Development of North Eastern Region (DoNER) Minister, Jitendra Singh chuan zankhat riak turin nimin khan Serchhip a rawn thleng a, Serchhip bial-a BJP Candidate, Lalhriatrenga Chhangte tan a rawn Campaign a ni.
Nimin khan Serchhip-ah COVID-19 hri kai mi pakhat hmuh belh leh niin Serchhip District-ah hri kai enkawllai mi pahnih an awm ta a ni.
Vote thlak a pawimawh zia inzirtirna kawng pakhat atana buatsaih, Systematic Voter's Education and Electoral Participation (SVEEP) Marathon chu nimin zing khan Serchhip DC Office Tual atanga neih niin District Election Officer, Kumar Abhishek IAS chuan a vailiam a ni.
Niminpiah khan Mizoram-ah Sample 1660 enfiah niin COVID-19 hri kai mi 36 zet hmuhchhuah leh an ni a, hri kai hmuhchhuah zingah hian hri kaina hriatloh an awm nual bawk.
Mizoram-a FOCUS Project kalpui dan thlirletna chu nimin khan Agriculture Minister, C. Lalrinsanga hovin a Pisa-ah neih a ni a, he hun hi Agriculture Development Board Vice Chairman, H. Biakzaua MLA pawhin a telpui a ni.
Mizoram State Food Commission (MSFC) Member-te chuan an Chairman thar, HL. Rochungnunga hovin nimin khan Supply Minister, K. Lalrinliana chu a Pisa-ah an kawm.
Nimin thleng khan Mizoram hmun hrang hrangah Vawk pul hri vangin Vawk 671 an thi tawh nia chhinchhiah a ni a, heng Vawk thi te hian African Swine Fever (ASF) hri an kai tih hmuh a nih tawh avangin nimin khan AH&Vety Minister Dr. K. Beichhua hovin, African Swine Fever chungchanga hmalak dan tur ngaihtuah a ni.
Serchhip Dinthar Veng atanga Chhim Veng panna kawng chu siamthat hna thawh a nih avangin tun thla ni 18 thleng atan lirthei tan tlan phalloh a khar rih a ni.
Tunhnaiah Serchhip-ah chhan hriatloh-a Vawk thi a awm belh hriat a ni lova, AH & Vety Department hotute chuan hri laka kan ranvulh te a him theihna turin sawrkar thupek te tha taka kan zawm a tul thu an sawi.