Tun thla November ni 7-a Mizoram Legislative Assembly inthlan vote thlak ni-a Aizawl South-III huamchhung, Muallungthu Polling Station-a Presiding Officer Lalremmawia Colney lakah FIR thehluh a ni.
Mizoram Governor Dr. Hari Babu Kambhampati chuan tunlai khawvel hmasawnna sang zelah sum leh pai, ei leh bar bakah mahni bil hmasawnna tura kan intlansiak nasat avangin rilru lamah nasa takin mihringte hriselna a tlahniam mek tih a sawi.
Myanmar ram-a mipui tangrual pawl ten Rihkhawdar leh Khawmawi-a Sipai Camp an lak hnua Mizoram-a rawn tlanchhia Myanmar sipai te chu nimin khan Hnahlan atangin Indian Air Force (IAF) Helicopter hmanga Myanmar lama hruai haw an ni.
Tun thla ni 13-a Goa-a neih zawh tak National Games vawi 37-na a Mizoram tana Medal latute lawmpuina hun chu nimin khan Mizoram Olympic Association (MOA) chuan Ajal Club-ah an buatsaih a, Medal la te hi lawmpuina pawisafai hlan an ni.
Zirlaite Scholarship 2nd Installment pekchhuah har a nih avanga lungawi lohna lantir nan leh Scholarship sum pekchhuah vat phutin nimin khan Aizawl-a Mizoram Scholarship Board (MSB) Office tual-ah zirlaite an pungkhawm a, an hmalakna in awmzia a neih loh avangin Vawiin hian punkhawm hi neih leh tum a ni.