Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Keifang Field-a Phullem phah hawn a ni

Keifang Football Field-a Phullem phah thar chu nimin khan bialtu MLA leh P&E Minister R. Lalzirliana chuan a hawng.

Keifang kum 100 tlin lawmna leh Keifang Field-a Phullem phah hawnna buatsaih a ni chu lawmawm a tih thu P&E Minister chuan sawiin, Sawrkar a inthlak a Policy tha tak tak leh mipuiten an tangkaipui program te chhunzawn a ni lo thin chu a thalo tih sawiin, Zoramthanga kaihhruai Sawrkarin Sawrkar hmasa thil tih that tam tak an chhunzawm chu fak an phu tih a sawi a. Keifang Field-a Phullem phah chu District mipuiten ten dimdawi taka enkawl tura chahin, District Sports Complex ang te pawh an la neih ngei a beisei thu a sawi bawk.

Keifang Football Field-a Phullem phah hi NEC sum cheng nuai 538.81 senga thawh niin Lushai Engineers, Aizawl in he hna hi an thawk a. He Project hnuaiah hian Synthetic Turf phah a nih bakah Pavilion sak, Dressing Room leh inthiarna room leh tui dahkhawlna siam te a tel a ni. Synthetic Football Turf phah chin area hi 100X75 metre niin Play Area chu 105X69 metre a ni a. Pavilion hi mi 200 vel leng tura buatsaih a ni bawk. Pavilion hnuaiah Dressing Room 2 leh inthiarna 6 a awm a. RCC Water Tank tui litre 20000 dah khawl theihna siam a ni bawk. Field enkawl turin Keifang Joint VC chuan Keifang Centenary Sports Complex Development and Management Committee an din a ni.

Comments

Popular News (Last 30 Days)