Kumin chhungin ILP thar 459 pek a ni tawh

Kumin chhungin Serchhip DC Office atangin State pawn atanga hnamdang Mizoram-a rawn lut te hnenah Inner Line Permit (ILP) thar 459 pekchhuah ni tawhin ILP 209 te chu tihnun thar a ni bawk.

Serchhip DC Office atanga thu kan dawn danin kumin January atanga November thla, thla 11 chhung khan May thla tihloh ah chuan thlatin ILP thar pekchhuah leh a hlui tihnun thar hi a awm ziah a, May thla bikah hian hri leng avanga inkhar-khipna kalpui a nih avangin ILP pekchhuah leh tihnun thar a awm lo thung a ni.

Kumin chhung hian thla mal-a chhutin March thla ah ILP pekchhuah thar tam berin 104 pekchhuah a ni a, ILP thar pekchhuah ah hian Rs. 2000/- zel chawi ngaiin hemi thla hian Chhiah Rs. 2,08,000/- hmuh a ni a, February thla ah ILP 100 pechhuakin Rs. 2,00,000/- hmuh a ni bawk a, thla dang zawngah ILP za pek-chhuah tlin a awm lo thung a ni. Kumin-a thla 11 kan hman tawh chhung hian November thla chu ILP tihnun thar (renew) tam ber thla ni bawkin ILP 42 renew a ni a, September thla khan 36 tihnun thar awm bawkin April thla khan 33 tihnun thar a ni bawk. Kumin chhunga ILP thar 459 siam atang hian Rs. 9,18,000/- hmuh niin ILP 209 renew-na atang hian Rs. 4,18,000/- hmuh a ni bawk.