BSF ten an dincham an lawm

Serchhip Dawngzawl-a awm 60th Battalion Border Security Force (BSF) te chuan nimin Dec. 1, 2021 khan an Battalion hmun-ah an din champha vawi 57-na an lawm.

Nimin-a BSF ten an dincham an lawmna hunah hian an Commandant Vinay Yadav chuan BSF ten ramri venhimna hna chhuanawm taka an lo thawh tawh dan leh BSF pawimawhte a tarlang a. An thawhpui ram tana Martyr zawng zawngte zahna chibai bukin, ram tana an inpekna chu an theihnghilh tawh ngai dawn lo tih a sawi a. An Raising Day telpui tura an sawm kalkhawmte leh Keitum khua atanga telpuitute chungah lawmthu a sawi bawk.

60th Battalion BSF te hian Cultural Prog-ramme leh intihhlimna engemawzat te hmangin an din champha hi an lawm a. India ram hmun hrang hrang atanga kalkhawm sipaiten anmahni hnam zia pholang thei zai leh lam te entirin, Mizo hnam lam leh zai hrang hrangte Keitum khua atanga Cultural Team leh zaithiamten an entir bakah intihhlimna dangte nen hun an hmang a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man