Paragliding Training zo hnai

Mizoram Aero Sports Association (MASA) hmalakna a kumin February 9 atanga Paragliding Training neih chu tunkar hian zawhfel beisei a ni.

MASA hmalakna a Paragliding Training hi a tirah North Vanlaiphai-ah neih niin Serchhip bakah Aizawl leh Lunglei atangin mi 15 telin an zingah hian hmeichhia pawh pahnih an tel a, North Vanlaiphai-ah hian Pilot Proficiency (P1 leh P2) Training te neiin hemi hnu hian Champhai lamah Refresher Course neih leh a ni a, tunah hian Serchhip-a Paragliding Take-Off Point-ah Paragliding Pilot Proficiency (P3) Training neih leh niin hei hi tunkar hian zawhfel hman tura rua-hman a ni.

He training-a tel te hian midang phur thei turin boruak-ah darkar 200 tal an thlawh a ngai a, tunlai hian nitin ngawrh takin training hi an kalpui mek a ni.