Hri kai mi 17 hmuh belh leh

/

Nimin khan Serchhip District-ah COVID-19 hri kai mi 17 hmuh belh niin mi 68 te enkawl dam an ni thung.

Nimin a Serchhip District-a hri kai hmuhchhuah thar zinga 10 te hi Serchhip khua a hri kai hmuh te niin Sialhau leh Thenzawl khua ah hri kai mi pahnih ve ve hmuh an ni a, Keitum, Chhiahtlang leh North Vanlaiphai-ah hri kai mi pakhat theuh hmuh an ni bawk. Heng bakah hian niminpiah khan Serchhip District-a TrueNat Laboratory atangin hri kai mi pahnih hmuh belh an awm a, New Serchhip leh P&E Veng-ah mi pakhat ve ve an ni.

Niminpiah-ah hri kai enkawl dam an awm belh loh hnuah nimin khan Serchhip District-a hri kai mi 68 te chu enkawl dam niin anmahni enkawlna hmun atanga chhuahtir an ni a, heti hian nimin tlai thleng khan Serchhip District-a hri kai hmuhchhuah tawh chu 5057 niin an zinga 4695 te chu enkawl dam an ni tawh a, hri kai hmuh tawh atanga chhutin za zela 92.84 te chu enkawl dam niin hri kai enkawllai 347 an la awm a, hri kai zingah mi 15 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »