Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

COVID hri kai boral

/

Nimin chawhma dar 11:00 khan VL. Thleng-liana (19), Serchhip IOC Veng-a Roluahpuia tupa chu COVID-19 vangin ZMC-ah a boral.

Thudawn danin VL. Thlengliana hian Dec. 8, 2021 khan Aizawl-a damdawi In pakhat-ah hri kai tih hmuhchhuah niin hemi hnu hian ZMC-ah enkawl nghal a ni a, natna dang nei niin nimin khan a boral zui ta a ni. Aizawl District-ah hri a kai tih hmuhchhuah a nih avang hian Serchhip District case-ah chhiar ni lovin Serchhip District-a hri kai boral-ah pawh chhiar tel a ni dawn lo a ni.

Tunhnaiah Serchhip District-ah COVID-19 hri kai boral hi an tam viau a, November thla hnuah mi 9 lai boral tawhin an zinga mi 4 te chu tun thla chhunga boral an ni nghe nghe a ni.

Comments

Post a Comment

Popular News (Last 30 Days)