Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

State Boundary Committee thutkhawm neiin ramri-ah hmasawnna hnathawh chhunzawm a ni

Mizoram State Boundary Committee thutkhawm vawi 3-na chu nimin khan an Chairman, Deputy Chief Minister Tawnluia hovin neih a ni.

Directorate of Forensic Science Laboratory Conference Hall-a thutkhawm ah hian sawrkar mi pawimawh thenkhat te pawh tel tura sawm niin thutkhawm kaihruaitu Deputy Chief Minister chuan Member leh sawm bikte lawmna thu sawiin, John Neihlaia, IGP (HQ), Mizoram chuan ramri-a Police awmte dinhmun leh Law and Order dinhmun a sawi a, Home Secretary leh Boundary Committee-a Member Secretary Vanlalngaihsaka chuan Member-te sawiho tur, Discussion Paper leh sawrkar laipuiin hmarchhak State hrang hrang ramri buai zirchiang tura a ruat, Manohar Parrikar Institute for Defense Studies and Analyses (MP-IDSA) Team hnena thehluh tur Draft Approach Paper sawi zauna a nei zui a ni.

He hunah hian sawihona neih a nih hnuah Mizoram-Assam ramri chinfelna tura hmalak kawngah ‘Inner Line of 1875’ ah an la din reng thu tarlan niin ramri buai chingfel tur hian State pahnihte chu Political Level-ah inbiakna neih (political dialogue) tha an ti tlang a. MP-IDSA Team in tun thla tawp lama Mizoram an rawn tlawh huna thehluh tur Draft Approach Paper pawh chipchiar taka sawiho niin belh ngai leh paih ngaite bakah ngaihdan hrang hrang sawiho a ni.

Home Minister Lalchamliana chuan khaikhawmna hun hmangin rawtna hrang hrangah a tha ber tur ang zela kan hriata kan kal hi a pawimawh a, a tul anga inpawhfan theih zel a pawimawh a ni, a ti a. State pahnihte Political Level-a an inbiak a pawimawh bakah MP-IDSA Team lo kal hun atan tha taka kan lo inbuatsaih a pawimawh thu a sawi a. Assam lamin an chan lamah hmasawnna hnathawh a thulh bik si loh avangin Mizoram lam pawhin hmasawnna hna thawh thulh bik lo turin nimin khan Kolasib leh Mamit DC te hrilh an nih thu a sawi bawk.

Chief Secretary Dr. Renu Sharma pawhin Mizoram-a a hna a rawn zawm tirh atangin uluk takin ramri chungchang a zirchian nghal char char thu a sawi a, Mizoram mipuite, mipui aiawh pawl hrang hrangte, Political Party hrang hrangte leh Mizoram sawrkar te ramri chungchanga an inlungrual thap chu a lawmawm takzet tih sawiin, Mizoram tana tha ber tura theihtawp chhuaha tan lak a nih tur thu a sawi bawk.

Comments

Chhiar Hlawhte

Book of the Year hlan