New Serchhip-ah Road Side Bazar hawn a ni
New Serchhip North Village Council in New Serchhip PWD Office bula Road Side Bazar an sak thar chu nimin tlai khan Serchhip DAO Tlangtimawia Zote chuan a hawng.
Hri kai mi 4 hmuh belh
Nimin khan Serchhip-ah COVID-19 hri kai mi 4 hmuh belh leh niin nimin tlai thlenga hri kai hmuhchhuah chu 952 an tling tawh.
COVID-19 hri kai 522 hmuhchhuah belh leh an ni
Niminpiah khan Mizoram-ah Sample 7677 enfiah atangin CO-VID-19 hri kai 522 hmuh leh an ni a, Sample enfiah atanga za zela 6.79 te chuan hri an kai a ni.
AMC Area pawn lamah inkhawm theih dan ruahman
Mizoram sawrkar chuan hri leng avanga Aizawl Municipal Corporation (AMC) huamchhunga Partial Lockdown a kalpui mek chu chawlhkar khat dang a pawtsei leh a. Inkaihhruaina thenkhat erawh a thlahdula tihdanglam niin AMC Area pawn lama hri kai awmlohna khua ah te chuan Inkhawm theih dan tur ruahman a ni.
Whole Genome Sequencing tura sample 151 thawn zinga Delta strain 115 hmuh a ni
Aizawl District atanga Sample lak 151 te chu phai lamah enfiah a nih hnuah an zinga 115 te atangin COVID-19 hrik thar, Delta (B.1.617.2) Variant hmuh niin hei hi sample thawn zawng zawng atanga 78% a ni.
Vawk thi 3355 tling tawh
Serchhip District-ah African Swine Fever (ASF) vanga Vawk thi chu 3355 zet a tling tawh.
A pung um-a pawisa dahna nia sawi chungchang Serchhip Police ten an chhui zui mek
Tunhnaia Serchhip-a a pung um-a mi thenkhat ten pawisa an dahna chungchanga harsatna thleng chu Serchhip Police ten chhui zui mekin pawisa an dahna nia sawi Jenny Malsawmtluangi, Serchhip Dinthar Veng pawh Police ten thu an zawtfiah tawh a. A hnena sum dah nia insawi te chuan an sum dah ang tal hmuhlet theih an duh thu an sawi bawk.
PHE Department in Tui Pump khawl siamthat hna thawk
PHE Department in Serchhip khawpui chawmna atana Tui an pump-na a Diesel khawl te chu nimin atang khan siamthat hna thawh niin Vawiin hian zawhfel theih beisei a ni.
