Sports Minister in sawrkar laipui hotute a kawm

New Delhi-a cham mek Sports Minister Robert Romawia Royte chuan niminpiah khan Union Youth Affairs & Sports Minister Anurag Singh Thakur chu New Delhi-a a chenna In-ah kawmin, India ramin Sports-a hma a sawn zel dan turte an sawidun.

Robert Romawia Royte chuan Mizoram sawrkarin hmasawnna ruhrel siam nana rawtna a thlen tawhte sanction rang tura a ngen chu Union Minister chuan a lo enzui vat tur thu a hrilh a ni. Niminpiah vek khan Sports Minister hian Union Minister of State for Home and Sports Nisith Pramanika chu a pisa-ah kawmin, Mizoram-ah State Sports projects thawh zawh tawh engemaw zat an neih thar thu hrilhin, a hawng turin a sawm a, Union Minister Pramanika pawhin a tum tur thu a hrilh a ni.

Tourism Department changtu Minister ni bawk Robert Romawia Royte chuan Union Tourism Secretary Arvind Singh pawh kawmin, Mizoram in Tourism hmasawn nana rawtna te Tourism Ministry leh Ministry danga an thlen te a sawipui a, Mizoram Tourism-in harsatna a tawh te pawh a hrilh bawk. Minister hian Lunglei Multi Utility Centre siamna tur atana cheng nuai 4600 man project a thehluh pawh sanction rang turin a ngen bawk.

Sports Minister Robert Romawia hian Union Sports Secretary Sujata Chaturvedi bakah Joint Secretary leh Director te sawmkhawmin meeting a neihpui bawk a. Mizoram tana project hrang hrang Sports Ministry-a tang mekte uluk takin an thlirho a ni.

ICT Minister ni bawk Robert-a chuan IT hmasawnna projects te Minority Affairs Secretary Renuka Kumar-a leh Joint Secretary te sawipuiin, tunhnaia sanction an pek avangin lawmthu a hrilh a. Union Minister of State for Home and Sports Nisith Pramanik pawh a Pisa ah kawmin thu pawimawh an sawidun a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man