Lenkawl

Food, Civil Supplies & Consumer Affairs (FCS&CA) Minister B. Lalchhanzova chuan nimin khan Zuchhip khaw hmun hlui lungphun hawngin Aizawl Municipal Corporation Executive Corporator Christina Roluahpuii Sailo chuan khual zahawm niin a hmanpui bawk a ni.

Urban Development & Poverty Alleviation (UD&PA) Department chuan PM-SVANidhi Scheme kum 6-na pualin tun thla ni 10 atang khan Dawrpui Multipurpose Committee Hall-ah ‘Lok Kalyan Mela’ an buatsaih a; PM-SVANidhi Scheme kaltlang hian Mizoram-ah kawtthlera dawrkai (Street Vendor) 4425 hnenah loan pek a ni tawh a ni.

Nimin khan Chief Minister Lalduhoma hovin a Pisa-ah Planning & Programme Implementation Department leh Finance Department hotute chu thukhawmin Ministry of Finance-in Shillong-a hmarchhak huap Institutional Capacity in North Eastern Region Workshop a buatsaih tur atana inbuatsaihna an nei a. Ministry of Finance, Govt. of India hian India hmarchhak Bial-a Externally Aided Project kalpui chungchangah awmze nei zawka kalpui a nih theih dan tur zirhona - Strengthening Institutional Capacity a buatsaih dawn a. Hmarchhak Bial-a EAP Institution leh Technical Capacity tihchak dan tur te, State hrang hrangten EAP an kalpuina lama an tawnhriat inhrilhtawnna te leh Ministry hrang hrangte tha zawka an thawhho dan tur te an zirho dawn a ni. He Workshop-ah hian Hmarchhak Bial-a Chief Minister te chu tel tura beisei an ni a, Mizoram Chief Minister pawhin thu a sawi dawn a ni.