Tuivawl Lei dawh thar P&E Minister in a hawng
Saitual leh Phullen inkar Tuivawl lui-a Built-Up Steel Girder Lei dawh thar chu nimin khan bialtu MLA leh P&E Minister, R. Lalzirliana chuan a hawng.
Lok Sabha MP in Model Village atana a thlan tlawh
Lok Sabha MP, C. Lalrosanga chuan nimin khan Sansad Adarsh Gram Yojana (SAGY) hnuaia Model Village atana a thlan, Muallungthu khua tlawhin khawtlang hruaitute nen an khawtlang hmasawnna tura hmalakna tur hmunhma hrang hrang enin inkawmna an nei bawk.
Zirna In 10-ah Library
Siaha DC Office in Project a duanchhuah, Kawngkawhhmuhtu (Our Children, Our future) te bultumin nimin khan Siaha-a Govt. HSS-ah Launching Programme of Library in selected Schools hun hman a ni a. He hunah hian zirna In 10-ah Library hawn a ni.
Vantlang inthiarna hawng
Nimin zing khan PHE Department hnuaia Swachh Bharat Mission (Gramin) hmalaknaa E. Lungdar WATSAN Committee-in E. Lungdar Bazar kawn-a Vantlang inthiarna hmun tur an siam, Community Sanitary Complex chu Er. F. Lalsanglura, Sr.EE, PHED, Serchhip chuan a hawng.
Chief Minister in Union Minister hrang hrang kawm chhunzawm zel
New Delhi a cham mek Chief Minister, Zoramthanga chuan nimin khan Union Minister of Textiles, Smriti Zubin Irani-i chu a Pisa-ah hmu in, Mizoram leh India hmarchhak state dangte a Geotechnical Textile hman chungchang a sawipui.
Naupang 5709 hri danna pe
Serchhip District chhunga Naupang kum 5 hnuailam Zeng hri danna pek kalpui mekah mi 5709 te hri danna pek an ni tawh.
SPC te Uniform sem an ni
Serchhip District-a Students Police Cadet (SPC) kalpui hmasakna ber, Marian H/S-a SPC te hnenah niminpiah khan an Uniform tur pek-chhuah a ni.
Serchhip-a END ten nikum (2019) chhungin Chhiah cheng nuai 68 chuang zet an chhunglut
Serchhip-a Excise & Narcotics Department chuan nikum (2019) chhung khan Zu leh ruihna atana hman chi damdawi thahnem tak manin sawrkar-ah Chhiah cheng nuai 68 chuang zet an chhunglut a. Thubuai ziahluh thahnem tak awmin mihring pawh thahnem tak man an ni.
