Mizoram-ah hri kai hmuhchhuah tlahniam ve zel

Niminpiah khan Mizoram-ah Sample 3199 enfiah leh niin heng atang hian COVID-19 hri kai mi 234 hmuhchhuah an ni a, Sample enfiah atanga za zela 7.31 te chuan hri an kai a ni.

Niminpiah khan ZMC-a RT-PCR Laboratory-ah Aizawl District atanga Sample lak 226 enfiah niin heng atang hian hri kai mi 24 hmuhchhuah an ni a, an zinga mi 10 te chu Samlukhai khua ami te niin a bak hi Veng leh khua 9 ami te an ni. Fluorescent Immunoassay Test hmangin Serchhip District-ah Sample 2 enfiah niin hri kai hmuhchhuah an awmlo bawk a ni.

Mizoram District 8-a TrueNat Laboratory-ah niminpiah khan Sample 84 enfiah ni bawkin heng atang hian hri kai mi 21 hmuhchhuah an ni a, an zinga 8 te chu Champhai District-a hri kai hmuhchhuah te niin Lunglei District-ah hri kai mi 6 hmuh an ni a, Hnahthial District-ah 5 leh Aizawl leh Mamit District-ah hri kai mi pakhat ve ve hmuh an ni bawk.

Lawngtlai tihloh District hrang hrangah niminpiah khan Rapid Antigen Test hmangin Sample 2887 enfiah ni leh bawkin heng atang hian hri kai mi 189 hmuhchhuah an ni a, an zinga 75 te chu Aizawl District-a hri kai hmuhchhuah niin Lengpui khua ah hri kai mi 11 hmuh an ni a, Kolasib District-ah hri kai mi 21 hmuh niin Mamit leh Khawzawl District-ah 19 ve ve, Hnahthial District-ah 17, Saitual District-ah 13, Champhai District-ah 10, Lunglei District-ah 8, Serchhip District-ah 6 leh Siaha District-ah hri kai mi pakhat hmuh an ni bawk.

Heti hian nimin thlenga Mizoram-a hri kai hmuhchhuah tawh chu 1,38,847 niin nimin-ah hri kai mi 302 te enkawl dam an ni ve leh a, Mizoram-a hri kai zingah mi  1,35,946 te enkawl dam ni tawhin hri kai hmuh tawh atanga chhutin za zela 97.91 enkawl dam an ni tawh a, hri kai enkawllai 2373 an la awm a ni. Nimin khan Mizoram-ah hri kai mi 3 an boral leh bakah tun thla ni 11-a boral pakhat chhinchhiah belh awmin Mizoram-a hri kai zingah mi 529 an boral tawh a ni.