Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chief Secretary in Hnahthial District a tlawh

Mizoram Chief Secretary Dr. Renu Sharma chuan Inrinni khan Hnahthial District tlawhin District leh khawtlang hruaitute nen inkawmna an nei.

Hnahthial District tlawhtu Chief Secretary hi KVK Training Hall-ah Hnahthial District Bawrhsap R. Lalremsanga hovin Head of Offices te, Hnahthial District VC Association te, NGO hruaitu leh MJA nen inkawm hona hun neih niin Chief Secretary Dr. Renu Sharma chuan Chief Secretary a nih hmaa Mizorama a awm tawh thu te, tun tum a lo kalnaah Mizoram-ah hmasawnna nasa tak thleng a hmuh thu sawiin, lawmawm a tih thu pawh a sawi a, a bik takin District thar pathum te engtiangin nge sawrkarin a kalpui tih hriat a duh avangin Hnahthial pawh tlawh a nih thu a sawi a. District Officer te chu ram rawngbawla an hnathawhna kawngah mipuite tan theihtawp chhuah tura chahin, harsatna an neih te Bawrhsap Office kaltlangin a hnena thlen thin tur leh tih theih a neihna zawnah chuan theih tawp chhuahpui a inhuam tih a sawi a ni.

Dr. Renu Sharma chuan Covid-19 in min tibuai nasa em em tih sawiin, hmasawnna pawh duh angin a kal chak thei lova, a pawi hle a ni, a ti a. COVID-19 vaccine pek kawngah Hnahthial District chu a titha pawl tak in nih avangin a lawmawm a tih thu pawh sawiin, District mipui za-a za in kumin chhung ngeia COVID-19 vaccine an lak theih nan tan la sauh sauh turin a chah a. Officer te, khawtlang hruaitute, Khhran hruaitute leh NGO te pawhin vaccine lak chungchangah mawhphurhna an nei ve tih sawiin, Hnahthial District chu District hmasawn tak ni turin duhsakna a hlan bawk.

Hnahthial DC Office-a SDC Jennifer Vanlalhruaii Pachuau kaihhruai he hunah hian District Bawrhsap R. Lalremsanga chuan Hnahthial District dinhmun tlangpui power point presentation hmangin a entir a, hemi hnu hian Dr. Lalrengpuii Ralte, Medical Officer pawhin Hnahthial District COVID-19 dinhmun a entir bawk.

Chief Secretary hian KVK, Horticulture, Sericulture leh Agriculture Department in an thil/thlai thar an phochhuah te a tlawh bakah Hnahthial District chhunga hmasawnna hna thawh, School of Agriculture Science building sak mek te, District Hospital leh Bawrhsap office te a tlawh hnuah Aizawl panin a haw leh nghal a ni.

Comments

Popular News (Last 30 Days)