Ngopa Village Council chuan an hnathawh that avangin Best Panchayat Award 2023-ah lawmman pakhatna chu Vawiin hian an dawng dawn.
India leh Bangladesh inrina Kawrpuichhuah a Lei dawhkaina tur sum hnuh let tak chu thla thum (3) chhunga a ram chungchang tihfel a nih loh chuan a liam hlen an rin thu Central PWD hotute chuan an sawi.
Central Young Lai Association chuan Lai Autonomous District Council-in India hmarchhak State danga Autonomous District Council-ten thuneihna ang a neih theihna turin hmalak an rel.
Fisheries Department-in Forest Department, Tourism, Mizoram Angling Association leh Dapchhuah YMA te puihnaa an huaihawt Tut lui-a Nghakuai khaia inelnaah ni hnih chhungin Rs. 19,39,000/- a lut.
Election Commission of India chuan Mizoram People’s Conference (MPC) Party pawmpuina (recognition) a titawp a. Recognise party a nihna nei let leh ngei tura beih an tum thu an President, Vanlalruata chuan a sawi.
Central YMA chuan insakna bungrua (Cement leh Iron Rod etc.) zuar bikah Mizo hming hawha sumdawnna kalpui dawr 85 a chhinchhiah tawh a, inchin fel hun atan April 10, 2023 atanga chhiara ni 30 chhung hun pek mek an ni.
Mizoram-a Cyber Crime lama mi sualten an bumna zinga 70% chu sum leh pai kaihhnawih a ni a, Mi sualten bumna chi hrang hrang an hman mek laka fimkhur turin Mizoram Police chuan mipuite an ngen nawn leh.