Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

MURA in Governor kawm

Mizoram Underground Returnees Association (MURA) hruaitute chuan Mizoram Larsap Hari Babu Kambhampati chu nimin khan Raj Bhavan-ah hmuin an pawl nihphung leh din dan te hrilhin, Peace Accord hnuaia hamthatna te an dawng ve lo niin an sawi a, tunah hian chhungkaw tam tak chu eizawnna mumal nei lovin harsa takin an khawsa mek nia sawiin, Mizoram sawrkar atanga hamthatna te an dawn ve theih nan a puihna an dil bawk. Governor chuan MURA member te harsatna chu ngun zawk a lo zirchian a tum thu a sawi a. A tul chuan state sawrkar thuneitute pawh MURA te thilngiat chu lo sawipui a tum thu a sawi bawk. Governor chuan MURA hruaitute ngenna angin MURA member Aizawl khawpui a cheng zinga harsa zualte tanpuina atan pawh tanpuina pek a tum bawk a ni.


Cyber Jaagrookta Diwas

Internet kaltlanga sualna leh inbumna hrang hrang inhrilhhriatna leh a invenna tur inzirtirna programme, Cyber Jaagrookta Diwas hman dan tur ngaihtuahin nimin khan Health Secretary Van-lalngaihsaka hovin SAD Conference Hall-ah thutkhawm neih a ni a. Sawrkar laipui chuan State tin te chu Cyber Jaagrookta Diwas hmang tura tiin, Internet kaltlanga sualna tam tak inrawk, in bum leh tihduhdahna (Cyber Crime) hian Mizoram pawh zuah lovin ram kilkhawra awm ni mahse Police lam pawhin case engemawzat an lo hmachhawn tawh a. Hei vang hian sawrkar chuan Cyber Crime chungchang leh a inven dan tur nasa taka inzirtirna neih tumin nakum January 5-ah a hawnna neiin nakum chhung atan hun hman dan tur pawh duan nghal a ni bawk.


YMA Gen. Conf. nei dawn

Kumin-a YMA General Conference vawi 73-na Bilkhawthlir-a neih tur chu hri leng avanga neih theih a nih loh hnuah Vawiin hian Aizawl a R. Dengthuama Indoor Stadium-ah neih a ni dawn a, tun tumah hian Palai kal thei zat titlemin ro relna leh hruaitu thlanna neih a ni ang.


PC Party in Office an khar

PC Party chuan Aizawl-a an Office kumin atana kharna hun nimin khan hmangin he hunah hian an Party Sr. Vice President Vanlalruata chuan kumin 2021 chhung zawnga Pathian in PC Party a kaihhruainaah lawmthu a sawi a. MNF sawrkar paihthla in sawrkar tha din turin an che dawn tih a sawi bawk.


MPCC in chawimawina nei

Mizoram Pradesh Congress Committee (MPCC) chuan an President atanga chawl ta Lal Thanhawla chu India rama Congress rorelna sang, Congress Working Committee (CWC)-a Member atana ruat a nih lawmpuina leh chawimawina hun nimin khan Aizawl-a Lal Thanhawla Auditorium-ah an buatsaih.

Comments

Popular News (Last 30 Days)