.jpeg)
.jpeg)
Serchhip District-ah kumin chhunga African Swine Fever (ASF) vanga Vawk thi chu 104 a tling tawh.
Mizoram State Sports Council Non-Residential Coaching Programme chu nimin tlai khan Sports Minister Robert Romawia Royte chuan Hawla Indoor Stadium, Aizawl-ah a hawng a, “Mizoram leh Sports Department bungthar kaina a ni,” a ti.
Champhai leh Hnahlan-a Grape chingtute grape tharchhuah chu tunlai hian leikhawl mek a ni.
Mizoram-ah COVID-19 hri kai hmuhchhuah an la pung zel a, niminpiah a Sample enfiah 555 atangin COVID-19 hri kai mi 142 hmuh niin Sample enfiah atanga za zela 25.59 te chuan hri an kai a ni.
Mizoram sawrkar-a Taxation Department chuan kumin 2022-23 (April - June) chhungin Chhiah chi hrang hrang Rs. 2,63,94,07,847 a hmu tawh a, kum kal mek a chhiah hmuh beisei zat (target) chu cheng vbc. 801.3 a ni.
Gorkha te tana ziak leh chhiar bakah hnam hmasawnna kawnga thawh hlawk tak leh thu leh hla lama mi ril, Adi Kavi Bhanu Bhakta Acharya piancham vawi 208-na lawmna hun chu nimin khan Aizawl-ah Governor Hari Babu Kambhampati hovin neih a ni.
Kumin May ni 27-a Excise Department-in Millenium Centre-a Grape Wine an man sak zinga mi, tunhnaia Stroke vang boral Lalhriatpuii zangnadawmna cheng nuai 100 pe tura Congress Thalai ten sawrkar an phutna chungchang ngaihvenin nimin khan Congress Thalaite chu Secretariat Pisa tual-ah an pungkhawm.
National Health Mission (NHM) Employees Union Mizoram (NEUM) te chuan ni 3 chhung a huho-a chawlh an lak hnuah Vawiin atang hian tiamchin awm lova chawlh chhunzawm an tum a. Hetihlai hian Mizoram sawrkar chuan Vawiin atanga hna zawm lo te chungah dan anga hmalak a nih tur thu a sawi thung.