Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram Rel kawng Parliament-ah sawilang

Railways Minister Ashwini Vaishnaw chuan Bairabi atanga Sairang thleng Rel kawng phah hna kal mek chu thawh zawh hun tur tak sawi theih ni lo mahse a chak thei ang bera thawh a ni ang, a ti.

Nimin a Parliament Inkhawm-ah Bairabi atanga Sairang Rel kawng chungchanga Mizoram Lok Sabha MP C. Lalrosanga zawhna chhangin Railways Minister Ashwini Vaishnaw chuan KM 51.38 a thui he Rel kawng siam hna hi cheng vbc. 6527 senna tur ni a chhut a ni a, cheng vbc. 4343 sen a ni tawh a, kum 2021-22 chhung atan cheng vbc. 1036 ruahman a ni, a ti. He Rel kawng-ah hian Lei lian dawh tur 55 a awm a, Lei tê 87 dawh tur a awm bawk tih sawiin Union Minister chuan, Leiverh 32, a vaia a sei zawng KM 12.65 a awm dawn bawk tih a sawi a ni.

Zawh belhna chhangin Railways Minister chuan Bairabi atanga Mizoram chhimlam thlenga Rel kawng siam rawt chungchangah ama Office-a sawipuiah Mizoram Lok Sabha MP chu a sawm a. A hnua zawhna dang chhangin Vaishnaw chuan Assam-a Karimganj District chhung ami Dullavcherra atanga Mizoram-a Zamuang thleng, KM 30 vela thui tur Rel kawng siam rawt chungchangah amah sawipui turin hemi chungchang zawttu Karimganj bial MP Kripanath Mallah chu a sawm bawk.

Comments

Popular News (Last 30 Days)