Pathianni-ah hri kai mi 81 hmuh belh leh an ni

Pathianni khan Mizoram-ah Sample 443 enfiah niin COVID-19 hri kai 81 hmuhchhuah an ni a, Sample enfiah zawng zawng atanga chhutin za zela 18.30 zetin hri an kai a ni.

Pathianni khan ZMC-a RT-PCR Laboratory leh District hrang hranga TrueNat Laboratory bakah Fluorescent Immunoassay Test hmangin Sample enfiah a awm lova, Sample enfiah zawng zawng hi Rapid Antigen Test hmanga enfiah vek niin Sample 443 enfiah niin heng atang hian hri kai mi 81 hmuh an ni a, Aizawl District-ah hri kai mi 40 hmuh niin Serchhip District-ah 14, Champhai leh Khawzawl District-ah 7 ve ve, Kolasib District-ah 5, Hnahthial District-ah 4, Mamit District-ah 3 leh Lawngtlai District-ah hri kai mi pakhat hmuhchhuah an ni bawk.

Nimin khan Mizoram-a hri kai zingah mi 282 te enkawl dam an awm belh leh a, heti hian nimin tlai thleng khan Mizoram-a hri kai hmuh tawh chu 1,38,293 niin an zinga 1,35,232 te enkawl dam an ni tawh a, hri kai hmuh atanga za zela 97.79 te enkawl dam ni tawhin hri kai en-kawllai 2539 an la awm a ni. Nizan hmasa khan hri kai zingah mi pakhat boral awm belh lehin nimin ah he thu buatsaih lai thlengin boral an awm belh lova, hri kai zingah mi 522 an boral tawh a ni.

Comments

Popular posts from this blog

Volleyball S/F khel dawn