Lenkawl

Mizoram Assembly inthlanpui neih turah Candidate 209 an awm dawn ta a, INC leh MNF te chuan bial 40-ah Candidate 40 ve ve neiin BJP in Candidate 39 an nei thung a. ZPM in Independent Candidate hmangin bial 37 an chuh dawn bakah Independent bawk Zoramthar in Candidate 23 an nei anga PRISM Party in candidate 13 neiin NPP in 9 leh NCP in 5 neiin behchhan neilo Independent Candidate 3 an awm bawk.

Chawngbuangin Memorial School Serchhip chuan nimin khan Parents Day neiin Serchhip SDEO, Vanlalchhana chuan khuallian niin a hmanpui.

Kohhran Hruaitu Committee ngenna avangin Kolasib-a All NGO Coordination Committee in Hnam hnatlang an neih chu nimin tlai khan tih-tawp lailawk rih a ni.

Nimin khan India Prime Minister hmasa ber, Pandit Jawaharlal Nehru piancham denchhenin 'Naupangte Ni' hman niin Aizawl-ah chuan Larsap in Raj Bhawan Multipurpose Hall-ah sikul naupangte nen inkawmna hun a buatsaih.

Mizoram Assembly inthlanpui chuh tuma hming pelut te tana inhnuhdawh theih hun chu nimin tlai dar 3:00 khan khar niin Serchhip District chhunga inthlanpui chuh tum te zingah inhnukdawk an awm lo a. Serchhip District Election Officer, Sangchhin Chinzah chuan nimin tlai khan thuthar thehdarhtute kawmin an inbuatsaihna a hrilhfiah bawk.