ISL-ah Mizo Footballer 26 inlan dawn

/

India rama Football League sang ber, Indian Super League (ISL) 2021-2022 Season chu tunkar Zirtawpni khian khelh tan a ni dawn a, Mizo Footballer 26 zet an tel dawn a ni.

Team 11 awmna ISL hi nakum March thla thleng khelh tur niin Match hmasa berah ATK Mohun Bagan leh Kerela Blasters te an intum dawn a, tunah hian Team tin ten an Squad puang tawhin ATK Mohun Bagan tih lohah chuan Mizo an tel vek a, Northeast United leh Odisha-ah te an thahnem zual a ni.

Odisha hian Mizo 8 ngawt lain an zingah hian Serchhip tlangval Daniel Lalhlimpuia pawh a tel a, Northeast United-ah mi 6 awmin Chennaiyin FC, Hyderabad FC leh Jamshedpur-ah pahnih theuh awmin Hyderabad FC-ah hian Serchhip P&E Veng tlangval Mark Zothanpuia a tel bawk a. Bengaluru FC, East Bengal, Goa, Kerala Blasters leh Mumbai City FC-ah Mizo pakhat theuh an awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »