Serchhip-ah National Deworming Day 2025 hmangin Rulhut hlo pek beihpui thlak tan leh a ni
Larsap in Serchhip-a sawrkar Department hotute hmasawn zel tura theihtawp chhuah turin a fuih
Zirlaite School kal lo tan
Larsap in Assam Rifles leh Shalom School a tlawh
NGO leh Ex-Servicemen ten Larsap an kawm
Larsap in Sainik School tlawh
Minister hovin Zirtirtute Ni hman dan tur ngaihtuah
Kumin September 4-a (Ningani)-a ‘Teachers' Day 2025’ hman dan tur relin nimin khan State Working Committee for Celebration of Teachers' Day chu School Education Minister Dr. Vanlalthlana hovin an thukhawm a, kumin hian September 5 chu sawrkar Pisa chawlh a nih avangin a hma ni, Sept. 4-ah Teachers' Day hi hman tura ruahman a ni a, District Level Teachers’ Day lawm chungchangah District tina Deputy Commissioner te Chairman-na hnuaiah lawm dan rel nise, Zirtirtu chawimawina dawng tawhte tan anmahni khua leh vengah chawimawina hun siam nise an ti a. National Foundation for Teachers Welfare pawh an sawiho bawk a ni.
Har Ghar Tiranga Rally nei
Hri kai enkawl dam kim
Rel kawng-ah Mizoram lawmpui
Thenzawl Peace City Master Plan sawiho
Chief Minister Lalduhoma chuan nimin khan a Pisa-ah UD&PA Department Official pawi-mawh te kawmin Thenzawl Peace City Master Plan siamtu tur zawnna kalpui meka an thlen chinte a sawipui a. He hunah hian UD&PA Secretary Lalmalsawma Pachuau chuan July ni 22-a Master Plan siamtu tur zawnna hmahruai, Request for Proposal for Selection of Consultant an tihchhuah thu leh Company lian tak tak 18 ten an rawn ngaihven thu a tarlang a. Heng Pre Bid Queries rawn nei zingah hian khawvel huapa Company thate pawh an tel thu a tarlang a. Ruahman anga thil a kal chuan tun September thla tir hian a thawktu tur thlanna hi neih fel hman tum a ni a, October thla atanga hna tanin, tun sawrkar kum chhungin Master Plan pawimawh zual chu peihfel hman an tum ang.
BJP Political Session nei
MYC kaltlangin hna hmu
Committee on Public Sector Undertakings in CM kawm
Mizoram Legislative Assembly-a Committee on Public Sector Undertakings chuan nimin khan Chief Minister Lalduhoma chu a Pisa-ah kawmin Mizoram sawrkar hnuaia Public Sector Undertakings pali (4) te chungchanga an thilhmuh te an sawipui a. Chief Minister chuan Assembly Committee hrang hrangten Assembly-ah report an thehluh thin thu leh Committee on PSU ten an report an thehluh hmaa in zirchianna behchhan in thil hmuh an rawn sawipui hmasa chu an bengvar a tih thu a sawi a. “Kalphung tha zawk tur rawtna in rawn neih ngei ka beisei. In recommendation te chu House-ah han thehlut thuai ula, a rang lama tihhlawhtlin kan duhin ka ring,” tiin an rawtna pawm a harsat a rin loh thu a lo hrilh a. An thawh-rimna fakin lawmthu a lo hrilh bawk.
CM hovin MSPMC hmalakna thlirho a ni
Mizoram State Project Monitoring Committee chu nimin khan Chief Minister Lalduhoma hova thukhawmin an hmalakna hrang hrangte an thlirho.
NDMA hotu ten Mizoram rawn tlawh mek
National Disaster Management Authority (NDMA) hotute chu Mizoram-a khuarel chhiatna thleng thin leh Mizoram in chhiatna a hmachhawn dan chungchangte belchiang tur leh a tul anga hmalak dan turte rel turin nimin khan Aizawl an rawn thleng a, State Disaster Management Authority leh DM&R Department hotuten Lengpui Airport-ah lo hmuakin an lo dawngsawng a ni. NDMA Officials-te hian nimin vek khan Aizawl leh Lengpui inkar (Pukpui) kawnga lung tlak thinna hmun an tlawh nghal a; Pukpui-ah hian kumin April ni 28 khan lung tla-in Lalrinliana, Falkland-te chhungkaw chuanna Motor delhin amah bakah a nupui leh an fanu ten nunna an lo chan phah tawh a ni.