Mizoram-a hri kai hmuh thar tlahniam leh hret

/

Thawhtanni khan Mizoram-ah COVID-19 hri kai hmuhchhuah thar tlahniam hretin Sample enfiah 4914 atangin hri kai mi 423 hmuh an ni a, Sample enfiah atanga za zela 8.61 te chuan hri an kai a ni.

Niminpiah khan ZMC-a RT-PCR Laboratory-ah Aizawl District atanga Sample lak 362 enfiah niin heng atang hian hri kai mi 37 hmuh an ni a, Veng leh khaw mal-a hri kai hmuh tam falna awm lovin hri kai te hi Veng leh khua 14 ami te an ni. Hei bakah hian Aizawl District-ah Fluorescent Immunoassay Test hmangin Sample 34 enfiah ni bawkin heng atang hian hri kai mi 6 an ni a, an zinga mi 5 te hi Aizawl khawpui chhung ami te niin Kawrthah khua mi pakhat a tel bawk.

Niminpiah khan Siaha leh Khawzawl tihloh District dang zawnga TrueNat Laboratory-ah Sample 207 enfiah ni bawkin heng atang hian hri kai mi 63 hmuh an ni bawk a, an zinga 26 te chu Lunglei District-a hri kai hmuhchhuah te niin Champhai District-ah 18, Mamit District-ah 7, Aizawl leh Hnahthial District-ah 4 ve ve leh Serchhip leh Lawngtlai District-ah mi pahnih ve ve an ni bawk.

Rapid Antigen Test hmangin niminpiah khan Mizoram-ah Sample 4311 enfiah niin hri kai 317 hmuh an ni bawk a, an zinga 133 te chu Aizawl District-a hri kai hmuh te niin Lunglei District-ah 41, Kolasib District-ah 29, Champhai leh Serchhip District-ah 20 ve ve, Mamit District-ah 18, Saitual District-ah 15, Lawngtlai District-ah 13, Khawzawl leh Hnahthial District-ah 10 ve ve leh Siaha District-ah mi 8 te an ni.

Nimin khan tlai dar 5:00 thlengin Mizoram-a hri kai mi 465 te chu enkawl dam ni ve lehin heti hian nimin tlai dar 5:00 thlenga Mizoram a hri kai hmuhchhuah chu 1,32,320 niin an zinga 1,27,591 te chu enkawl dam an ni tawh a, hri kai hmuhchhuah atangin za zela 96.43 te enkawl dam ni tawhin hri kai enkawllai 4247 an la awm bawk. Mizoram-a hri kai te zingah nizan hmasa khan mi pakhat boralin nimin khan mi pahnih an boral a, Mizoram-a hri kai zingah mi 482 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »