Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

DC hnenah report thehlut

Kumin August ni 27-a Kolasib Diakkawn a unau mipa pathum leh mi dang pakhat te Tuizem chhunga chesuala an thihna chungchang chhui chiang tura din Magisterial Inquiry Team chuan nimin khan an report chu ziakin Kolasib District Magistrate Dr. H. Lalthlangliana hnenah an hlan a, vanduaina tawk-a boral te chu boruak tlakchham avanga thawchham-a boral an ni tih an sawi.

He vanduaina thlen dan chhuitu Member 3 awmna Magisterial Inquiry Team-in nimin-a report an thehluh atanga a lan danin vanduaina tawk ta te taksa endikna ah mihring tana pawi thei Chemical emaw, Tur emaw, Chemical zungzam emaw hmuh a ni lova, Tuizem-a tui chu a al hle a, hei hian Tui-ah Oxygen tlemin Carbon dioxide a tam tih a lantir a, an Chuap a in hnawh tawt nasa hle a, hei hian boruak tlakchham vanga boral an ni tih a lantir a ni. Tuizem chhungah hian boruak thianghlim chet velna turin boruak luh leh chhuahna a awm tha tawklo tih tarlan a ni bawk.

Comments

Popular News (Last 30 Days)