Serchhip bial-a bye-election hun puan a ni
Election Commission of India chuan 26-Serchhip (ST) Assembly bial bye-
election chu April 17, 2021 khian neih a ni dawn tih a puang.
election chu April 17, 2021 khian neih a ni dawn tih a puang.
election chu April 17, 2021 khian neih a ni dawn tih a puang.
Hna chan rawn haw 2637 awm
Mizo thalai State pawn-a hnathawk COVID-19 hri leng vanga an hna chan Mizoram-a lo haw Sawrkar-a inhriattir mi 2,637 an awm a, heng mite tan hian an eizawnna pui thei tur Training pek mek a ni.
Mizoram-ah hri kai thar 1; Enkawl dam 1 awm
Pathianni khan Mizoram-ah Sample 210 enfiah niin heng atang hian COVID-19 hri kai mi pakhat hmuhchhuah a ni.
Mizoram MP in Myanmar buaina a sawipui
Mizoram Rajya Sabha MP, K. Vanlalvena chuan nimin khan India Vice President, M. Venkaiah Naidu chu hmuin tunhnaia Myanmar ram-a buaina thleng avanga mipuite harsatna chungchang a sawipui.
RD Department in Schedule of Rates (SoR) zirho
Mizoram chhunga Mahatma Gandhi National Rural Employment Guarantee Scheme (MGNREGS) hnuaia hna chi hrang hrang thawhna a hman tura Rural Development Department buatsaih, Schedule of Rates (SoR) chungchang zirhona nimin khan neih a ni.
IAS-a kaisang thei tur Home Ministry-ah dil mek
Kumin February thla tawp-a Mizo IAS Officer 5 pension-a an chhuah avangin Mizoram Quota-a IAS a kaisang thei tur Mizo Officer te Union Home Ministry-ah thawn mek a ni.
Sample 12 enfiah leh a ni
Nimin khan Serchhip District-ah Rapid An-tigen Test hmangin Sample 12 enfiah leh a ni a, heng atang hian COVID-19 hri kai hmuh belh awm lovin thla hnih dawn chu Serchhip District-ah hian COVID-19 hri kai hmuhchhuah an awm tawhlo a ni.
Volleyball khelh tan a ni
Serchhip District-a 'Khelo India-Sports for Peace and Development' hnuaia Volleyball inelna chu nimin khan Serchhip-ah khelh tan a ni.
Hri danna pe chhunzawm
Kum upa te leh natna benvawn nei te tana COVID-19 vaccine pek hna thawh mek chu nimin khan Serchhip-ah chhunzawm leh a ni.
Governor kawm dan tur sawihona neih a ni
Mizoram Governor, P.S. Sreedharan Pillai-a’n tun thla ni 23-a Serchhip a rawn tlawh huna tlawmngai pawl, Political Party leh Kohhran hrang hrang hruaitute a kawm dan tur nimin khan Bawrhsap hovin sawiho a ni.
Congress Party in bye-election atana hmalak zel dan tur sawihona an nei
Serchhip Block Congress Committee chuan nimin khan Extended Committee thutkhawm an nei a, he hunah hian Serchhip bial-a bye-election neih tur atana hmalak dan tur sawiho in he hun hi bye-election neih tura an Candidate, PC. Laltlansanga chuan a telpui a ni.
World Consumers Rights Day hman niin SDCA in hnathawk tha chawimawina an dawng
Nimin March 15, 2021 khan khawvel pumah Consumers’ te dikna leh chanvo humhalh a tul zia inzirtirna ni, World Consumers Rights Day hman a ni a, Serchhip-ah pawh he ni pual hian hun hman niin Mizoram-a Consumer Association titha ber chawimawina chu Serchhip District Consumer Association te hnenah hlan a ni.