MNF-in zalenna a sual - Tawnluia

MNF Sr. Vice President Tawnluia chuan, “MNF-in zalenna a sual a, Mizoram-in zalenna kan sual,” a ti.

MNF Treasurer K. Vanlalauva lehkhabu ziah 'Independence Puan leh Underground Sawrkar' tih nimin a Aizawl Vanapa Hall-a a tlangzarhna ah he thu hi sawiin MNF Sr. Vice President chuan, MNF hian Mizo hnam zalenna suala rammu in kum 20 a thawk tih sawiin, “Politics-a inchirtheh duh luat vangin thil kal tawh, han siam kawih hleka inbeih nana hman a awm thin a. ‘MNF-in Independent an sual lo,’ tih hi a ri leh thin a. MNF hian Independent a puang a, a sual a, India a do a, chu chu a takin Zoram-in kan paltlang a ni. He thu a ni lo zawnga sawi an awm thin hi a pawi tak meuh a ni,” a ti a. “Politics-a kan tawnsan theih ber Independence kan sual takzet zet a. Ram tana Martar, tuar leh riltam huamin a sang telin he ram hi an lo rammutpui tawh a ni. A chawhchhiat theih tawh loh a ni,” a ti. Tawnluia chuan Hnam sipai te kha an tlawm lo tih pawh sawiin, “Ram tana rammut kha an la inpeih em em. Chutih laiin India sawrkar nen remna siam turin Kohhran leh mipuite atangin nawrna nasa tak a lo awm a. Chuvangin, Politics a nih avangin kan ram mipui, kan thawhsakte zawkin remna neih an duh tawh em avangin remna kha lo awm a ta a ni,” a ti bawk.

Comments

Popular News (Last 30 Days)

LPG man bithliah thar