SEDP atanga Zirtirtu ruai turin ruahmanna siam dawn

Chief Minister Zoramthanga chuan SEDP atanga zirtirtu ruai turin ruahmanna siam a nih tur thu a sawi.

Chief Minister hi nimin khan Mizo Students’ Union (MSU) General Hqrs. hruaitute chuan a Pisa-ah hmuin Mizoram sawrkar sikul-a zirtirtu indaihlohna chungchang an sawipui a, he hunah hian MSU hruaitute chuan ram pum-a sawrkar Sikul, Primary atanga High School-a zirtirtu indaihlohna a nasat hle avangin zirtirna kalpui hleih theih a ni lo tih sawiin, SEDP atanga zirtirtu ruai turin a ngen a, Chief Minister chuan MSU ngenna leh thlen anga SEDP atanga zirtirtu rawih chu tul a tih thu sawiin, SEDP atanga zirtirtu ruai turin ruahmanna siam a nih tur thu MSU hruaitute a hrilh tih MSU chuan thuchhuah siamin an tarlang a ni.

Hei bakah hian kum 2021–22 atana Mizoram State Health Care Society-a Budget dah a nih loh chungchang pawh MSU hruaitute chuan an sawi a, Mizoram sawrkarin mi harsa zawkte tana damdawi In-a an inenkawlna senso an hmuhlet theih nana Mizoram State Health Care Society (MSHCS) a kalpui mekah kum 2021–22 atana budget-ah sum dah a ni lo chu hriatthiam har an tih thu sawiin, kumin April thla atanga mipuite bill batsak te a rang thei ang bera pek a nih theih nan Chief Minister-ah hian an thlen bawk a. Chief Minister chuan MSHCS-a mipuite sum a batsak chu kumin Krismas hma ngeia engemaw zat pekchhuah a nih tur thu MSU hruaitute a hrilh bawk a ni. 

Comments

Popular News (Last 30 Days)

LPG man bithliah thar