YMA Day vawi 87-na chu nimin khan Mizoram chhung leh pawna YMA dinna hmun hrang hrangah urhsun taka hman niin Serchhip-ah pawh Branch YMA hrang hrang ten an remchan angin an hmang a, Serchhip Sub-Hqrs. YMA hruaitute pawhin Branch thenkhat ah an hmanpui bawk.
Khawlailung Bazar Branch YMA te chuan an din hnua a vawi khatna atan nimin khan YMA Day hmangin Serchhip District Fisheries Development Officer Lucy Lalrinpuii chuan khual-lian niin a hmanpui a ni.
Serchhip Bialtu MLA Lalduhoma chuan a bial chhunga Neihloh Branch YMA in nimin a YMA Day an hman chu khuallian niin a hmanpui.
Cancer damdawi chikhat 'Dostarlimab' chung-changah sawrkar chuan mipuite fimkhur turin a chah.
Nimin atang khan Civil Hospital Lunglei leh Christian Hospital Serkawn-ah thlawna zai runpui - ‘Free Surgical Camp’ buatsaih niin Vawiin ah chhunzawm leh a ni ang.
Niminpiah khan Mizoram-ah COVID-19 hri kai mi 29 hmuh belh leh niin nimin tlai thlengin COVID-19 hri kai enkawllai mi 171 an la awm.
Chief Minister Zoramthanga chuan a bial chhung Zembawk GZHS Tual-a YMA Day vawi 87-na puala hun hman chu hmanpuiin nizan khan Thuampui YMA Hall-ah YMA Day lawmna a hmanpui bawk.
Central YMA President R. Lalngheta chuan Chhung lam leh pawn lam atanga hmelma beitute hneh zel a nih theih nan Pathian hnenah thlen thin tur te, Mizo hnam chu hnam anga a dinchhuah zel theihna tur leh Missionary te kaltlanga din sak YMA chu Mizote inpumkhatna pawl ropui a nih zel theihna tura tan la zel turin Mizo mipuite a sawm a ni.