Tunhnaia ruah sur nasa avanga Khawthlang-tuipui lian avangin Lunglei District chhung Tlabung leh a chhehvel-a chhungkaw 254 te chu hmun him lamah thiarchhuah an ni tawh a, heng mite hi Tlabung-a chhungkaw 66 bakah Tipperaghat-ah chhungkaw 47, Silgur-a chhungkaw 42, Tui-chawng-ah chhungkaw 35, Lamthai leh Nunsury I-ah chhungkaw 26 ve ve leh Sugarbasora-ah chhungkaw 11 te an ni a. Lamthai khaw mi 3 chu Lawng-ah an tangkhang mek bawk. Heng mite bakah hian Bindasora a chhungkaw pakhat leh Nunsury II-a chhungkaw pahnih chu hmun him lamah suanchhuah an ni tawh a, Tlabung Indoor Stadium chu tuilian in a chim tawh a ni.
Nimin khan Govt. Champhai College Multipurpose Hall-ah Sports & Youth Services Department leh Mizo Zirlai Pawl (MZP) te tangkawp buatsaih 'Youth 20 Mizoram - Meet on Nationalism, Patriotism & Development' tih thupui hmanga zirlai intawhkhawmna neih a ni.
Mizoram Governor Dr. Hari Babu Kambhampati chuan kumin a Gandhi Jayanti (October 2) lawmna atan Handloom & Handicraft Fair buatsaih a rawt.
Mizoram State Disaster Management Authority chu nimin khan Chief Minister Zoramthanga hova thukhawmin kumin-a an hmalakna te, an hmachhawp te leh tunhnaia hmun hrang hranga leilung chhiatna thleng mek an hmachhawn dan te an sawiho.
Mizoram pawn atanga sahimna zawnga Mi-zoram-a raltlan rawn lut zingah zirlai 8119 te chu Mizoram sawrkarin a enkawl mek.
Family Oriented SEDP Phase 2 kalpui dan tur chungchang ngaihtuahin nimin khan SEDP Executive Board thutkhawm neih a ni a, Family Oriented SEDP Phase 2 hnuaia First Instalment chu a tul ang angte tihfel a nih hnuah September 2023 ralhma ngeia sem chhuah vek hman tum a ni.
Hnahlan Winery atanga siamchhuah Isabella Wine chu Mizoram pawn-a hralhchhuak turin nimin khan MoU ziah a ni.