Minister Lalruatkima’n sawrkar mi pawimawh te hmu

Rural Development Minisster Lalruatkima chuan nimin khan sawrkar laipui-a a Department enkawl kaihhnawih Ministry-a mi pawimawh hrang hrangte New Delhi-a an Office-ah hmuin Mizoram Sawrkar hnuaia mamawh hrang hrangte a thlen.

Revenue Department changtu Minister Lalruatkima hian Department of Land Resources (DoLR)-a Secretary Ajay Tirkey hmuin Mizoram-ah PMKSY-WDC phase-I a tawp tak avanga a chhunzawmna tur PMKSY- WDC 2.0 projects a tan a rang thei ang bera fund release turin a dil a. MGNREGS changtu MoRD-a Joint Secretary Rohit Kumar-a hnenah Mizoram-a MGNREGS hnuaia thingtlang mipui Job Card holders ten an inhlawhna 2021 September thla atanga an la dawn loh chungchang leh thingtlang mipuite harsat tawh mek chu a thlen bakah SPMRM (Rurban) changtu Joint Secretary Dr. Biswajit Banerjee hnenah SPMRM (Rurban) hnuaia Cluster 4 (pali) awm meka hmalakna leh hmasawnnate a sawipui bawk.