Lenkawl

Chief Minister Lalduhoma chuan nimin khan ‘Thangram Cultural Meet 2026’ chu hmanpuiin, “Ramri in min dai dan mah se hnam ri chu kham theih a ni lova, ram hranah te, State hranah te awm mahila unau kan nihna te, hnam khat kan nihna te hi uar takin kan lantir zel dawn nia,” a ti.

Nimin khan Siaha-ah Livestock Insurance khuhhawnna neih niin Siaha District chhung khaw hrang hranga ranvulhtu mimal leh Society hruaitu kalkhawmte chu Livestock Insurance chungchang hrilhhriatna neih nghal a ni.

Mizoram Electricity Regulatory Commission (MZERC) huaihawtin nimin khan Mizoram State Advisory Committee Meeting vawi 28-na chu Aijal Club-ah neih a ni.

Aizawl Municipal Corporation (AMC) inthlan neih tur atan Political Party ten theihtawp an chhuah chhunzawm zel a, ZPM, MNF leh Congress Party te chuan Seat awm zawng zawng chuh an tum thu an sawi a, BJP erawh chuan Seat an chuh zat tur hi an la sawi chiang thei lo thung.

Social Welfare Department leh Spastic Society of Mizoram (SSM) tangkawp buatsaihin nimin khan fate zinga rilru leh pianphunga harsatna nei nu leh pate tana inzirtirna hun ‘Sensitization Workshop for Parents of Children with Special Needs’ chu Dawrpui Multipurpose Centre-ah neih a ni.

Mizoram State Project Monitoring Committee (MSPMC) Inspecting Team-te chuan tunlai hian Mizoram-a hmasawnna hnathawh hrang hrang a hmunah an enfiah mek.

Nimin khan Khumtung-ah Tawitlang Group MHIP Conference Vawi 13-na neiin Bialtu MLA leh Agriculture Minister PC. Vanlalruata chuan khuallian niin a hmanpui a, chhungkaw hlimna leh muanna chahbi chu Nu ten an kawl tih sawiin, Nu te chu an pawimawh hle a ni, a ti a. “Chhungkua-a Nu pawimawhna te chu MHIP member ten hre reng se,” tiin inchhungkhur an enkawlnaah hma sawn zel turin a fuih a ni.