Serchhip District-ah COVID-19 hri kai hmuhchhuah an awm belh zel a, nimin thleng khan hri kai 527 zet hmuhchhuah awm tawhin nimin leh niminpiah ah hri kai hmuhchhuah thahnem tak an awm leh a ni.
Niminpiah khan Mizoram-ah Sample 4741 enfiah niin heng atang hian hri kai mi 288 hmuh leh an ni a, hei hi darkar 24 chhunga hri kai hmuh an tam ber ni niin Sample enfiah atanga za zela 6.24 te chuan hri an kai a ni.
Rural Development Minister, Lalruatkima chuan nimin khan District leh RD Block hrang hranga thawktu chu Virtual Meeting a neihpui.
World Health Organization (WHO) chuan Mizoram-a COVID-19 hri kai damlo Oxygen mamawhte hman tur Oxygen Concentrator 150 Mizoram sawrkar a rawn pe.
Darkar 24 kalta chhungin Serchhip District-a Vawk hri lenna hmunah Vawk thi pahnih a awm leh a, Serchhip District-a Vawk hri lenna hmuna Vawk thi chu 70 a tling ta a ni.
State Level Special Investigation Team on Fire Outbreak leh Serchhip District Level Committee on Fire Prevention Member bakah Official te chuan tunhnaia Serchhip District chhunga kangmei chhuak hrang hrang chungchang nimin khan Video Conference hmangin an sawiho.
Tunhnai khan Serchhip-a UD&PA Office chu misual tu tih hriatloh ten rawkin thil bo liantham lutuk erawh a awmlo nia thudawn a ni.
Kumin-a Thal chhung, thla thum kalta chhung khan Thenzawl Forest Division huamchhung ah tlangram, lui tui awm tir thei ram Hactare 305.1-a zau chu ramkang vanga kangchhia in, kangmei avangin hnathawktu zingah hliam tuar leh nunna chan an awmlo thung.