NHM hnuaia thawktu te nuarin Pisa an kai duhlo Serchhip-ah pawh nawrhna hi lo zawm a ni

Mizoram-a National Health Mission (HNM) hnuaia thawktute chuan nimin atang khan sawrkar-a an thilphut tih hlawhtlin ngiata nawrhna huaihawtin Pisa an kai duh lova, Serchhip District-a NHM hnuaia thawktute pawhin he nawrhna hi zawmin hnathawh kawng hrang hrangah harsatna a thleng dawn niin a lang.

National Health Mission huaia thawk intelkhawmna, National Health Mission Employees Union Mizoram (NEUM) hian tun thla ni 9 khan thuchhuah siamin sawrkar-a an thilphut hrang hrangte an tarlan bakah tun thla ni 15 thlenga sawrkara atanga thu lawmawm an dawn loh chuan nawrh loh chu tih theih nei-a an inhriat loh thu an lo sawi tawh a, an huntiam chhunga thu lawmawm an dawn loh avangin nimin atang khan tiamchin awm lova nawrh hi kalpui tanin Pisa an kai lo a, Health Department hnuaia hnathawh hrang hrang te pawh a khaihlak phah a ni.

NHM hnuaia thawk te nawrhna hi Serchhip CMO Office leh DMS Office-a NHM a thawktute pawhin thlawpin nimin atang khan Pisa an kai lova, Serchhip-a NHM hnuaia thawktute chuan Serchhip District chhungah NHM hnuaia thawk mi 220 vel an awm thu sawiin, tun tuma nawrh an huaihawt avang hian Department hna kallai tam tak a khaihlak dawn thu an sawi a. A bik takin thingtlang zawka CHC, PHC, Sub-Centre leh Health and Welness Centre ten harsatna an tawk nasa zual dawn tih sawiin, nimin lamah pawh thingtlang lamah chuan nau nei mai tur zingah harsatna tawk nghal an awm thu an sawi a. Amaherawh chu mihring nunna chan mai theihna thil-ah chuan in hriatthiamna an neih thu an sawi bawk.

Tun tuma nawrhna hian COVID-19 hri leng dona ah pawh nghawng a nei dawn niin a lang a, Labnoratory-a thawktu tam tak te chu NHM hnuaia thawk niin Sample Test leh Report siam thlengin harsatna a awm nghal dawn niin a lang a, Serchhip CMO Dr. Laldawngliana chuan a tul angin Volunteer ten Sample test an kalpui tur thu sawiin, amaherawh chu report siam leh thawn erawh kalpui theih a nih dawnloh thu a sawi. Serchhip damdawi In OPD lamah pawh harsatna thlengin Test tam tak kalpui theih a ni dawn lova, Serchhip Hospital-a thawktu zinga hmun thum-a then-a hmun khat vel chu NHM hnuaia thawk an ni.

Comments

Popular posts from this blog

Volleyball S/F khel dawn