

Serchhip District Urban Development Office chuan faina lama ke pen theuh turin mipuite an sawm.

DAN ANGA FA LAK (LEGAL ADOPTION)

DAN ANGA FA LAK (LEGAL ADOPTION)

Chanchin thar thenkhat :

Dr. ZR. Thiamsanga’n hawng

COVID-19 hri kai 497 hmuhchhuah belh an ni

Niminpiah khan Mizoram-ah COVID-19 hri kai 497 hmuh leh niin heng te hi Sample enfiah 3692 atangin a ni a, Sample enfiah atanga za zela 13.46 te chuan hri an kai a ni.

Siaha tana tui lakna thawmthatna hawn a ni

Cheng nuai 782.76 senga Siaha tui lakna thawmthatna tur an siam, Augmentation of Urban WSS, Siaha chu nimin khan Social Welfare Minister Dr. K. Beichhua chuan a hawng.

Deputy CM in MFASA Conference a hmanpui

Mizoram Finance and Accounts Service Association (MFASA) chuan niminpiah khan Aijal Club-ah Annual General Conference vawi 26-na hmangin Deputy Chief Minister Tawnluia chuan a hmanpui a ni.

C&I Minister in Mizoram a Industrial Unit-te khaichhuahna tura a bik taka tanpuina pe turin a ngen

Commerce & Industries Department changtu Minister Dr. R. Lalthangliana chuan Mizoram chu hripui in a nuai nat ber zinga mi a nih avangin Industry tenau (Micro Enterprises) te’n an tuar nasa em em tih sawiin, Mizoram a Industrial Unit-te khaichhuahna tura a bik taka tanpuina pe turin a ngen.

Hri kai 60 hmuh belh leh

Nimin khan Serchhip District-ah COVID-19 hri kai mi 60 zet hmuhchhuah belh leh an ni.

Vawk talh phalna tihchhuah a ni leh ta

Serchhip District-a African Swine Fever (ASF) hri lenna khaw hrang hranga Vawk talh chungchang khapna siam chu tih danglam niin khaw pali tihloh ah chuan Vawk talh phal a ni ta.

Hri leng dona atan inpe

Serchhip District-a COVID-19 hri leng mek dona kawnga a tul anga thawk turin nimin khan Ngurthansangi d/o C. Lalrammawia, Serchhip Hmar Veng chu nimin khan Serchhip CMO Office-ah a inpe a, amah hi APT Aizawl atanga Laboratory Technician zir zo hlim niin Serchhip a Sample Collection Team-ah dah nghal a ni a, nimin atang khan Sample lakkhawm hna thawkin a hna a thawk nghal a ni. Heti hian Serchhip District-ah COVID-19 hri leng dona kawnga hlawh beisei lova thawk tura inpe mi 30 an la awm mek nia thudawn a ni.

EMRS-ah hri kai mi 17 hmu

Serchhip Kawlri tlang-a Eklavya Model Residential School-a zirlaite chu nimin khan an Sample enfiah sak niin COVID-19 hri kai mi 17 zet hmuh an ni.

Baktawng-ah Vawk 11 thi leh

Serchhip District chhung khaw hrang hrang ah African Swine Fever (ASF) vanga Vawk thi a ziaawm chhoh mek laiin nimin khan Baktawng khua ah ASF vangin Vawk thi 11 zet a awm leh a, heng zinga 8 te hi vawk note a ni thung. Bak-tawng khua ah hian ASF vangin Vawk 115 zet a ni tawh a, Serchhip District chhung khaw 35-ah ASF vanga Vawk thi chu 3887 a tling tawh bawk a ni. Serchhip District chhungah hian ASF vanga Vawk suat erawh a awm belh tawh rihloh thung a, hri lenna hmunaah Vawk 3040 suat ni tawhin hri lenna hmuna puan ni lo khaw dang ah Vawk thi 64 chhinchhiah a awm bawk a ni.

Damdawi In faina enfiah

Sawrkar laipui ruahmanna anga Mizoram District hrang hranga damdawi In fai thlanna, Kayakalp kalpui leh mekah nimin khan Ser-chhip District Hospital chu kumin atan rawn enfiah leh a ni a, he endik hna hi Lunglei damdawi In-a thawktu ten rawn neiin Serchhip damdawi In-a Ward hrang hrang leh building bakah room hrang hrang an enkawl dan te enfiah niin thawktute pawh zawhna te an zawt nghal bawk a ni. Damdawi In fai thlanna ah hian District hrang hranga thawktute inkalthelh in enfiah a ni a, Serchhip District chuan Siaha District Hospital an enfiah ve thung ang.

Mizoram pum huap Boxing inelna Serchhip-ah nei dawn

Mizoram State Boxing Championship 2021 chu tun thla ni 29 atang khian Serchhip-ah khelh a ni dawn a, hemi chungchang ngaihtuah hian nimin khan Serchhip-ah Organising Committee chu an thukhawm.

COVID-19 hri kai 570 leh dam 525 an awm belh

Niminpiah khan Mizoram-ah Sample 4298 enfiah leh niin heng atang hian hri kai 570 hmuh leh an ni a, Sample enfiah atanga za zela 13.26 te chuan hri an kai a ni.

Hnahthial-ah AVBD Branch thar hawn a ni

Nimin khan Hnahthial-ah Association for Voluntary Blood Donation (AVBD) Branch thar hawn a ni.

Minister hovin Agriculture Department hmalakna thlirho

Agriculture Minister C. Lalrinsanga hovin nimin khan a Pisa-ah Mizoram pum huapa Agriculture Department hnuaia hmasawnna hmalakna kalpui mek te thlirho a ni a. Mizoram-a Agriculture tih hmasawnna tura hmachhawp hrang hrang te pawh sawiho a ni bawk.

Mizoram-a Nauban vawn-a zirna hmun tur hawn a ni

Mizoram-a Nauban awmte vawnthata an chanchin zirna hmun tur, Mizoram Orchid Centre chu nimin khan Maubuang-ah Rural Development Department changtu Minister Lalruatkima chuan a hawng.

Mizoram Larsap in Mizoram Upa Pawl hruaitute Raj Bhavan-ah a kawm

Mizoram Governor Dr. Hari Babu Kambhampati chuan nimin khan Mizoram Upa Pawl (MUP) hruaitute chu Raj Bhavan-a lengah sawmin inkawmna an nei.

Lok Sabha MP in Project nawr kal kawngah theihtawp chhuah turin Mizoram Larsap a ngen

Mizoram Lok Sabha MP C. Lalrosanga chuan nimin khan Raj Bhavan-ah Mizoram Governor Dr. Hari Babu Kambhampati chu kawmin Sawrkar laipui atanga Gross Budgetary Support hnuaiah Project thenkhat hmanhmawhthlak te a awm avangin a nawr kal kawngah theihtawp chhuah turin Governor chu a ngen.

Chanchin thar thenkhat :

Raltlan tanpuina semchhuak

Vawk 4 thih belh leh

Nimin khan Serchhip District-ah African Swine Fever (ASF) vangin Vawk pali lai a thi leh a, heng Vawk thi te hi Baktawng leh Sialsir khua ah Vawk pahnih ve ve te an ni a, Baktawng ah hian Vawk 104 thi tawhin Sialsir khua ah hian Vawk 61 a thi tawh bawk a, Serchhip District-a ASF vanga Vawk thi zawng zawng chu 3876 an tling tawh a ni.

ISL-ah Mizo Footballer 26 inlan dawn

India rama Football League sang ber, Indian Super League (ISL) 2021-2022 Season chu tunkar Zirtawpni khian khelh tan a ni dawn a, Mizo Footballer 26 zet an tel dawn a ni.

Serchhip District atanga a hralhna hre sa-a Tomato tharchhuah theih dan tur sawihona neih a ni

Kuthnathawktu ten hralhna tur hre sa a thlai an chin theihna tura hmalak dan sawihona chu nimin khan Serchhip-a Horticulture Department buatsaihin neih a ni a, he hunah hian sawrkar lam hotute leh Serchhip District chhunga thlai chingtute bakah thlai hralhna lam buaipuitu Farm Cart aiawhte pawh an tel a ni.

Leilet neitute harsatna enpui

MJA Serchhip District Member te chuan nimin khan Agriculture Department hotute nen tunhnaia ruahsur nasa avanga Mat lui lian in Mat phai-a kuthnathawktute tana harsatna a thlen dan te a hmunah an tlawh.

Union Minister rawn zin dawn

Union Minister of State for Statistcs and Planning Rao Inderjit Singh chuan zan 4 riak turin Mzoram a rawn tlawh dawn a, a hun tam zawk chu Serchhip District-ah a hmang dawn a ni.

Hri kai thar 459 leh enkawl dam 254 awm belh

Niminpiah khan Mizoram-ah Sample 5174 enfiah leh niin heng atang hian COVID-19 hri kai 459 hmuh leh an ni a, Sample enfiah atanga za zela 8.87 te chuan hri an kai a ni.

Khawchhak tlangdung Eng pekna tur hawn a ni ta

P&E Department changtu Minister R. Lalzirliana chuan Serchhip Bukpui leh Khawzawl thlunzawmtu 132kV Line leh East Lungdar-a 132 kV Sub-Station te chu nimin khan East Lungdar-ah a hawng.

Governor in Central YMA hruaitute a kawm

Mizoram Larsap Dr. Hari Babu Kambhampati chuan Central YMA hruaitute chu nimin khan a chenna Raj Bhavan-a leng-ah sawmin YMA kalphung leh ram tana an rawngbawlna chungchang a sawipui.

State Boundary Committee thutkhawm neiin ramri-ah hmasawnna hnathawh chhunzawm a ni

Mizoram State Boundary Committee thutkhawm vawi 3-na chu nimin khan an Chairman, Deputy Chief Minister Tawnluia hovin neih a ni.

Chanchin thar thenkhat :

BaLA Anganwadi hawng Central Warehousing Corporation, Guwa-hati atanga Corporate Social Responsibility (CSR) kaltlanga ruahman Lunglei khawpui chhunga ‘BaLA Anganwadi Centre’ pahnih, Pukpui I & II Centre te chu nimin khan Lunglei District Bawrhsap Kulothungan A chuan a hawng a, naupan tet laia inzirtirna leh inkaihhruaina (early childhood education) a pawimawh thu sawiin, ‘BaLA Anganwadi Centre’ te chu khawtlang tana kawng hrang hranga hmasawnna thlentu anih ngei a beisei thu a sawi bawk. BALA (Building as Learning Aid) Anganwadi Centre’ hmalakna hnuaiah hian Anganwadi Centre thlanchhuah ah te naupangte zirna kawnga puitu (learning aid) hrang hrang ruahman sak niin a building-ah hian lemziak thiam ten naupang hriat tur leh an rilru kaihruai tur pawimawh hrang hrang an ziah chhuah bakah naupang infiamna leh furniture thar te ruahman niin Centre tinah thlai chinna hmun te siam a ni. Ruantlang-ah In pakhat chim Tunhnaia ruah sur nasa avanga leimin vangin nimin zing dar 7:30 vel kh