Serchhip-a Fire & Emergency Services te chuan nizan hmasa khan Serchhip khawpui chhung hmun hrang hrangah kangmei tichhuak lo tura inzirtirna an nei.
Mizoram-a Fire & Services te chuan kan hma lawka hunpui Krismas leh Kumthar lo thleng tura halpuah leh halmawi leh kangmei tichhuak thei thil dang hal lo tura mipuite ngenna leh zirtirna atan nizan hmasa khan Street Campaign an nei a, Serchhip-a Fire & Emergency Services te pawhin an lirthei nen khawilai fangin mipui zirtirna thu hi an aupui a ni.
Serchhip-a Fire & Emergency Services te hian Kikawn-a tanin Serchhip Darnam tlang thleng kawngpui dung-a hun hmangin aurinna hmangin halpuah, halmawi leh a kaihhnawih halin boruak a tihbawlhhlawh dante, mihring hriselna a tihchhiat theih bakah kangmei a tihchhuah theih dante an puang chhuak a, kawtthler lun lai hmun 12-ah hun an hmang bawk a ni.
Serchhip-ah hian Fire & Emergency Services te hi Station Incharge pakhat ho na hnuaiah awmin Fireman mi 5 leh Driver 2, an vaiin thawktu mi 8 an awm mek a, kang thelhna Motor pahnih an kawl mek bawk a ni.
Comments
Post a Comment