April ni 1 atanga hman Mizoram Universal Health Care Scheme (MUHCS) hnuaiah damlote a thlawna an inenkawlna atan cheng vbc. 2.59 chuang sawrkarin a pechhuak tawh.
India leh Pakistan inkar boruak a chhiat avang leh boruak inlumlet zelah Bangladesh ramri lamah venhimna khauh zawka kalpui a ni.
ZPM Thalaite chuan ZPM sawrkar hnuah Post Matric Scholarship atan budget-ah State Maching Share an dah avangin tun sawrkarah State Maching Share-ah buaina a awm ve tawh ngai lo niin an sawi.
Mizoram Larsap Gen. (Rtd) Vijay Kumar Singh-n’n Lai Autonomous District Council (LADC)-a Floor Test nei tura thu a pek angin LADC Chairman T. Zakunga chuan May ni 16-a thutkhawm nei turin a ko.
Health Minister Lalrinpuii chuan Inrinni khan District Hospital, Mamit tlawhin sawrkar damdawi In te chu Nursing Care-ah tan la turin a chah.
MNF President Zoramthanga chuan Inrinni khan Kaladan Multi-Modal Road, Zorinpui leh Myanmar ramchhung engemaw chena thui a tlawh a, he kawng dinhmun hi a hmunah a enfiah a ni.
Nausen kum khat hnuailam thi zat tehnaah Mizoram chu rampum huapa dinhmun tha ber a ni a, Infant Mortality Rate (IMR)-ah hian Sikkim leh Manipur te nen nau piang 1000 zela nausen 3 thi ang niin rampum huapa dinhmun tha ber an ni.
Labour, Employment, Skill Development and Entrepreneurship (LESDE) changtu Minister Lalnghinglova Hmar leh Ministry of Skill Development and Entrepreneurship-a Secretary Atul Kumar Tiwari hovin Inrinni khan Mizorama Skill leh Entrepreneurship hmasawnna tur sawiho a ni.
Mizoram Police te chuan kumin January atanga April 15 thleng khan ruihhlo chi hrang hrang Rs. 52,00,15,865 hu man an nei tawh a, hemi kaihhnawiha mihring an man tawh zat chu mi 115 a ni. Hetihlai hian tleirawlho zingah Ganja a hluar niin Excise & Narcotics Department hotute chuan an sawi thung.
Health Minister Lalrinpuii chuan Mizoram Universal Health Care Scheme (MUHCS)-ah a tul angin sawrkarin sum a ngaihtuah zel dawn tih sawiin, sum lamah thlaphanna tur a awm lo tih a sawi a. MUHCS kalpui hnuah inziaklut 2,549 an awm tawh nia chhinchhiah a ni.