COVID-19 hri kai 570 leh dam 525 an awm belh

Niminpiah khan Mizoram-ah Sample 4298 enfiah leh niin heng atang hian hri kai 570 hmuh leh an ni a, Sample enfiah atanga za zela 13.26 te chuan hri an kai a ni.

Niminpiah khan ZMC-a RT-PCR Laboratory-ah Aizawl leh Mamit District atanga Sample lak 377 enfiah niin heng atang hian hri kai mi mi 53 hmuh an ni a, an vai hian Aizawl District atanga Sample lak an ni. Fluorescent Immunoassay Test hmangin Aizawl District-ah Sample 29 enfiah ni bawkin hri kai mi 6 hmuh an ni bawk a, an vai hian Aizawl khawpui chhung ami te an ni bawk.

Hnahthial tihloh District hrang hranga TrueNat Laboratory-ah Sample 298 enfiah ni bawkin heng atang hian hri kai mi 46 hmuh an ni bawk a, an zinga 21 te chu Lunglei District-a hri kai hmuh te niin Champhai District-ah 17, Siaha District-ah 5 leh Aizawl, Mamit leh Khawzawl District-ah pakhat theuh an ni.

Rapid Antigen Test hmangin niminpiah khan Sample 3594 enfiah niin hri kai mi 465 hmuh an ni bawk a, an zinga 261 te chu Aizawl District ami te niin Serchhip District atangin 37, Lunglei District atangin 31, Kolasib District atangin 26, Champhai leh Mamit District atangin 24 ve ve, Hnahthial District atangin 21, Khawzawl District atangin 17, Lawng-tlai District atangin 14, Saitual District atangin 6 leh Siaha District atangin mi 4 te an ni.

Heti hian nimin thlenga Mizoram-a hri kai hmuhchhuah chu 1,30,415 an tling tawh a, nimin khan tlai dar 5:00 thlengin hri kai mi 525 te enkawl dam leh niin heng te nen hian Mizoram-a hri kai enkawl dam chu 1,24,857 an tling tawh a, hri kai enkawllai 5087 an la awm bawk a ni. Nimin khan hri kai zingah mi 4 lai boral awm lehin Mizoram-a hri kai te zingah mi 471 zet an boral tawh a ni.