Latest News

Zirlai ten thisen Unit 46 pe

/
Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.
Post a Comment

Selam-ah SRDC Rest House sak thar hawng

/

Sialkal Range Development Council (SRDC) Fund kaltlanga cheng nuai 28 senga Selam-a SRDC Rest House sak chu nimin khan Health & Family Welfare Board Vice Chairman Dr. Z.R Thiamsanga chuan a hawng.

Rest House thar hawnna ah hian Health & Family Welfare Board Vice Chairman chuan Sialkal tlangdung khuate chu lungrualna leh thawhhona tha tak neia hmasawnna kawng chak zawka zawh thei tura rilru seng turin a chah a. Sawrkar in Sialkal tlangdung hmasawnna tura hmasawnna ruhrel leh hmachhawp a neih hrang hrangte a hlawhtlin theihna tura pawimawh ber an nih angin a thlawptu nih tum tura sawmin, “Mawhphurhna tam tak kan kutah a awm tel a, kan rilru puthmang te siam dik hmasain hmabak kan neihte tha taka hlen turin ngaihtuahna kan sen a ngai a ni,” a ti.

Sialkal Range Development Council (SRDC) hi kum 2012 a din niin, 21-Lengteng AC bialtu MLA apiangte Chairman an ni thin a, SRDC Area hian khaw 6- Mimbung, Hrianghmun, Teikhang, Kawlbem, Vaikhawtlang leh Selam te huamin Rest House hi Selam bakah Teikhang leh Hrianghmun-ah te sak a ni a, Mimbung leh Aizawl-ah Guest House sak a ni bawk.

Comments

Post a Comment

Popular News (Last 30 Days)