Hri kai 29 hmuh belh leh

/

Nimin khan Serchhip District-ah COVID-19 hri kai mi 29 hmuh belh niin hri kai mi 20 te enkawl dam an ni thung.

Serchhip District-ah nimin thleng khan COVID-19 hri kai hmuh belh zel an la ni a, hriat theih chinah nimin khan hri kai mi 29 hmuh belh niin an zinga 11 te hi Leng khua a hri kai hmuh te an ni a, Leng khua ah hian Nov. 30, 2021 hnuah ni 4 chhungin hri kai mi 63 hmuhchhuah an ni tawh a ni. Nimin khan Leng khua bakah hian Serchhip, Chhiahtlang leh Then-zawl khua ah te hri kai hmuhchhuah an ni bawk.

Nimin khan Serchhip District chhung khaw hrang hrangah hri kai mi 20 enkawl dam an awm belh leh bawk a. Heti hian nimin tlai thleng khan Serchhip District-a COVID-19 hri kai hmuhchhuah tawh chu 5318 niin an zinga 5022 te chu enkawl dam an ni tawh a, hri kai hmuhchhuah atanga za zela 94.43 te chu enkawl dam ni tawhin hri kai enkawllai 279 an la awm a, hri kai hmuhchhuah te zingah mi 15 an boral tawh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »