Latest News

Supplementary Nutrition Programme kalpui mek

Serchhip ICDS Project hnuaiah Supplementary Nutrition Programme chu kalpui mek a ni. ICDS Project hnuaiah Supplementary Nutrition Programme-ah hian Anganwadi Centre 100-ah ei tur tha item 15 sem thin niin Fortified Rice leh Wheat pawh sem thin a ni a. Nausen atanga naupang kum 6 ten hriselna tha an neih theih nan POSHAN Abhiyaan tha taka kalpui a nih bakah Nutri Garden pawh Anganwadi Centre 100-ah kalpui a ni a, heng huan-a an tharchhuah thlai te hi beneficiary te hnenah sem thin a ni.

Tennis inelna zawhfel a ni

Serchhip District Tennis Association (SDTA) buatsaih ‘Years End Tournament’ chu Inrinni khan khelh zawh a ni.

Leisekawt Tennis Court-a tun thla ni 4 atanga khelh ‘Years End Tournament’ ah hian Mens A Category-ah V. Laldinngheta (New Serchhip) chuan Vanlalawmawia (Bukpui) chu 8-5 a hnehin a champion a, Mens B Category-ah R. Lalengkima (IOC Veng) chuan Chawnghmingthanga (New Serchhip) chu 8-3 a hnehin a champion bawk. Mens Double-ah Vanlalawmawia (Bukpui) leh Hmingsangzuala (Hmar Veng) te tangdun chuan Vanlalchhana (Vengchung) leh Vanlalvuana (P&E Veng) te tang-dun chu 8-3 a hnehin an champion bawk.

Comments

Popular News (Last 30 Days)