Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Boruak muanawm tak hnuaiah Krismas hmang

Kristian he hunpui Krismas 2021 chu Serchhip-ah boruak muanawm tak hnuaiah hman a ni a, pawikhawihna thleng a awm hriat a ni lo.

Kumin Krismas hi Serchhip-a Kohhran hrang hrangte chuan boruak muanawm tak hnuaiah hmangin Kohhran hrang hrang ten CAB zawm chungin inkhawmna an nei thei a, Kohhran tam zawk te chuan chawhma leh chawhnu lamah inkhawm te neiin chhun lamah thingpui ruai an buatsaih a, zanin hian inkhawmna neih leh a ni ang. Hetihlai hian Kohhran thenkhat chuan Vawiin khan Krismas lawmna ruai hi an buatsaih a, ruai buatsaih te hi Kohhran lian lo an ni tlangpui thung nia hriat niin Kohhran tam zawk te chuan sawrkar ngenna zawmin Krismas lawmna ruai an siam dawnlo a ni.

Krismas-ah hian buaina leh harsatna a thlen lohna turin Serchhip Police, Excise & Narcotics Department leh tlawmngai pawl hrang hrang te chuan khawpui chhung hmun hrang hrangah ngawrh takin Duty an nei a, Serchhip Police te hian Serchhip khawpui chhung hmun 6-ah Duty Post an siam bakah khawpui chhung fang rengin Excise & Narcotics Department te pawhin khawpui chhung an fang bawk a, YMA ten an huamchhung theuh ah Duty Post siamin khawi hmun atang mah thil duhawmlo leh buaina a thlen hriat a ni lo a. Zan dar 9:00 atanga Curfew puan chu mipui te pawhin an zawm tha viau a ni.

YMA ten Duty-na hmun an siam hrang hrangte hi nizan khan Serchhip DC Kumar Abhishek IAS leh Serchhip SP Stephen Lalrin-awma te chuan an tlawhkual a, he hunah hian Addl. DC Lalmuansanga Ralte leh SDC F. Lalnisai te pawh telin Duty te hi thingpui lumna atan Rs. 1000/- theuh an pe a. Serchhip Sub-Hqrs. YMA te pawhin Duty te hi Rs. 1000/- theuh an pe bawk a ni.

Serchhip Police te chuan nizan lam khan thubuai ziahluh thar an neihloh thu sawiin, har-satna liantham thleng pawh a awm rihlo nia a lan thu an sawi a. Amaherawh chu ‘Khawm Case’ ang chuan mi 7 man an neih thu leh heng mi te pawh hi Krismas thilpek atan thubuai siam sak lova chhuah leh an nih thu an sawi a. Kan hma lawka Kumhlui thlahna leh kumthar lawmna neih leh turah pawh tun aia khauh zawka venhimna hi kalpui leh an tum thu an sawi bawk a ni.

Comments

Popular News (Last 30 Days)