Lenkawl

Zirtirtute Ni puala THUCHAH

Gandhi-a’n Zalenna a sual chhan leh a beih dan - Lalthantluanga Chawngthu

Vawiin August 14, 2023 hian LENKAWL Chanchinbu chuan kum 42 tlingin a kum 43-na a hmang tan dawn ta a, Pathian kaih-hruaina zarah harsatna hrang hrang thleng thei kara kum 42 zet tluang taka tihchhuah a ni thei ta hi lawmawm kan ti a. Tlawmngai taka chanchinbu min laksaktu leh min hlut saktu te, thuchhuah tur min pe thintu mimal, pawl leh Kohhran te bakah sawrkar chung-ah a tharin lawmthu kan sawi a. Hun lo kal zel turah he Chanchinbu hi Serchhip khawtlang tan a ni tih hriaa neitu chan chang zel turin kan sawm che u a, Serchhip khawtlang tana tangkai a nih zel theihna tura hmang tangkai zel turin ka sawm bawk che u a ni.

Lunglei Sub-Hqrs. YMA chuan Inrinni khan hnatlangpui kovin Lunglei khawpui chhungah hnamdang dan loa sumdawng leh Mizo hming hawha sumdawng an awm leh awm loh an enfiah a, hna-tlang a thawkte hi hlawm thum-ah inthenin Dan lova hnamdang sumdawng leh Mizo hming hawha hnamdang sumdawnna kalpui dawr 35 an hmu-chhuak a, heng te hi eichawp zawrhna dawr te, thingpui dawr te, bel zawrhna dawr, puanthuina dawr, electric bungraw zawrhna leh lirthei chhe siamna te a ni a. Heng mite chungah hian hmalak zui zel an tum thu YMA hruaitute chuan sawiin, Legal Committee ten an zirchian hnuah rua-hmanna siamin a tul dan angin hma an la dawn tih an sawi a ni.

Mizoram in kumin kumtawp lama Assembly inthlanpui a hmachhawn turah inthlan hun tur puan la ni lo mah se Political Party te an inbuatsaih mek a, Rorellai MNF Party chuan Hachhek leh Ser-chhip Bial-a ding tur puang tawhin Congress Party in South Tuipui, Siaha leh Serchhip bial-a ding tur an puang tawh a, ZPM in Bial 9 a ding tur leh Bial viltu 28 an pung tawh bawk a ni.

Kumin January ni 1 atanga tun thla ni 9 thleng khan Mizoram-ah COVID-19 hri kai rinhlelh mi 3707 enfiah atangin COVID-19 hri kai 588 hmuhchhuah an ni tawh a, an zinga mi 579 te chu enkawl dam niin mi 8 in nunna an chan a, nimin thleng khan hri kai enkawllai mi pakhat a la awm a ni. Mizoram-a COVID-19 hri kai hmuh tawh zawng zawng chu 2,39,555 an tling tawh a ni.

 Champhai District-a Samthang khua chuan tunlai hian Fur Zikhlum thar mekin kumin hian quintal 5000 vel thar an inbeisei tih an sawi a, an khua ah hian chhungkaw 85 ten Zikhlum hi chingin Horticulture Department leh FOCUS atangin Zikhlum chi leh tanpuina dang an dawng a, tun thla tir atang khan thar tanin quintal 1500 vel an hralh tawh thu leh August thla tawp thlenga hralh tur neih an inbeisei thu an sawi a, Tender hmangin kg. ah Rs. 20 atanga 32 inkar vela an hralh thin thu an sawi bawk a ni.

Tun thla ni 13-a Myanmar raltlan Khai zin Wi, Siaha Vaihpi a khawsa misual in an rukbo anga thuthang chu Siaha Police leh Mara Thyutlia Py (MTP) ten an chhui hnuah leiba tam tak a neih avanga tlanbo a ni tih finfiah a ni.

Tunhnaia Aizawl Sahuan atanga ramdang Sava (Lears Macaw) bo chungchangah hnathawktute an inhnamhnawih em tih enzui mek niin Police Station-ah FIR thehluh a ni tawh bawk.

Central YMA-in ruihhlo do tura a ruat, Central Anti Drugs Squad (CADS) Batch 5-naa Member turte lakluhna hun chu Zirtawpni khan Central YMA Committee Room-ah neih a ni.

Mizoram sawrkar in Myanmar atanga raltlante chanchin kimchang leh an biometric data chipchiar taka chhinchhiahna tura sawrkar laipui atanga thupek an dawn chu tih danglam ngai a awm avangin kalpui tan ala ni lo.

Information & Communication Technology (ICT) Department-a thawktute chuan kumin kumtawp lamah chuan Mizoram-ah 5G peihfel tumin Company-ten hma an la mek tih an sawi.

Kolasib District MJA te chuan chanchinbu mite dawt puangzar/thehdarh anga puh an ni chu Mizoram Journalist' Association, Kolasib District hmai ti bal thei a nih avangin an ngai thutak (serious) hle tih an sawi.

Mizoram atanga Tripura a inbengbel tawh Bru zinga Mizoram District pathuma vote la nei mi 6,232 te chu Mizoram Electoral Roll atanga an hming paih fel a ni.

Home Minister Lalchamliana chuan Mizoram leh Assam ramri-a khaw 62 te chu Mizoram ramri huamchina awm anih thu sawiin, ramri buaina chungchanga State pahnih aiawhte inbiakna neih leh hun tur chu ruat la ni lo mah se thil hrang hrangah erawh chuan inbiakpawh reng a nih thu a sawi thung.

ZUK LEH HMUAM LEH NAUPANG TE (Nu leh pa mawhphurhna) - C. Lalrempuia, Social Worker National Tobacco Control Programme

Thil pathum lek! - Zonuna Kawlni

Hnam thuam a dahlau lo zawngin kalpui ni rawh se - C.Ramengmawia

VAN RUAH TUI KHAWL - Ruatfela Nu

Consumer te i harh ang u -XXXIX : I Aadhaar data update a ngai ve tawh em? - Laldinpuia