Mamit MJA ten Serchhip District tlawh hlawkthlak ti

MJA Mamit District member te chuan Ser-chhip District a Agriculture Department leh Horticulture Department hmalakna an tlawh te hlawk thlak an tih thu an sawi.

Zan 3 riaka Serchhip District tlawha rawn zin MJA Mamit District Member te hian nimin tlai khan Serchhip Press Club tlawhin MJA Serchhip District Member te nen inkawmna an nei a, he hunah hian MJA Mamit District President RD. Darthanzauva chuan Agriculture Department bultuma Serchhip District chhunga kuthnathawktu hmalakna an rawn hmu chu hlawkthlak an tih thu sawiin, hetiang hun buatsaih saktu Agriculture Department chungah pawh an lawm hle tih a sawi a. An thil hmuh leh tlawh hrang hrang atangin an District tana entawn-tlak tam tak an hmuh thu a sawi bawk.

Serchhip District tlawha rawn zin MJA Mamit District member te hian nimin chawhma lam khan Thenzawl tlawhin Agriculture Department hmalakna te an tlawh a, heng zingah hian RT. Lallawmkima'n ATMA hnuaia Zorin Bean a chinna hmun tlawhin a chingtute chuan Zorin Bean hi sawrkar atanga a chi kg. 2 vel an dawn chu chingin thla hnih velah a thar thu leh kg. ah Rs. 60/- vela an hralh thu an sawi a. Tunah hian quintal 1.5 vel an thar tawh thu leh a rah hi lo tawh lovin a chi atana an zuah tawh thu an sawi bawk.

Hemi hnu hian Sub-Mission on Agro-Forestry (SMAF) hnuaia kum 2020-2021 atana Nursery an siam pawh an tlawh nghal a, helai hmuna thlai chi hrang hrang an kuitiah te an thlir bawk. Hei bakah hian Mizoram-a Tuikhawhthla sang ber, Vantawng Khawhthla te, AH&Vety Farm-a Dilpui leh Deer Park te an tlawh bawk.

Comments

Popular News (Last 30 Days)

LPG man bithliah thar