Mizoram Sawrkar chuan sawrkar hmasain an lak Muster Roll (MR) Teacher-te chu an chhawr zui dawn a, hun bituk chhungin Mizoram Teacher Eligibilty Test (MTET) an paltlang (pass) ngei a ngai thung.
Sports Minister Lalnghinglova Hmar chuan Mizoram sawrkarin Sports-ah ‘Hand Holding Policy’ a neih dawn thu a sawi.
Mizoram-a damdawi zuartute intelkhawm pawl, Mizoram Chemists & Druggist Association (MCDA) chuan nimin khan Dawrpui Multipurpose Centre-ah General Assembly vawi 37-na an hmang a, he hun hi Health & Family Welfare Department-a Joint Director (F&D) Lalsawma chuan khuallian nia hmanpuiin MCDA te chu sumdawng dangte ang lo takin mipui rawngbawltu, chhungkaw tin mamawh an nih thu a sawi a, dan phal loha damdawi ruihhlo zuarru te chu na takin sawrkarin a hrem zel thu leh an Drug License pawh cancel tawh an neih nual tawh thu a sawi a, Drug License chungchangah Sawrkar thar chuan khauh leh zual a tum chu lawmawm a tih thu a sawi bawk.
Zo Re-unification Organisation (ZORO) chuan tun thla ni 16 hian Zokhawthar leh Vaphai-ah India sawrkarin India leh Burma ramri hung a tum duhlohna leh Free Movement Regime (FMR) thiah a tum duhlohna lantir nan Peaceful Rally huaihawt an tum.
Saitual District Bawrhsap Dr. Lalngura Tlau chuan nimin khan an District chhunga Sihfa leh Khanpui khuate tlawhin FOCUS hnuaia hmalakna te a enfiah.
Tuichawng bialtu MLA leh Chakma Autonomous District Council (CADC)-a CEM Rashik Mohan Chakma chuan dan ang thlapin MLA leh CEM a nih kawp theih thu leh hlawh pawh a lak kawp theih thu a sawi.
Mizo Zirlai Pawl (MZP) in MPSC hnuaia Mizoram Combined Competitive Examination leh ACF hna lak dan a thil fello awm ni a an puh chungchang chhui tura sawrkarin a ruat, Inquiry Officer M. Lalmanzuala chuan an thil chhuina ah diklo engmah a hmuh loh thu a sawi.