Hri kai 45 hmuh belh an ni

/

Nimin khan Serchhip District-ah COVID-19 hri kai mi 45 zet hmuhchhuah belh leh niin hri kai mi 29 enkawl dam an ni thung.

Nimin khan Serchhip District-a TrueNat Laboratory-ah hri kai mi 4 hmuh niin an vai hian Serchhip ami vek an ni a, Rapid Antigen Test hmangin hri9 kai mi 41 hmuh niin niminpiah-a hri kai mi 30 zet lo hmuh tawhna Neihloh khua ah hri kai mi 23 lai hmuh belh leh an ni a, Chhingchhip-ah pawh hri kai mi 10 zet hmuh belh leh niin Serchhip-ah 5 bakah Thenzawl, Leng leh Keitum-ah hri kai mi pakhat theuh hmuh an ni bawk. Nimin lama kan tarlan bakah niminpiah khan Thenzawl-ah hri kai mi 7, Kanghmun South-ah mi 3 leh Bungtlang-ah hri kai mi 2 hmuh an ni bawk.

Serchhip District-a hri kai te zingah nimin khan mi 29 te chu anmahni enkawlna hmun atanga chhuahtir an ni ve leh bawk a, heti hian nimin tlai thleng khan Serchhip District-a hri kai hmuh tawh chu 5512 niin an zinga 5191 te chu enkawl dam an ni tawh a, hri kai hmuhchhuah atanga chhutin za zela 94.17 te chu enkawl dam an ni tawh a ni.

Serchhip District-a hri kai hmuhchhuah te zinga mi Laltluangliana (46), Chhingchhip khua chu nimin tlai dar 4:15 khan ZMC-ah a boral ve leh thung a, Laltluangliana hian tun thla ni 7 khan hri a kai tih hmuhchhuah niin nimin khan ZMC-ah dahluh niin a boral zui nghal a, amah hi natna dang nei niin heti hian Serchhip District a hri kai hmuhchhuah zingah mi 16 an boral ta a, tunah hian hri kai enkawllai 305 an awm mek bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »