Right to Information (RTI) Week, 2025 chu nimin khan Aizawl-a ATI Auditorium-ah hman niin Larsap General (Dr) Vijay Kumar Singh chuan khuallian niin a hmanpui a, RTI Act chu midangte chhaihbuai nan hrim hrima hman sual a rem loh thu a sawi.
Aizawl Municipal Corporation (AMC) in Aizawl City Traffic Police te tana T-Shirt 315 leh Lukhum (baseball cap) 315 an lei sak te chu nimin khan Aizawl City Traffic Police te hnenah an hlan.
Kumin Fur ruahtui tla nasain a tihchhiat Khawruhlian khaw hnuaia NH-02 thawmthat hna kal mek chu nimin khan PWD changtu Minister Vanlalhlana chuan a hmunah kalin a enfiah.
Kumin kumtir atanga nimin, October ni 6. 2025 thleng khan Mizoram-ah ruihhlo hmansual vangin mi 65 an thi tawh.
Kumin September 30 zan-a Haluawng leh Zotuitlang inkara lirthei pakhat-a chuang te vau-a pawisa laksaktu nia hriat mi pali te chu Police ten man tawhin midang pahnih zawn mek a ni.
Mizoram Youth Commission (MYC) Chairman Malsawmzuala Ralte leh ODS to Chief Minister Jonathan Lalremruata te chuan nimin khan Takashi Ariyoshi, Minister & Deputy Chief of Mission, Embassy of Japan chu a Office-ah an kawm.
Tourism Minister Lalnghinglova Hmar chuan Mizoram-ah khualzin zat nasa taka a pun thu sawiin, State dangte nen khaikhin erawh chuan a la tlem thu a sawi.
Protective Home ni thin, State Social Welfare and Rehabilitation Centre (SSWRC) ni ta in SKOCH Award a lak leh kum 35 a tlin lawmna chu nimin khan neih niin Social Welfare Minister Lalrinpuii chuan a hmanpui.
Mizoram Public Service Commission (MPSC) chuan sawrkar kum kal mekah kum chanve chhung, April ni 1 atanga September ni 30, 2025 chhung khan hna lakna tur Advertisement 31 tichhuakin, hna lakna result 38 an tichhuak tih an tarlang.
Mizoram-a FCS&CA Kudam zawng zawnga hman tur Digital Weighing Scale (DWS) khuhhawnna chu nimin khan Aizawl-a Govt. Muanna Godown (GMG)-ah neih a ni a, Saitual, Khawzawl leh Champhai District-a hman tur DWS chu FCS&CA Minister B. Lalchhanzova chuan a vailiam nghal bawk.