Hri kai 24 hmuh belh leh

Nimin khan Serchhip District-ah COVID-19 hri kai mi 24 hmuh belh awmin mi 26 te enkawl dam an ni thung.

Hriat theih chinah nimin khan Serchhip District-ah hri kai mi 24 hmuh niin an zinga mi pahnih te hi TrueNat Laboratory atanga hri kai hmuhchhuah an ni a, midang 22 te hi Rapid Antigen Test hmanga hri kai hmuh te an ni thung. Rapid Antigen Test hmang hian Ser-chhip khua bikah chuan hri kai mi pakhat chiah hmuhchhuah belh an awm a, Chhiahtlang-ah hri kai mi 10 hmuh niin Chhingchhip leh Leng-ah mi 4 ve ve hmuh an ni a, Bungtlang-ah hri kai mi pathum hmuh an ni bawk.

Serchhip District-a hri kai te zingah mi 26 te chu nimin khan anmahni enkawlna hmun atanga chhuahtir ni lehin heti hian nimin tlai thleng khan Serchhip District-a hri kai hmuh tawh chu 5536 an ni a, an zinga 5217 te chu enkawl dam ni tawhin hri kai hmuh atangin zaa 94.23 te chu enkawl dam an ni tawh a, hri kai enkawllai 303 la awmin hri kai zingah mi 16 an boral tawh a ni.