Mizoram Sawrkar chuan Mumbai Mizoram House sa tura January 30, 2009 US Roofs Ltd. nena agreement an ziah chu a titawp a, Mizoram House sa tur hi midang zawn a ni dawn a ni.
Ministry of Labour & Employment in Employees' State Insurance Corporation (ESIC) Scheme a kalpui mekah pawisa tlem te chawiin Health Insurance Scheme tha tak kalpui mek a ni a. ESIC hi Mizoram-ah chuan Aizawl-ah kalpui mek niin inziaklut pawh an pung chho mek a ni.
Aam Aadmi Party (AAP) Mizoram chuan Aizawl Peak Resort, Zuangtui a mi chu Aizawl Municipal Corporation (AMC) atanga phalna nei lova sak a nih thu an sawi.
Hauruang khuaa Local Council huaihawtin Inrinni zing khan Hau-ruang Community Hall-ah Lunglei Municipal Council (LMC) atanga tal chhuah duh leh duhlo te hming lain Vantlang Inkhawm koh a ni.
National Highway-302 Ngaihven Pawl chuan NYH-302 siamtu te’n Tlabung leh Tuichawng inkara an lung hman thenkhat chu a tha tawk lo tih sawiin, a rang lama lung tha zawk hmanga thlak turin hnathawktute an hriattir.
Horticulture Department-in Thiak a Centre of Excellence for Flowers dinna tura rawtna a siam endik tura Holland atanga lo kal, Ton Bakker, PUM Expert, Indo-Dutch Centre of Excellence for Flowers chuan Inrinni khan Horticulture Department hotute leh Mizorama Floriculture pawl lian pali te a kawm.
Kumin chhungin Mizoram-ah Ui a seh nia rin vanga boral mi pakhat an awm tawh a, Mizoram thenawm, Manipur-a Ui a hri a len avangin tunhnai ah Ui a hri laka invenna vaccine la an thahnem hle.
Irrigation & Water Resources Department (IWRD) huan tuilian lo thleng thei laka mipuite inralrinna tur lo hrilhtu, ‘Flood Warning System’ chu Tlawng-ah an bun fel tawh a. Tuilian a lo thlen dawn pawhin a hmain mipuite hnenah inralrinna tur tichhuak turin an inpeih tawh a ni.
Lunglei Municipal Council (LMC) chuan nikum chhunga Parking Fee atanga sum an hmuh te chu a bo a bang awm lova mipui tana hman ni se an ti.