MSSC-Tata Trusts Football Academy 60 din dawn

Mizoram Sawrkar leh Tata Trusts tangkawpa Football zirna tur Academy 60 din chungchang leh a kaihhnawih dangte chu nimin khan Sports Minister hovin State Level Monitoring Committee chuan an sawiho.

He sawihona Sports Minister Pisa-a neih ah hian Sports Minister chuan kumin January ni 31 khan Mumbai-a World Trade Centre-ah Tata Trusts CEO leh hotu dangte nen Meeting neiin Football hmanga naupangte nun leh zirnaa puih chu Mizoram Sawrkar ngaih pawimawh a ni tih sawiin, MSSC-Tata Trusts Football Academy 60 chu Mizoram tuam chhuaka din a rawt thu a sawi a, Tata Trusts lam pawhin a thuphungin an remti a. “Covid hripui avangin a takin kan tan tlai ta deuh nain tuna bul kan tan thei tur hi a lawmawm takzet a ni,” tiin Tata Trusts lamin an sum tum tur cheng nuai 50 an ruahman fel tawh a, Mizoram Sawrkar pawhin cheng nuai 30 hu an thawh ve dawn a ni.

He sawihona ah hian Mizoram-a MLA Constituency 40 te chu huap kim vek nise, a rem leh tul dan azirin Constituency khatah pakhat aia tam pawh Academy hawn nise an ti a. Project kalpui dan turte, Coach lak dan turte leh training pek dan turte pawh rel niin, January 2022 chhunga hawn ngei theih nana hmalak nise an ti a. A bul tan nan Academy 60 chu kum khat chhung atan hawn nise, naupang kum 6-13 te tan nise tiin an rel a ni.

Comments

Popular posts from this blog

Volleyball S/F khel dawn